Posts

Showing posts from March, 2016

malayalasameeksha april 2016

Image
ഉള്ളടക്കം 
ഓർക്കുമ്പോൾ -സജീവ് അയ്മനം
ഒച്ചപ്പെടൽ - എ  വി സന്തോഷ് കുമാർ 
കാലചക്രം -രാധാമണി  പരമേശ്വരൻ  
മണിച്ചിത്രത്താഴ് - സീമ മേനോൻ 
ഗുരുവിനെക്കുറിച്ച് ഒരു നവാദ്വൈത
വായന: അവ്യയാനന്ദ  സ്വാമി 
അവൾ പറയുന്നത്- സുജയ
 ഒരു പ്രണയിയുടെ  കുത്തഴിഞ്ഞ  
വേദപുസ്തകം -ജിതേഷ് ആസാദ് 
ഒരു സ്വപ്നംപോലെ -ബാബു ആലപ്പുഴ  
ഈണമായിവൾ -അൻവർ  ഷാ  ഉമയനല്ലൂർ  
അഞ്ചു  ഹൈക്കു  കവിതകൾ - ദീപുശശി  തത്തപ്പിള്ളി  
അമേരിക്കൻ പ്രസിഡന്റ്  തിരഞ്ഞെടുപ്പ് , 
ഭാഗം രണ്ട് - സുനിൽ  എം എസ്  

അമേരിക്കൻ പ്രസിഡന്റിന്റെ തെരഞ്ഞെടുപ്പ് ഭാഗം 2 (ലേഖനം)

Image
സുനിൽ എം എസ്മൂത്തകുന്നം

ലോകത്തിലെ ഏറ്റവും ഉന്നതമായ ഇരുപതു സർവകലാശാലകളിൽ പത്തെണ്ണം അമേരിക്കയിലാണ്. അമേരിക്കൻ ജനതയുടെ നാല്പത്തിരണ്ടര ശതമാനം പേർക്ക് കോളേജ് ബിരുദമുണ്ട്. വിദ്യാഭ്യാസത്തിന്റെ കാര്യത്തിൽ അമേരിക്കയ്ക്ക് ലോകരാഷ്ട്രങ്ങൾക്കിടയിൽ അഞ്ചാം സ്ഥാനമുണ്ട്. ഇക്കാര്യങ്ങളിലെല്ലാം അമേരിക്ക മുൻ നിരയിലാണെങ്കിലും അമേരിക്കൻ പ്രസിഡന്റാകാൻ വിദ്യാഭ്യാസം ഒരു മാനദണ്ഡമല്ല. ഇതു വലുതായ സന്തോഷം തരുന്നെന്നു പറയാതെ വയ്യ; കാരണം, സാധാരണക്കാർക്കും പ്രസിഡന്റാകാമല്ലോ. അമേരിക്കൻ പ്രസിഡന്റാകാൻ മാത്രമല്ല, ഇന്ത്യയിലെ രാഷ്ട്രപതിയാകാനും വിദ്യാഭ്യാസം ഒരു മാനദണ്ഡമല്ല എന്ന കാര്യവും ഇവിടെ സ്മരിയ്ക്കുന്നു.


ഔപചാരികവിദ്യാഭ്യാസം നേടാനാകാതെ പോയവരും മഹാന്മാരായെന്നു വരാം. മറുവശത്ത്, ഉന്നതവിദ്യാഭ്യാസം നേടിയാലും ചിലർ മഹാന്മാരായില്ലെന്നും വരാം. അബ്രഹാം ലിങ്കനാണ് ഇതുവരെയുള്ള നാല്പത്തിനാല് അമേരിക്കൻ പ്രസിഡന്റുമാരിൽ ഏറ്റവും മഹാനായി കണക്കാക്കപ്പെടുന്നത്. ലിങ്കണൊരു ബിരുദധാരിയായിരുന്നില്ല. അദ്ദേഹത്തിന്റെ ഔപചാരിക സ്കൂൾവിദ്യാഭ്യാസവും ഹ്രസ്വമായിരുന്നു. ലിങ്കണിന്റെ മുൻഗാമിയായിരുന്ന ജയിംസ് ബ്യുക്കാനൻ ഒരു കോളേജ് ബിരുദധാരിയായിര…

അഞ്ച് ഹൈക്കു കവിതകൾ

ദിപു ശശി തത്തപ്പിള്ളി

1. മൈലാഞ്ചി പൂക്കൾ:

കാർകൂന്തലിലേറി ചമയാൻ ഭാഗ്യമില്ലെങ്കിലും;

നിന്നാത്മനീരിനാൽ, കറുത്തു തിളങ്ങട്ടെയോരോ മുടിയിഴകളും....

