Skip to main content

അമേരിക്കൻ പ്രസിഡന്റിന്റെ തെരഞ്ഞെടുപ്പ് /ഭാഗം 1 (ലേഖനം)


 
സുനിൽ എം എസ്, മൂത്തകുന്നം


ലോകത്തിലെ ഏറ്റവും ശക്തനായ വ്യക്തി ആരാണ്?

ഈ ചോദ്യത്തിനുത്തരമായി, ഇപ്പോഴത്തെ ലോക ഹെവി വെയ്റ്റ് ബോക്സിംഗ് ചാമ്പ്യന്മാരായ ചാൾസ് മാർട്ടിൻ എന്ന അമേരിക്കക്കാരന്റേയോ, ടൈസൻ ഫ്യൂറി എന്ന ബ്രിട്ടീഷുകാരന്റേയോ പേരായിരിയ്ക്കാം ചിലർ നൽകുന്നത്. മറ്റു ചിലർ മുന്നോട്ടു വയ്ക്കുന്നതു സ്നാച്ച്-ക്ലീൻ-ആന്റ്-ജെർക്കിൽ ആകെ 475 കിലോ ഉയർത്തി ലോകറെക്കോഡു സ്ഥാപിച്ചിരിയ്ക്കുന്ന അലക്സി വ്ലാദിമിറോവിച്ച് ലവ്ചേവ് എന്ന റഷ്യക്കാരന്റെ പേരായിരിയ്ക്കാം. അമേരിക്കൻ രീതിയിലുള്ള ഗുസ്തിയിലെ വീരനായ പോൾ മൈക്കൾ ലീവെസ്ക്യുവിന്റെ പേരും മുന്നോട്ടു വന്നെന്നു വരാം. ശാരീരികശക്തിയിൽ ഇപ്പറഞ്ഞവരൊക്കെ മുന്നിൽത്തന്നെ, സംശയമില്ല. എങ്കിലും, അമേരിക്കൻ പ്രസിഡന്റാണു ലോകത്തിലെ ഏറ്റവും ശക്തനായ വ്യക്തിയായി പൊതുവിൽ കണക്കാക്കപ്പെടുന്നത്. അതെന്തുകൊണ്ടെന്നു നോക്കാം.

ആദ്യം തന്നെ നമുക്ക് അമേരിക്കയുടെ നശീകരണശക്തിയൊന്നു പരിശോധിയ്ക്കാം. രണ്ടാം ലോകമഹായുദ്ധം കഴിഞ്ഞയുടൻ അമേരിക്കയ്ക്കും സോവിയറ്റു യൂണിയനുമിടയിലുണ്ടായ ശത്രുത ശീതയുദ്ധമെന്ന പേരിൽ നാലു പതിറ്റാണ്ടോളം തുടർന്നു. വെടി പൊട്ടാത്ത യുദ്ധമായിരുന്നു അത്. ഉടൻ പൊട്ടും എന്നു ലോകം ഭയന്ന സന്ദർഭങ്ങളുണ്ടായെങ്കിലും, വെടി പൊട്ടാതെ തന്നെ അതവസാനിച്ചു. എൺപതുകളുടെ അവസാനം ബെർലിൻ മതിൽ പൊളിഞ്ഞതോടെയാണ് ശീതയുദ്ധത്തിന് അന്ത്യമുണ്ടായത്. ഈ കാലഘട്ടത്തിനിടയിൽ അമേരിക്ക എഴുപതിനായിരത്തോളം ആണവായുധങ്ങൾ നിർമ്മിച്ചു. ഇതു സോവിയറ്റു യൂണിയനുൾപ്പെടെയുള്ള മറ്റു രാഷ്ട്രങ്ങളെല്ലാം കൂടി നിർമ്മിച്ചതിനേക്കാളേറെയായിരുന്നു. അമേരിക്കയും റഷ്യയും തമ്മിലുള്ള ശത്രുത വെടിഞ്ഞു പരസ്പരമൊപ്പിട്ട പല കരാറുകളുടേയും പിൻബലത്തിൽ അവരിരുവരും തങ്ങളുടെ ആണവായുധശേഖരത്തിനു വലുതായ കുറവും ഏകദേശതുല്യതയും വരുത്തിയിട്ടുണ്ടെങ്കിലും, ആണവായുധങ്ങൾ ആദ്യമായാവിഷ്കരിച്ച അമേരിക്കയ്ക്കു തന്നെയായിരിയ്ക്കണം ഈ രംഗത്തു റഷ്യയേക്കാൾ മുൻതൂക്കം.

