Skip to main content

തൊളസീ.. കൊട എടുത്തില്ല അല്ലേ ?

ഷാഫി മുഹമ്മദ് റാവുത്തർ 


തൊളസീ.. കൊട എടുത്തില്ല അല്ലേ ? അന്ന് ഞാന്‍ എട്ടാം ക്ലാസ്സില്‍ പഠിക്കുന്നു. സ്കൂളിലേക്ക് പോകുന്ന വഴിയില്‍ എന്നും അവളെ കാണുമായിരുന്നു കണ്ടു കണ്ട് എനിക്ക് അവളോട്‌ എന്തോ ഒരിത്. ഉറങ്ങുമ്പോള്‍ സ്വപ്നത്തില്‍ അവള്‍. പഠിക്കുമ്പോള്‍ പുസ്തകത്തില്‍ അവള്‍ . ഒന്നിലും ശ്രദ്ധിക്കാന്‍ കഴിയുന്നില്ല. എവിടെയും എപ്പോഴും അവള്‍……….

മാസം രണ്ടു കഴിഞ്ഞു. എന്‍റെ ഇഷ്ടം അവളോട്‌ ഇതുവരെ ഞാന്‍ പറഞ്ഞില്ല. എന്‍റെ ബഞ്ചിലെ ശങ്കരനോടും, തങ്കരാജിനോടും, ജോസഫ് പി.കെ യോടും ഞാന്‍ ചോദിച്ചു. എന്തുചെയ്യണം ? ഉപ്പയുടെ പോക്കറ്റില്‍ നിന്നും ഓസിയ രണ്ടു രൂപയ്ക്ക് വാങ്ങിയ പ്യാരീസ് മിട്ടായിയുടെ ബലത്തില്‍….. അവസാനം പദ്ധതി ഉരുത്തിരിഞ്ഞു. ഞാന്‍ അവളോട്‌ നേരിട്ട് സംസാരിക്കണം പ്രേമം നേരിട്ട് പറയാത്തവന്‍ ആണ് അല്ലെന്നുപോലും. തങ്കരാജിന്റെ കണ്ടെത്തല്‍.(കാലന്‍….! അവനു സ്മിത ബിയെ പ്രേമിക്കാന്‍ പാതിരാത്രിയില്‍ കുത്തിയിരുന്നു കത്തെഴുതിക്കൊടുത്തവനാണ്. ഈ ഞാന്‍) ഞാനൊന്നും മിണ്ടിയില്ല ആവശ്യക്കാരന്‍ ഞാനായിപ്പോയില്ലേ ആശാ അക്കാദമിയിലെ റ്റ്യൂഷന്‍ ക്ലാസ്സ്‌ കഴിഞ്ഞു അവള്‍ അമ്പലത്തിനടുത്തുള്ള വഴിയിലൂടെ വരുമ്പോള്‍ നേരിട്ട് കാര്യം പറയണം. “എനിക്ക് നിന്നെ ഇഷ്ടമാണെന്ന്” പലതവണ ചര്‍ച്ച ചെയ്തു അന്തിമ രൂപരേഖ തയ്യാറായി. നട്ടുച്ച. ഒടുക്കത്തെ വെയില്‍….. അവളെയും കാത്തുള്ള നില്‍പ്പ് തുടങ്ങിയിട്ട് ഒന്നര മണിക്കൂര്‍ ആകുന്നു. ദാഹിച്ചു വലഞ്ഞു അവള്‍ വരാനുള്ള സമയം അടുക്കുന്തോറും മനസ്സില്‍ തീ നിറയുന്നു കയ്കാലുകള്‍ തളരുന്നു. തൊണ്ട വരളുന്നു. മനസ്സില്‍ പലവട്ടം പറയേണ്ട ഡയലോഗുകള്‍ കാണാതെ പഠിച്ചു. മരിച്ചു പോയ പൂര്‍വികരോട് മനശക്തി തരുവാന്‍ അപേക്ഷിച്ചു മസ്സില് പിടിച്ചു നിന്നു അതാ അവള്‍ വരുന്നു. കുറ്റിക്കാട്ടിനുള്ളില്‍ ഒളിച്ചിരിക്കുന്ന കൂട്ടുകാര്‍ വിളിച്ചു പറഞ്ഞു. പോടാ..

പോയി പറയ് നിന്‍റെ ആണത്തം തെളിയിക്ക്.. ഞാന്‍ രണ്ടും കല്‍പ്പിച്ചു അവളുടെ അടുത്തേക്ക്‌ നടന്നു. എന്നെ കണ്ട് അവള്‍ ചിരിച്ചു. ഞാനും ചിരിച്ചു. പാടത്ത് എള്ള് പൂത്തു നില്‍ക്കുന്ന പോലെ. എന്തും വരട്ടെ എന്ന് മനസ്സില്‍ ഉറച്ചു ഞാന്‍ കാര്യം പറയാന്‍ തീരുമാനിച്ചു. “തൊളസീ.. കൊട എടുത്തില്ല അല്ലേ.. ഭയങ്കരവെയിലാ. കറത്ത് പോകും…” മറുപടിയായി അവള്‍ ചിരിച്ചു കൊണ്ട് എന്നെ കടന്നു പോയി. തങ്കരാജിനും,ജോസഫിനും,കാര്യങ്ങള്‍ ഒന്നും കേള്‍ക്കാന്‍ കഴിഞ്ഞില്ലെങ്കിലും അവളുടെ ചിരി കണ്ട് വിജയിച്ചു എന്ന് മനസ്സിലായി. ഒരു നിമിഷം കൊണ്ട് അവരുടെ ഇടയില്‍ ഞാനൊരു ഹീറോ ആയി മാറി. വര്‍ഷങ്ങള്‍ പലതു കഴിഞ്ഞു. തങ്കരാജ് പട്ടാളത്തില്‍, ജോസഫ് ഗള്‍ഫില്‍, ശങ്കരന്‍ ബിസിനസ്‌മായി കഴിയുന്നു. ഇപ്പോഴും ഏതെങ്കിലും പെണ്ണിനെ പരിചയപ്പെടണമെങ്കില്‍.. അവന്മാര്‍ എന്നോട് ഉപദേശം ചോദിക്കും. അളിയാ. എങ്ങനാടാ. അത്…..? ഞാന്‍ ചിരിക്കും. എന്നിട്ട് ആദിവസം ഓര്‍ക്കും. “തൊളസീ.. കൊട എടുത്തില്ല അല്ലേ.. ഭയങ്കരവെയിലാ.. കറത്ത് പോകും..”

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…