2. മോക്ഷം

ചോര മണക്കുന്ന വഴികളിലൂടെ,

അസ്ഥിക്കുടുക്കയിൽ,

അസ്തമിക്കാത്ത പ്രതീക്ഷകളുമായി;

തുടരട്ടെയെൻ മോക്ഷയാത്ര....

3. ചിരി

പകുത്തു നൽകിയ എന്റെ ഹൃദയം

വലിച്ചെറിയപ്പെടുമ്പോൾ

ഞാൻ മാത്രം എന്തിനു ചിരിക്കാതിരിക്കണം?

4. നിലവിളി

വരണ്ട ചിന്തകൾക്കും;

പൂപ്പൽ പിടിച്ച മസ്തിഷ്ക്കത്തിനും;

മുറിവേറ്റുപിടയുന്ന സ്വപ്നങ്ങൾക്കുമിടയിൽ-

ആരുടെയൊക്കെയോ നിലവിളികൾ

മരവിച്ചു കിടക്കുന്നു .....

5. പങ്ക്

പങ്കുവെക്കപ്പെടാതെ പോയ സൗഹൃദത്തിനും;

തിരിച്ചറിയപ്പെടാതെ പോയ കാരുണ്യത്തിനുമിടയിൽ..

.എന്റെ സ്നേഹം..,

എന്റെ പ്രണയം..,

ജ്വര ബാധയേറ്റിപ്പോഴും......

ഈണമായിവള്‍.../കവിത

Image
                                   അന്‍വര്‍ ഷാ ഉമയനല്ലൂര്‍


കാണ്മതില്ലേയിവളെ,യിടനെഞ്ചി,ലാര്‍ദ്രമാം

ഗീതവുമായരികില്‍ വന്ന വെണ്‍പ്രാവിനെ

കണ്‍കളിലൊരു സൂര്യചിന്തതന്‍ നാളവും

സിന്ധൂരമണിയുവാന്‍ വെമ്പും മനസ്സുമാ-

യിരുളാര്‍ന്ന ജീവിതത്തില്‍ നിറച്ചാര്‍ത്തുമായ്

വന്നണഞ്ഞെളിമതന്‍ കോലായില്‍നിന്നിവള്‍

കാണ്മതില്ലേ നിങ്ങള്‍; കനവുകള്‍ക്കുളളിലേന്‍

പുലരിപോല്‍ ചേര്‍ത്തുനിര്‍ത്തീടുമീയമലയെ?

-2-

നിറമേഴുമൊരുപോല്‍ തിരിച്ചുവന്നെന്നുടെ

ചാരത്തു നൃത്തംചവിട്ടുമുഷഃസന്ധ്യയില്‍

സ്വരഭേദമില്ലാതുണര്‍ത്തുപാട്ടായ് നിറ-

ഞ്ഞൊഴുകുന്നകമേ; നിളാനന്ദഗീതികള്‍

ആശംസയോതുവാനണയുന്നു മന്ദമെ-

ന്നാരാമമാകെ ചിതാനന്ദ പറവകള്‍

സിരകളിലരുവിയായൊഴുകുന്നു ചിരകാല-

കദനമേ,യതിലേറെ; സുരകാലമോദവും!

-3-

സ്ഥിതിയാകെമാറിയെന്‍ വിധിതന്നിളവുമാ-

യൊരുപ്രണയ ഛായാപടം തെളിച്ചെഴുതവേ,

എത്തിയിഹ! നവലോകമെന്നുറപ്പിച്ചുരയ്-

ക്കുന്നതെന്‍ കരളില്‍പ്പകര്‍ത്തുന്ന കാലമേ,

വാക്കിനാല്‍ വര്‍ണ്ണിച്ചിടാന്‍ കഴിയുന്നത-

ല്ലതിലേറെയാണരികിലുണരുന്ന പകലുകള്‍

നമ്രമുഖിയായടുത്തെത്തുന്നു സ്മരണകള്‍

വന്നാനയിപ്പതിന്നാനന്ദ വിചികള്‍!!

