കെ.മുരളി
മനുഷ്യന് ദൈനംദിന ജീവിതത്തില്‍ ഒഴിവാക്കുവാന്‍ കഴിയാത്ത പാനീയമാണ് ചായ. കുടിവെളളം കഴിഞ്ഞാല്‍, ലോകത്ത് മനുഷ്യര്‍ എറ്റവും അധികം ഉപയൊഗിക്കുന്ന പാനീയമാണ് ചായ. പാശ്ചാത്യ രാജ്യങ്ങളില്‍ 4500 വര്‍ഷങ്ങള്‍ക്കു മുന്‍പ് തന്നെ ചായ പാനീയമായി ഉപയോഗിച്ചിരുന്നു. തേയില ചെടിയുടെ ഇലകള്‍ വെളളമുപയൊഗിച്ച് തിളപ്പിചാണ് ചായ തയ്യാറാക്കുന്നത്. ചൈനയിലാണ് ചായ ഒരു പാനീയമായി ഉപയൊഗിക്കാം എന്ന് കണ്ടുപിടിക്കപ്പെട്ടത്. ബി.സി 2737 ല്‍ ചൈന ഭരിച്ചിരുന്ന ഷെന്‍ നൊങ്ങ് എന്ന ചക്രവര്‍ത്തി തികചും യാദൃശ്ചികമായാണ് ഈ പാനീയം കണ്ടെത്തിയതെന്ന് ചരിത്രം പറയുന്നു.ഇദ്ദേഹം നാട്ടു വൈദ്യത്തില്‍ പാണ്ഡിത്യമുള്ള വ്യക്തിയായിരുന്നു.കുടിക്കുന്ന വെളളം തിളപ്പിച്ചാറ്റി മാത്രമെ ഉപയൊഗിക്കാവു എന്ന് അദേഹത്തിന് വളരെ നിര്‍ബന്ധമായിരുന്നു. ഒരു ദീര്‍ഘയാത്രക്കിടെ അദേഹവും പരിചാരകന്‍മാരും ഒരുപാടു ചെടികളും തണല്‍ മരങ്ങളുമുളള ഒരു സ്തലത്ത് വിശ്രമിക്കുകയായിരുന്നു.ആ സമയം പരിചാരകന്‍മാരോട് കുടിക്കുവാനുളള വെളളം ചൂടാക്കുവാന്‍ അദേഹം ആവശ്യപ്പെട്ടു.വെളളം തിളച്ചു കൊണ്ടിരുന്നപ്പോള്‍ , അടുത്തുണ്ടായിരുന്നു ചെടിയില്‍ നിന്നും ഇലകള്‍ കാറ്റില്‍ പറന്നു വന്ന് വെളളത്തില്‍ വിഴ്ന്നു.വെള്ളത്തിന്റെ നിറം മാറുന്നതു കണ്ട് പരിഭ്രാന്തരായ പരിചാരകര്‍ ഉടന്‍ തന്നെ ചക്രവര്‍ത്തിയെ കാര്യം ധരിപ്പിച്ചു. വെളളം രുചിച്ചു നോക്കിയ അദേഹം അതിന്റെ ഔഷധ ഗുണങ്ങളെ കുറിച്ച് മനസ്സിലാക്കി.ആ പാനിയം കുടിച്ചാല്‍ ഉന്‍മേഷം ലഭിക്കുമെന്ന് അദേഹം കണ്ടെത്തി.
