സജീവ്‌ അനന്തപുരി
വെളിച്ചമില്ലാത്ത സൂര്യനിലോ,
നിലാവില്ലാത്ത ചന്ദ്രനിലോ,
ജലം വറ്റിയ പുഴകളിലോ,
അലകളില്ലാത്ത ആഴിയിലോ,
മഴ പെയ്യിക്കാത്ത മേഘങ്ങളിലോ,
ഇരുള്‍ മുറിഞ്ഞ രാത്രികളിലോ,
അക്ഷരങ്ങളില്ലാത്ത പുസ്തകങ്ങളിലോ,
ഞാന്‍ നിന്നെ തിരയുന്നില്ല.
എങ്കിലും,
കഴുത്ത്‌ ഞെരിച്ചു കണ്ണ് തുറിച്ചു -
മൃതമാക്കിയ മോഹങ്ങള്‍ നെഞ്ചിലൊതുക്കി
മലര്‍ന്നു കിടന്നു കണ്ണുകള്‍ തുറന്നു വച്ച്
കാണാതെ കാണട്ടെ നിന്നെ ഞാനീ-
നിറങ്ങളില്ലാത്ത വ്യര്‍ത്ഥ സ്വപ്നത്തിലെങ്കിലും !!