-4-

കരിവാവുകള്‍ക്കുമേല്‍ കരുതിവയ്ക്കുന്നതാ-

രരിമുല്ലപ്പുക്കളായ് രമണീയ…

ഒരു സ്വപ്നം പോലെ../കഥ

            --ബാബു ആലപ്പുഴ. -------            ----------------------------------------    --------------------------
     അപ്രതീക്ഷിതമായി വീടിനു മുന്നില്‍ ഒരു  വെള്ളകാര്‍ വന്നു നിന്നപ്പോള്‍ വരാന്തയില്‍ നിലത്തു കുത്തിയിരിക്കുകയായിരുന്നു രമണി.  മെലിഞ്ഞുണങ്ങിയ കൈകള്‍ക്കുള്ളില്‍ പൂഴ്ത്തി വച്ചിരുന്ന തല ഉയര്‍ത്തി നിസ്സംഗതയോടെ ദൂരേയ്ക്ക് നോക്കി.  ഇടിഞ്ഞു നിലംപൊത്തി കിടന്നിരുന്ന മതിലുകളുടെ അവശിഷ്ടങ്ങള്‍ക്കിടയിലൂടെ വെളുത്ത് സുമുഖനായ ഒരു യുവാവ് നടന്നു വരുന്നു!?       യുവാവ് വരാന്തയില്‍ കയറിയപ്പോള്‍ രമണി ആയാസപ്പെട്ട്‌ എഴുന്നേറ്റു. എണ്ണമയമില്ലാതെ, വികൃതമായി പാറിപ്പറന്നു കിടന്നിരുന്ന തലമുടി ഒതുക്കിവച്ചു. “...ആരാ..?..മനസ്സിലായില്ലല്ലോ..?” രമണിയുടെ ചോദ്യത്തിനുത്തരമായി യുവാവ്‌ അവരെ ദീര്‍ഘനേരം നോക്കിനിന്നു.  നെടുവീര്‍പ്പിട്ടു. “ചേച്ചിക്കെന്നെ മനസ്സിലായില്ല..അല്ലേ..?...ഇത് ഞാനാ....ബഷീര്‍..വര്‍ഷങ്ങള്‍ക്കു മുന്‍പ് ആരും കാണാതെ അടുത്തിരുത്തി വയര്‍ നിറയേ ചോറും കറീം വിളംമ്പിത്തന്നിരുന്നില്ലേ ഈ ചേച്ചി എനിക്ക്..?...എല്ലാരും “കള്ളന്‍” എന്ന് വിളിച്ചപ്പോഴും അതൊന്നും വിശ്വസിക്കാതെ എന്നെ കൂടുതല്‍ സ്നേഹിക്കുകയല്ലേ ഈ ചേ…

കാലചക്രം

 രാധാമണി പരമേശ്വരൻ 
കാത്തിരിപ്പിന്‍ കിനാവള്ളികള്‍ കനം തൂങ്ങി
കണ്ണുനീരുപ്പില്‍ വേരുകള്‍ വെന്തുനില്ക്കുന്നു
ന്ഷ്ടസ്വപ്നങ്ങള്‍ കണ്ടു തിമിരവുമായ് മുത്തശ്ശി
കൌമാരവും കൊതിച്ചു ഭൂതകാലത്തേക്ക്------------
.
കാലചക്രം, പ്രണയവും വിരഹവും നോക്കി-
നോക്കി കൊട്ടാരവും കുടിലും വിട്ടുരുണ്ടകലുന്നു
നിറക്കൂട്ടുകള്‍ ആകാശചുവരില്‍ ചിത്രം വരക്കേ
ചൈത്രം നിത്യവിസ്മയവുമായ് മിഴിതുറക്കേ-------------
.
വയസ്സേറെയായ ഭൂമി വാര്‍ദ്ധക്യവിവശയായ്
കണ്ണില്ത്ഭുതം നിറച്ചും, യൊവ്വനം കൊതിച്ചും
പിന്നേയും രാജവീഥിയൊരുക്കിയന്തപുരത്തില്‍
മധുവിധുവിനായ്‌ മണവാളനേയും കാംക്ഷിച്ച്-------