1600 റുകളിലാണ് ചായ യൂറോപ്പിയന്‍ നാടുകളില്‍ ഉപയോഗിക്കാന്‍ തുടങ്ങിയത് .പോര്‍ച്ചുഗീസുകാരും ഡച്ചുകാരുമാണ് ഇവിടെക്ക് ഈ പാനീയമെത്തിച്ചത്.1669ല്‍ ചായ ഇംഗ്ലണ്ടിലുമെത്തി. ആ കാലത്ത് സമ്പന്നരുടെ പാനീയമായാണ് ഇത് ഉപയോഗിച്ചിരുന്നത്. . ചായയുടെ ഗുണം തിരിച്ചറിഞ്ഞ ഇംഗ്ലണ്ടുകാര്‍ ചൈനയില്‍ നിന്നും തേയില ഇറക്കുമതി ചെയ്തു തുടങ്ങി.സുഗമമായ ഇറക്കുമതി ഉറപ്പു് വരുത്താനായി ഭാരതമുള്‍പ്പടെ പല രാജ്യങ്ങളും ബ്രിട്ടിഷ് കൊളനികളാക്കപ്പെട്ടു.കാലക്രമേണ ചായ സാധാരണകാരന്റെയും ഇഷ്ട്ട പാനീയമായി മാറി.ഇന്ന് 1500 റിലധികം വ്യത്യസ്ത രുചികളിലുളള ചായ ലോകത്തിന്റെ പല ഭാഗങ്ങളില്‍ ലഭ്യമാണ് .125ല്‍ അധികം രാജ്യങ്ങള്‍ തേയില ഉല്‍പാദിപ്പിക്കുന്നുണ്ടെങ്കിലും ചൈന തന്നെയാണ് തേയില ഉല്‍പാദനത്തില്‍ ലോകത്ത് ഒന്നാം സ്ഥാനത്ത് നില്‍ക്കുന്നത്. ചായ ചൈനയുടെ ദേശീയ പാനീയമാണ്.
തേയില ഭാരതത്തില്‍
അതി പുരാതന കാലം മുതല്‍ക്ക് തന്നെ തേയില ഭാരതത്തില്‍ ഉപയോഗിച്ചിരുന്നതായി പൗരാണിക,ചരിത്ര രേഖകള്‍ സൂചിപ്പിക്കുന്നു. ഔഷധ സംബന്ധമായ ആവശ്യങ്ങള്‍ക്കാണ് തേയില എറ്റവും അധികം ഉപയോഗിച്ചിരുന്നത്.ഹിന്ദു പുരാണ ഇതിഹാസമായ രാമായണത്തില്‍ പരാമര്‍ശിച്ചിട്ടുളള മൃതസഞ്ജീവനിയിലെ സഞ്ജീവനി ഇല തേയിലയാണ് എന്ന് വിശ്വസിക്കപ്പെടുന്നു.എന്നിരുന്നാലും ഭാരതത്തില്‍ ചായ ഒരു പാനീയമായി ഉപയൊഗിക്കാന്‍ തുടങ്ങിയതു ബ്രിട്ടിഷ്‌കാരുടെ വരവോടെയാണ്. ഇന്ന് തേയില ഉല്‍പാദനത്തില്‍ ലോക രാജ്യങ്ങളില്‍ ഭാരതത്തിന് മുഖ്യ സ്ഥാനമുണ്ട്. ഉല്‍പാദിപ്പിക്കുന്നതില്‍ 83 ശതമാനത്തോളം ആഭ്യന്തര വിപണിയില്‍ തന്നെ വിറ്റഴിക്കുപ്പെടുന്നു.ഭാരതത്തിലെ തേയില ഉല്‍പാദനം, കയറ്റുമതി എന്നിവ മേല്‍നോട്ടം വഹിക്കുന്നത് ‘റ്റീ ബോര്‍ഡ് ഓഫ് ഇന്ത്യ’ എന്ന സര്‍ക്കാര്‍ സ്ഥാപനമാണ്.
ചായ ഭാരതത്തിന്റെ ദേശീയ പാനീയമായി പ്രഖ്യാപിക്കുന്നതിനെതിരെ ശക്തമായ പ്രധിഷേധവുമായി അമുലും,കോഫി ബോര്‍ഡും രംഗത്തെത്തിയിരിക്കകയാണ്.പാലിനെ ഭാരതത്തിന്റെ ദേശീയ പാനീയമായി പ്രഖ്യാപ്പിക്കണമെന്ന ആവശ്യവുമായാണ് രാജ്യത്തിലെ മുന്‍നിര ക്ഷീരോല്‍പാദകരായ അമുല്‍ രംഗത്തെത്തിയിരിക്കുന്നത്. കാര്യമെന്തു തന്നെ ആയാലും ഒരോ ഭാരതീയനും ഒഴിച്ചുകൂടാനാവാത്ത പാനീയം തന്നെയാണ് ചായ.
