ഡോ.കെ.ജി.ബാലകൃഷ്ണന്‍
വെളുപ്പില്‍ പതുങ്ങി
ഏഴു നാണം കുങ്ങികള്‍
നിന്‍റെ ആവരണം അവര്‍ക്ക്
ഇരുളില്‍നിന്നു രക്ഷ.
നീ, നിന്നിലെക്കാവാഹിച്ച്
അവര്‍ക്കരുളി നിത്യത.
എഴിഴകള്‍ നെയ്ത്
നീ, നീയായി.
അത് നിന്‍റെ നിശ്ചയം; മൌനം.
അല്ലയോ, അഴകേ,
നിന്‍റെ നിറം വെളുപ്പാണോ?
നീ വെളിച്ചമാണോ?
ഒന്നെനിക്ക് തിട്ടം-
നീ ഏഴോ എഴുന്നുറോ
എഴയിരമോ ആണ്.
എഴുന്നത് ഏതും നീ.
എഴുതപ്പെടുന്നതും നീ തന്നെ.
(2 )
വെളിച്ചമേ,
നീ,
പ്രത്യക്ഷമാകുമ്പോള്‍,
ഇരുള്‍ ഒളിയുവതെങ്ങ്?
നീ എന്താണ്? ആരാണ്?
എങ്ങും,
കറുത്ത കറുകറുത്ത കറുപ്പ്.
നീ എത്തുമ്പോള്‍, അത്
നിഴലായി ചമയുന്നോ?
നീ പോകുമ്പോള്‍
നിഴല്‍,
ഇരുളായി പരക്കുന്നോ?
ഇരുള്‍, കൂരിരുളായി
നിറയുന്നോ?
വെളിച്ചമേ,
നയിക്കുമോ?
നിന്‍റെ വെളുപ്പിലേക്ക്.