ഒച്ചപ്പെടല്‍

എ വി സന്തോഷ് കുമാർ  
 ഒറ്റയ്ക്കാവുമ്പോള്‍
അടുത്തുവന്നിരിക്കുന്ന
ഒച്ചക്കുഞ്ഞുങ്ങള്‍ക്ക്
കഥപറഞ്ഞുകൊടുക്കുന്നത്
ഓര്‍ത്തിരിക്കുമ്പോള്‍...
അത് ഇങ്ങനെയുമാകാം.
'മിണ്ടിയും പറഞ്ഞും
ഏകാന്തതയെതുരത്തും വിധം'
ഇരുട്ടില്‍
ഉടലില്‍
ഇഴഞ്ഞുകയറും ഉറക്കം
പുതപ്പുമുടുപ്പും ഉരിഞ്ഞെറിഞ്ഞ്
ഒഴികിയിറങ്ങും.
ആരവങ്ങളായി
വളര്‍ന്നുകഴിഞ്ഞ
ഒച്ചകളെ
അടര്‍ത്തിമാറ്റി
വെളിച്ചത്തിലേക്ക്
പിടഞ്ഞുണരുന്നതുവരെ.
ഒറ്റയ്ക്കാവുമ്പോള്‍
അടുത്തുവന്നിരിക്കുന്ന
ഒച്ചക്കുഞ്ഞുങ്ങള്‍ക്ക്
കഥപറഞ്ഞുകൊടുക്കുന്നത്
ഓര്‍ത്തിരിക്കുമ്പോള്‍...

ഓർക്കുമ്പോൾ

 സജീവ് അയ്മനം 


ഓർമ്മക ളെക്കുറിച്ചെഴുതുന്നത്‌
ഓർക്കുമ്പോൾ ത ന്നെ
ഒരോർമ്മ വന്ന്
കൈയിൽ പിടിക്കുന്നു.
ഏതെല്ലാം വഴികളിലൂടെ
പോകണം
എത്ര മുള്ളുകൾ കൊണ്ടു
മുറിയണം
വേണ്ട ..വേണ്ട
എത്ര മറന്നാലും
ഒടുവിലത്‌ നിന്റെ അടുത്തേക്ക്‌
കൊണ്ടുപോകും.!

ഒരു പ്രണയിയുടെ കുത്തഴിഞ്ഞ വേദപുസ്തകം

_ജിതേഷ്  ആസാദ് 
1
പ്രണയമിപ്പോഴും
പേനകളിൽ നിറയുന്ന
മഷിക്കടൽ.
2
നിന്നോളമെന്നെ
ലഹരിയിലാക്കിയിട്ടില്ല
ഒരു മദ്യകുപ്പിയും.
നിരാസത്തി൯ തിരകളിൽ
കരയിലേക്കടിയുന്നു
പ്രണയശരീരങ്ങൾ.
മൂന്നാംപക്കവും
വീെണ്ടടുക്കാനാവുന്നില്ല
നാം നടന്നുതീർത്ത
മണൽപരപ്പുകളിൽ
ആത്മഹത്യചെയ്ത
കാൽപാടുകൾ.
3
നിനക്കായ്
നനഞ്ഞ
മഴകളിൽ നിന്ന്
കോന്തലയിലൊരു
കടലിനെ
പൊതിഞ്ഞെടുത്തിരുന്നു
വാഷ് ബേസി നിൽ നിറയുന്നു
ചുവന്നപൂക്കളാൽ
കൊടിയടളമില്ലാത്ത
പ്രണയസ്മാരകം.
4
കവി ,
വിപ്ളവകാരി,
പ്രണയി,
നാലുകാലിൽ
വീഴനറിയാത്ത പൂച്ചകൾ.
5
ചില
ഫോൺ സംഭാഷണങ്ങളിലെ
രസചുംബനങ്ങളിൽ
അസ്തമിക്കുന്നവരുടെ
കഥകളുണ്ട്
ഒറ്റുകാരുടെ പോക്കറ്റിൽ,
ആസക്തിയിൽ പിറന്ന
കിടാങ്ങൾക്ക് പഠിക്കാ൯.
6
പ്രണയലഹരിയറിയാത്ത
ചില
ജഢങ്ങളിപ്പോഴുമുണ്ട്
നമുക്ക് ചുറ്റും
പ്രണയത്തിലും
ലഹരിയിലും
ആത്മഹൂതി ചെയ്തവരെ
പരിഹസിക്കുന്നവർ.
വസന്തത്തിലും
ഇലപൊഴിക്കുന്ന
പടുമരങ്ങൾ.
7
ഞാ൯
പ്രണയം
കളഞ്ഞുപോയ
ഇടക്കാല ബുദ്ധ൯
അഥവാ
തല്ക്കാല ക്രിസ്തു.
നീയോ
പുലരും മു൯പേ
നിഷേധിച്ചവരുടെ
സ്വാർത്ഥവേദങ്ങളുടെ
ഭാരം പേറുന്നു
മുപ്പത് വെള്ളിക്കാശിന്
ഒറ്റിയവരുടെ പി൯ഗാമിയാവുന്നു.
എങ്കിലും
വീടെന്ന
സിമ൯്റ് കൂടാരത്തിൽ
നീയൊരു ജഢമാവുമ്പോൾ
ചഷകങ്ങ…

