19 Jul 2013

ഇടിപൊളി


                                                   കെ.എം.രാധ





          പോലീസ്‌ ഓഫീസര്‍ ഉത്തമന്‍ ആകെ അങ്കലാപ്പില്‍....
സര്‍ക്കാര്‍ കണ്ടെത്തിയ 533ക്രിമിനല്‍ പശ്ചാത്തല നിയമപാലകരില്‍ ഒരാള്‍
ഉത്തമനെന്ന് കോടതി,....
      തള്ളും തലോടലും മാറിമറിഞ്ഞ് വന്നാല്‍
ശിക്ഷയില്ലാതെ,സാഹചര്യതെളിവുകളുടെ അഭാവത്തില്‍  ഉത്തമന്‍ നിരപരാധിയായി
 
      അഗ്നിശുദ്ധിയില്‍  സ്ഫുടം ചെയ്ത് ജ്വലിക്കും
രത്നമായി.തിരിച്ചു വരാം.
         ഈയിടെ മാത്രം.അറിഞ്ഞ രക്തസമ്മര്‍ദ്ദം,പ്രമേഹരോഗങ്ങള്‍ക്ക്
പരിഹാരം ഒരു ഗ്ലാസ് കയ്പ്പക്ക  കഷായം.
    ഉത്തമന്‍ പാവയ്ക്കാനീര്‍ ഒറ്റ വലിയ്ക്ക് കുടിച്ചുതീര്‍ത്തു.
 .......................................................................................................................
        പ്രഭാവതിയുടെ കറുത്ത മുഖം ചൊരിയും വാക്കുകള്‍....>>>>......
     'എല്ലാ രാഷ്ട്രീയക്കാരും  ചങ്ങാതിമാര്‍,നിങ്ങള് അവന്മാരുടെ
മനഃസാക്ഷിസൂക്ഷിപ്പുകാരനും.കൊള്ളാം..ഹഹാ.അവര്‍ക്കൊപ്പം.മൃഷ്ടാന്നഭോജനം,
,കുടി,പെണ്ണ്പിടുത്തം....ഒടുവില്‍ ,നിങ്ങള് മാത്രം കുടുങ്ങി.നന്നായി''
.      ഉത്തമന്‍,  നിശ്ശബ്ദന്‍......>.
    ഈ മനുഷ്യന്‍ എന്ന് എന്റടുത്ത് വന്നുവോ,അന്ന് തൊട്ട്  കണ്ടകശനി ..മോളെ
ഓര്‍ത്ത് മാത്രമാണ് നി`ങ്ങള്‍ക്കൊപ്പം ഇത്രക്കാലം കഴിഞ്ഞത്..,ഉള്ള
ദൈവങ്ങള്‌ുടെയെല്ലാം   കാല്‍ക്കല്‍ വീണ്  പ്രസാദിപ്പിച്ച്  ഒടുവില്‍
പരിചയക്കാര്‍ വഴി   ഒപ്പിച്ചെടുത്ത   ബന്ധം..ഈ കല്യാണമെങ്കിലും നടന്നാല്‍
മതിയായിരുന്നു..
          പ്രഭാവതിയുടെ ചിന്തകള്‍ അറ്റമില്ലാതെ തുടര്‍ന്നു

'ഈശ്വരാ...ഇനി കഷ്ടിച്ച് മൂന്നാഴ്ച മാത്രം.ആഭരണങ്ങള്‍  ,കല്യാണ
വസ്ത്രങ്ങള്‍,..ഒന്നും വാങ്ങിയിട്ടില്ല..ധാടി-മോടിക്ക്.പലതരം
ക്ഷണക്കത്തുകള്‍ അച്ചടിച്ച്‌ വിതരണം നടത്തി. .എന്നിട്ടെന്തു കാര്യം. ?
ചുരുങ്ങിയത് ആയിരം പേരെങ്കിലും വിവാഹത്തിന് വരും.''

പ്രഭാവതിയുടെ കടുത്ത പ്രയോഗങ്ങള്‍ ,അയാള്‍ക്ക് പരിചിതം.
 ഉത്തമന് ചൊറിച്ചില്‍.... കൂടിക്കൂടി.വന്നു.
''എടീ...കാട്ടുപോത്തേ...മോള്‍ടെ കാര്യം നിശ്ചയിച്ച സമയത്ത് ഞാന്‍ നടത്തും.''
   ഉത്തമന്‍ മൊബയിലെടുത്തു.
''എടോ....പറഞ്ഞ...കാര്യം റെഡിയായോ?..''
       അപ്പുറത്ത് ,പൊട്ടിച്ചിരി
   '' ഏമാന്‍ ടിവിയില്‍ ലൈവ് ആയി ഒന്നും കാണുന്നില്ലേ?ങ്ങളെ പണിയില്‍
നിന്ന് പിരിച്ചുവിട്ടു.മേലില്‍ സാറ് പറയുന്നിടത്ത് പോയി വല്യതെന്നല്ല ഒരു
മോഷണവും നടത്തരുതെന്നാ ഞങ്ങള്‍ടെ സംഘ തീരുമാനം.സോറി''

    തസ്കര തലവന്‍റെ  വാക്കുകളില്‍ പടര്‍ന്ന കല്ലേറില്‍ തളരാതെ......
....ഉത്തമന്‍  അകത്ത് ചെന്ന്, കാലാകാലങ്ങളിലായി ഓഫീസില്‍ നിന്ന് ശേഖരിച്ച
ഫയലുകളുടെ  നക്കല്‍   താളുകള്‍ മറിച്ച് ഗവേഷണം നടത്തി തുടങ്ങി
                  ...
  അന്ന് വരെ കവര്‍ച്ച കേസുകള്‍ തെളിയിക്കാന്‍ പോയ
ഭവന-സ്വര്‍ണവ്യാപാരസമുച്ചയങ്ങളുടെ ബ്ലൂപ്രിന്റ്  തിരഞ്ഞുപിടിച്ചു,
        വരും രാത്രികളില്‍........>.....ഇടിപൊളി ഒറ്റയാള്‍ ഓപ്പറേഷന്>>>>>......

എം കെ ഹരികുമാർ ഓണപ്പതിപ്പ്‌ 2020

ഗസ്റ്റ് എഡിറ്റോറിയൽ ഇരവി       എം.കെ.ഹരികുമാറിൻ്റെ കവിതകൾ കാവ്യഭാരതം വിഷണ്ണരാവുന്നത് അവരവരുടെ വഴിയിൽ കൊറോണയുടെ മാന്ത്രിക യാഥാർത്ഥ്യം. എന്റെ ...