അമേരിക്കൻ പ്രസിഡന്റിന്റെ മേശപ്പുറത്ത് ആണവായുധങ്ങൾ പ്രയോഗിയ്ക്കാനുള്ള ബട്ടണുകളുണ്ടെന്നും, അവ അമർത്തിക്കൊണ്ട്, ശത്രുരാജ്യങ്ങൾക്കെതിരേ ഏതു നിമിഷവും ആണവായുധങ്ങൾ പ്രയോഗിയ്ക്കാൻ അദ്ദേഹത്തിനാകുമെന്നുമുള്ള ധാരണ മുമ്പുണ്ടായിരുന്നു. അല്പം ചില മാറ്റങ്ങളോടെ ആ ധാരണ ശരിവയ്ക്കേണ്ടിയിരിയ്ക്കുന്നു. മേശയ്ക്കു പകരം, “ഫുട്ബോൾഎന്നറിയപ്പെടുന്നൊരു ബ്രീഫ്‌കേസാണുള്ളത്. ഈ ബ്രീഫ്‌കേസിനെ ഒരു ചങ്ങലയാൽ സ്വന്തം കൈയിൽ ബന്ധിപ്പിച്ചുകൊണ്ട് ഒരുന്നത സൈനികോദ്യോഗസ്ഥൻ പ്രസിഡന്റിനെ സദാ അനുഗമിയ്ക്കും. ഫുട്ബോളിനുള്ളിൽ അഞ്ചിഞ്ചു നീളവും മൂന്നിഞ്ചു വീതിയുമുള്ളൊരു കാർഡും, അതിൽ പ്രസിഡന്റിന്റേതു മാത്രമായ രഹസ്യകോഡുകളുമുണ്ട്. ഇവയ്ക്കു പുറമേ, ആണവായുധപ്രയോഗസംബന്ധിയായ വിവരങ്ങളും നിർദ്ദേശങ്ങളുമടങ്ങിയ രണ്ടു പുസ്തകങ്ങളും ഒരു ഫോൾഡറും ഫുട്ബോളിനകത്തുണ്ട്. ഇവയെല്ലാമുപയോഗിച്ച്, ഒന്നിലേറെ ഭൂഖണ്ഡാന്തര ബലിസ്റ്റിക് മിസ്സൈലുകൾ തൊടുത്തുവിടാനുള്ള ഉത്തരവു നൽകാൻ പ്രസിഡന്റിനാകും. ഉത്തരവു നടപ്പാക്കാൻ നിമിഷങ്ങൾ മാത്രം മതിയാകുമായിരിയ്ക്കണം. ആയുധവിക്ഷേപണത്തിനായി ഫുട്ബോൾ ഇതുവരെ തുറക്കപ്പെട്ടിട്ടില്ലെന്നാണറിവ്.

1945ൽ അമേരിക്ക ഹിരോഷിമയിൽ പ്രയോഗിച്ച “ലിറ്റിൽ ബോയ്” എന്ന അണുബോംബ് ഒരു ലക്ഷത്തിലേറെപ്പേരുടെ മരണത്തിനു കാരണമായി. ഇന്നിപ്പോൾ അമേരിക്കയുടെ പക്കലുള്ള ആണവായുധങ്ങളിലോരോന്നും “ലിറ്റിൽ ബോയേ”ക്കാൾ എഴുപത്തഞ്ചോ അതിലധികമോ മടങ്ങു ശക്തിയുള്ളതാണ്. ലിറ്റിൽ ബോയ്‌ക്ക് ഒരു ലക്ഷം പേരെ ഭസ്മമാക്കാനായെങ്കിൽ, അതിനേക്കാൾ എഴുപത്തഞ്ചു മടങ്ങു ശക്തിയുള്ള ആണവബോംബിന് എഴുപത്തഞ്ചു ലക്ഷം പേരെയെങ്കിലും ഭസ്മമാക്കാനാകും. ഇത്തരത്തിലുള്ള ആണവായുധങ്ങൾ രണ്ടായിരമെങ്കിലും അമേരിക്കയുടെ പക്കൽ ഇപ്പോളുണ്ടാകാതിരിയ്ക്കില്ല. ഇവയ്ക്ക് ആകെ എത്ര പേരെ കൊല്ലാനാകും? 100000
x 75 x 2000 = 1500 കോടി ജനത്തിനെ! എഴുനൂറു കോടി മാത്രമുള്ള മനുഷ്യവർഗത്തെ രണ്ടു തവണ ചുട്ടുകരിയ്ക്കാൻ അമേരിക്കൻ പ്രസിഡന്റിന്റെ അധീനതയിലുള്ള ആണവായുധശേഖരത്തിനു കഴിയുമെന്നർത്ഥം.