അവള്‍ പറയുന്നത് /നോവൽ

- സുജയ

അവള്‍  പറയുന്നതെല്ലാം അയാളെ പേടിപ്പിച്ചു തുടങ്ങിയത് ഈയടുത്ത

കാലത്താണ്. മക്കള്‍ പഠിച്ചു മിടുക്കരായി വലിയ പദവികളിലെത്തണമെന്ന്

എല്ലാ അച്ഛനമ്മമാരേക്കാളും കുറച്ച ധികം തന്നെ അയാള്‍ ആഗ്രഹിച്ചു.

നീലിമയുടെ അച്ഛന്‍, നീരദിന്റെ അച്ഛന്‍ എന്ന് തന്നെ എല്ലാവരും

പറയുന്നതായിരുന്നു എഞ്ചിനീയര്‍ സച്ചിദാനന്ദന്‍ എന്ന്

പറയുന്നതിനേക്കാള്‍ ഏറെയിഷ്ടം. സ്വന്തം പേര് പറയുമ്പോഴും

കേള്‍ക്കുമ്പോഴും അയാള്‍ക്ക് ഉള്ളില്‍ എന്തിനെന്ന റിയാതെ വല്ലാത്തൊരു

ജാള്യത അനുഭവപ്പെട്ടു.

ഇപ്പോള്‍ അവള്‍ പറയുന്നതെന്നല്ല, മിണ്ടാതിരിയ്ക്കുന്നതും, ഫോണില്‍

സംസാരിയ്ക്കുന്നതും, ചിരിയ്ക്കുന്നതും, കരയുന്നതും, അല്പം

ക്ഷീണത്തോടെയിരിയ്ക്കുന്നതുമൊക്കെ അയാളെ പേടി പ്പിയ്ക്കുകയാണ്.

പി.ടി.എ മീറ്റിങ്ങിനു പോയപ്പോള്‍ നീലിമ പല ദിവസവും ലേയ്റ്റ് ആയിട്ടാ ണ്

സ്കൂളില്‍ വരുന്നത് ,ശ്രദ്ധയും കുറവാണ് എന്ന് ക്ലാസ് ടീച്ചര്‍

പറഞ്ഞതോടെയാണ് അയാള്‍ക്കീ പേടി തുടങ്ങിയത്. അവളുടെ ഓരോ നീക്കങ്ങളും

അയാള്‍ നിരീക്ഷിയ്ക്കുകയും അവളുടെ ഓരോ ചലനം പോലും അയാളെ വല്ലാതെ

ഭയപ്പെടുത്തുകയും ചെയ്തു തുടങ്ങിയതും അന്ന് മുതല്‍ക്കാണ്.

“അമ്മമാരാണ് പെണ്മക്കളുടെ  കാര്യങ്ങള്‍ ശ്ര…

ഗുരുവിനെക്കുറിച്ച് ഒരു നവാദ്വൈത വായന

Image
സ്വാമി അവ്യയാനന്ദ

ചരിത്രത്തെ രണ്ടായി പിളർക്കുന്ന ഒരു  നോവൽ  ഇതിഹാസം .
എം കെ  ഹരികുമാറിന്റെ 'ശ്രീനാരായണായ ' എന്ന നോവലിൻറെ  പാരായണാനുഭൂതി  ഗ്രന്ഥകാരനും ശിവഗിരി മാസികയുടെ  ചീഫ്  എഡിറ്ററുമായ  സ്വാമി അവ്യയാനന്ദ  വിവരിക്കുന്നു .

"ഒരു സന്യാസിയാകുന്നത്‌ എന്തിനാണ്‌"?
"കൂടുതൽ സ്വതന്ത്രനാകാൻ"
"നൂറ്‌ നൂറ്‌ പ്രാണസ്വരങ്ങൾ കേൾക്കാനുള്ള പ്രാപ്തിയാണ്‌ സന്ന്യാസം പ്രകടമാക്കുന്നത്‌."
    എം.കെ.ഹരികുമാറിന്റെ പുതിയ പുസ്തകമായ 'ശ്രീനാരായണായ' എന്ന നോവലിലെ അർത്ഥപൂർണ്ണമായ വരികളാണ്‌ മേലുദ്ധരിച്ചിരിക്കുന്നത്‌. നമ്മുടെ നോവൽ സങ്കൽപങ്ങളിലുള്ള ഒരു നവീകരണ യജ്ഞമാണ്‌ ഈ പുതുപ്പിറവി. വായന എന്ന സംസ്കാരത്തിന്റെ അന്തർലോകങ്ങൾ കാണിച്ചു തരുന്ന ഒരു രചനയാണ്‌ ശ്രീനാരായണായ. ശ്രീനാരായണഗുരുവിന്റെ ജീവിതചരിത്രത്തിലൂടെയുള്ള ഒരു വൃഥായാത്രയല്ല ഈ നോവൽ. പ്രത്യുത  , പ്രകാശമാനമായ ഗുരുവിന്റെ അകത്തളങ്ങളിലേക്കുള്ള ശാന്തി യാത്രയാണ്‌  തുറന്നിടുന്നത്‌.
    അനുവാചനമാനസങ്ങളിലേക്ക്‌ ഗുരുദർശനത്തിന്റെ നവോന്മേഷം, ഇടറാത്ത വാക്കുകളിലൂടെ പകരാൻ നോവലിസ്റ്റിന്‌ കഴിഞ്ഞിട്ടുണ്ടെന്ന്‌ പറയാതെ വയ്യ. ഒരാഴ്ചക്കാ…

മണിച്ചിത്രത്താഴ് /കഥ

Image
സീമ മേനോൻ

നന്നായി തിളപ്പിച്ചു കുറുക്കി പഞ്ചസാരയിട്ടു ആറ്റി പതം വരുത്തിയ ചായ ബെഡ് സൈഡ് ടേബിളില്‍ അടച്ചുവച്ച്, പെരുവിരലൂന്നി ശബ്ദമുണ്ടാക്കാതെ പ്രശാന്ത് മുറിവിട്ടു പോവുന്നത് ഇടംകണ്ണിട്ടു നോക്കിക്കിടന്ന അനഘക്ക് ചിരി പൊട്ടി പോയി. ''പ്രശാന്ത് ഒരു പാവാട്ടോ' എന്ന് തന്നോടു തന്നെ പറഞ്ഞു, ബ്ലാങ്കെറ്റ് ഒന്ന് കൂടെ വലിച്ചിട്ടു ചുരുണ്ടു കിടന്നു അനഘ.
അടഞ്ഞ വാതിലിലൂടെ അരിച്ചെത്തുന്ന ശബ്ദങ്ങള്‍ പ്രശാന്തിന്റെ ഓരോ ചലനങ്ങളും അനഘക്ക് അപ്പോളപ്പോള്ത്തന്നെ ചോര്ത്തിക്കൊടുക്കുന്നുണ്ടായിരുന്നു. അടുകളയില്‍ കെറ്റില്‍ ഓണ്‍ ചെയ്തു, ട്വിനിങ്ങ്സിന്റെ ഇംഗ്ലീഷ് റ്റീ ബാഗ് ചേര്ത്ത് ചായ ഉണ്ടാക്കുകയാണ് പ്രശാന്ത് ഇപ്പോള്‍ ചെയ്യുന്നത്. ഒപ്പം കാബിനെറ്റ് വലിച്ചു തുറന്നു കേല്ലോഗ്സിന്റെ കോണ്ഫ്ലേക്സ് ഒരു ബൌളില്‍ ഇടുന്നുമുണ്ട്. ഇപ്പോളിതാ നുറുക്കിയ പഴക്കഷണങ്ങള്‍ സീറിയലിനു മീതെ വിതറി പ്രശാന്ത് ബ്രേക്ഫാസ്റ്റ് കഴിക്കാനിരിക്കുന്നു എന്ന് കസേര കരഞ്ഞു. ദേ, പ്രശാന്ത് ഷൂ ഇട്ടു കഴിഞ്ഞു എന്ന് ഷൂ ഷെല്‍ഫിന്റെ വാതിലുകള്‍ പറഞ്ഞു. ഇനിയിപ്പോള്‍ കൃത്യം അഞ്ചു മിനുട്ടിനുള്ളില്‍ നീല ബീ എം ഡബ്ലിയൂവില്‍ കയറി പ്രശാന്ത് യാത്രയായാ…