ആണവേതര ആയുധശക്തിയുടെ കാര്യത്തിലും അമേരിക്ക തന്നെ മുന്നിൽ. അമേരിക്കയുടെ പക്കൽ
13444 യുദ്ധവിമാനങ്ങളും 9125 ടാങ്കുകളും 68 വിമാനവാഹിനിക്കപ്പലുകളും 75 ആണവമുങ്ങിക്കപ്പലുകളും വിവിധ തരത്തിലുള്ള നാനൂറോളം യുദ്ധക്കപ്പലുകളുമുണ്ട്. അമേരിക്കയുടെ പക്കലുള്ള ആണവേതര മിസ്സൈലുകൾക്കു കൈയും കണക്കുമുണ്ടാവില്ല. എല്ലാ ആയുധങ്ങളും അമേരിക്കൻ പ്രസിഡന്റിന്റെ അധികാരത്തിൻ കീഴിലാണുള്ളത്.

ആയുധങ്ങൾ പ്രയോഗിച്ച് ശത്രുക്കളെ നശിപ്പിയ്ക്കാനുള്ള ഏറ്റവുമധികം ശക്തി അമേരിക്കയ്ക്കാണുള്ളതെങ്കിൽ, പണം നൽകി പ്രീണിപ്പിയ്ക്കാനും വളർത്താനുമുള്ള സാമ്പത്തികശക്തി ഏറ്റവുമധികമുള്ളതും അമേരിക്കയ്ക്കു തന്നെ. ലോകത്തിൽ ഏറ്റവുമധികം സ്വർണശേഖരമുള്ളത് അമേരിക്കയുടെ പക്കലാണ്: 8133 ടൺ. ചൈനയുടേതിന്റെ ഏകദേശം അഞ്ചിരട്ടി. അമേരിക്കയുടെ മൊത്ത ആഭ്യന്തര ഉല്പാദനം പതിനേഴു ട്രില്യൻ ഡോളറിലേറെയാണ്: പതിനൊന്നു കോടി അമ്പത്താറു ലക്ഷം കോടി രൂപ! ഇരുപത്തെട്ട് അംഗരാഷ്ട്രങ്ങളുള്ള യൂറോപ്യൻ യൂണിയന്റേതിനോട് ഏകദേശം തുല്യമാണിത്. മറ്റൊരു രാഷ്ട്രത്തിനും അമേരിക്കയുടേതിനു തുല്യമായ മൊത്ത ആഭ്യന്തര ഉല്പാദനമില്ല. സാമ്പത്തികസഹായമുൾപ്പെടെ, അന്യരാജ്യങ്ങളുമായുള്ള എല്ലാ ഇടപാടുകളുടേയും ഉറവിടം അമേരിക്കൻ പ്രസിഡന്റാണ്. ചുരുക്കത്തിൽ, അമേരിക്ക ആയുധശക്തികൊണ്ടും സാമ്പത്തികശക്തികൊണ്ടും ഏറ്റവും മുന്നിൽ നിൽക്കുന്ന രാജ്യമായതിനാൽ, ആ ശക്തികൾ വിനിയോഗിയ്ക്കാനധികാരമുള്ള അമേരിക്കയുടെ രാഷ്ട്രത്തലവൻ തന്നെ ലോകത്തിലെ ഏറ്റവും വലിയ ശക്തൻ. ഈ അതിശക്തന്റെ തെരഞ്ഞെടുപ്പു പ്രക്രിയയെപ്പറ്റിയുള്ള വിവരണം ഈ ലേഖനത്തിന്റെ അടുത്ത ഭാഗത്തിൽ.




സുനിൽ എം എസ്, മൂത്തകുന്നം

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…