malayalasameeksha feb 15-march 15/ 2016

Image
ഉള്ളടക്കം 
അമേരിക്കൻ പ്രസിഡന്റ് തിരഞ്ഞെടുപ്പ്- സുനിൽ എം എസ് മൂത്തകുന്നം 
 നാരായണവഴിയിലെ നടനപ്രപഞ്ചം- പി കെ ഗോപി
ശിക്ഷ- സന്തോഷ് പാലാ 
കടലിരമ്പങ്ങളുടെ സംഗീതം- ശ്രീജിത്ത് മൂത്തേടത്ത് 
 അയാൾ-എം പി അയ്യപ്പൻ
ക്യു പിന്നെയും ക്യു- ബാബു ആലപ്പുഴ 
ഉറ്റവരുരുകിക്കലർന്ന വെയിൽ- ശ്രീകൃഷ്ജ്ണദാസ് മാത്തൂർ
തത്വമസി- അൻവർ ഷാ ഉമയനല്ലൂർ
കാലത്തിനോട്- രാജൂ കാഞ്ഞിരങ്ങാട് 

കാക്ക- സതീശൻ ഒ പി 
ഡിക്ഷണറി- ദീപു ശശി തത്തപ്പള്ളി 

തത്വമസി/കവിത

Image
അന്‍വര്‍ ഷാ ഉമയനല്ലൂര്‍



തിരുരവംപോലെയീ, വിപിനത്തിനിടയിലൂ-

ടൊഴുകിയെത്തുന്നിളമരുവിതന്‍പ്രിയസ്വരം

സാന്ത്വനംപകരുവാനുണരുന്ന മലരുപോ-

ലരികെനിന്‍ സ്മിതകാല വദനമാംവാസരം

പരിപാവനാരാമ സാമ്യമെന്‍ പാരിനെ-

പരിപാലനംചെയ്‌തുണര്‍ത്തുന്നുദാരകം

തവ നന്മയറിയാതഹന്തയാല്‍ മര്‍ത്യകം

പരിണമിച്ചീടുന്നുലകിതില്‍ പലവിധം.

വിണ്ണിലൂടല്ല! നിന്‍ സഞ്ചാരമെന്നിവര്‍-

ക്കാരോതിയേകിടാനിന്നെന്‍ ദയാനിധേ,

ഹസ്തങ്ങള്‍ നീട്ടിത്തുണയ്‌പ്പുനീ,യല്ലാതെ

ദുഃഖങ്ങള്‍ പകരുന്നതില്ലെന്നുടയതേ.

നിന്നെയളക്കുവാനാകുന്നതില്ല! സുര-

സ്നേഹിതരാം പാമരന്‍മാര്‍ക്കൊരിക്കലും

കാത്തുവയ്ക്കുന്നു കരുതലില്‍ കൈകളാ-

ലാമോദനാളം കെടാതവര്‍ക്കുള്ളിലും!

ചേറില്‍നിന്നഴകാര്‍ന്നയംബുജങ്ങള്‍ നിര-

ത്തുന്നതു,മലിവാലുലകുണര്‍ത്തുന്നതും

പാടേമറന്നു! പടുചിന്തകള്‍ക്കൊത്തുചേര്‍-

ന്നുലയു,ന്നരികെനീയെന്നറിയാതെയും!

സ്വസ്ഥമേയല്ലെന്ന തോന്നലാണിതരര്‍ക്കു

ഹൃത്തിലായുളളതെന്നറിയുന്നുവെങ്കിലും

ഭക്തവര്‍ണ്ണങ്ങള്‍ചേര്‍ത്തെഴുതുന്നു ചിന്തയില്‍

പൊന്‍തൂവല്‍കൊണ്ടുനീയാരമ്യ പുലരികള്‍.

മഹിതമാണെല്ലാം; മറക്കുന്നു വെറുതെയീ-

ജന്മവുമെന്നപോല്‍ ധരയിതില്‍ ചിരജനം

നിറയുന്നു ചുറ്റിലും തിരുനാമമൊരുപോലെ-

യെന്നുണര്‍ത്തുന്നുപരിയട…

അമേരിക്കൻ പ്രസിഡന്റിന്റെ തെരഞ്ഞെടുപ്പ് /ഭാഗം 1 (ലേഖനം)

Image
സുനിൽ എം എസ്, മൂത്തകുന്നം

ലോകത്തിലെ ഏറ്റവും ശക്തനായ വ്യക്തി ആരാണ്?

ഈ ചോദ്യത്തിനുത്തരമായി, ഇപ്പോഴത്തെ ലോക ഹെവി വെയ്റ്റ് ബോക്സിംഗ് ചാമ്പ്യന്മാരായ ചാൾസ് മാർട്ടിൻ എന്ന അമേരിക്കക്കാരന്റേയോ, ടൈസൻ ഫ്യൂറി എന്ന ബ്രിട്ടീഷുകാരന്റേയോ പേരായിരിയ്ക്കാം ചിലർ നൽകുന്നത്. മറ്റു ചിലർ മുന്നോട്ടു വയ്ക്കുന്നതു സ്നാച്ച്-ക്ലീൻ-ആന്റ്-ജെർക്കിൽ ആകെ 475 കിലോ ഉയർത്തി ലോകറെക്കോഡു സ്ഥാപിച്ചിരിയ്ക്കുന്ന അലക്സി വ്ലാദിമിറോവിച്ച് ലവ്ചേവ് എന്ന റഷ്യക്കാരന്റെ പേരായിരിയ്ക്കാം. അമേരിക്കൻ രീതിയിലുള്ള ഗുസ്തിയിലെ വീരനായ പോൾ മൈക്കൾ ലീവെസ്ക്യുവിന്റെ പേരും മുന്നോട്ടു വന്നെന്നു വരാം. ശാരീരികശക്തിയിൽ ഇപ്പറഞ്ഞവരൊക്കെ മുന്നിൽത്തന്നെ, സംശയമില്ല. എങ്കിലും, അമേരിക്കൻ പ്രസിഡന്റാണു ലോകത്തിലെ ഏറ്റവും ശക്തനായ വ്യക്തിയായി പൊതുവിൽ കണക്കാക്കപ്പെടുന്നത്. അതെന്തുകൊണ്ടെന്നു നോക്കാം.

ആദ്യം തന്നെ നമുക്ക് അമേരിക്കയുടെ നശീകരണശക്തിയൊന്നു പരിശോധിയ്ക്കാം. രണ്ടാം ലോകമഹായുദ്ധം കഴിഞ്ഞയുടൻ അമേരിക്കയ്ക്കും സോവിയറ്റു യൂണിയനുമിടയിലുണ്ടായ ശത്രുത ശീതയുദ്ധമെന്ന പേരിൽ നാലു പതിറ്റാണ്ടോളം തുടർന്നു. വെടി പൊട്ടാത്ത യുദ്ധമായിരുന്നു അത്. ഉടൻ പൊട്ടും എന്നു ലോകം ഭയന്ന സന്ദർഭങ…