Skip to main content

(ഇനിയും) ശവപ്പെട്ടികൾ വിൽക്കപ്പെടും


ഗ്രീഷ്മാ മാത്യുസ്

പിഴച്ചുപോയ സ്വന്തം മകളെ അയാൾ ചുട്ടുകൊന്നു. അവൾക്ക്‌ പ്രിയപ്പെട്ട സകലതിനേയും അവളുടെ ചിതയിലേക്ക്‌ എടുത്തെറിയുമ്പോൾ അയാൾ കരഞ്ഞില്ല. കൂടിനുള്ളിൽ അഗ്നിനാളങ്ങൾ കണ്ടു പേടിച്ച കിളിക്കുഞ്ഞുങ്ങൾ കാരുണ്യത്തിനായി അയാളോട്‌ കേണു. പക്ഷേ,......അവയും അവൾക്ക്‌ ജീവനായിരുന്നുവല്ലോ.....മരണ ശേഷം ഒരു ജീവിതമുണ്ടെങ്കിൽ തന്റെ മകൾക്ക്‌ കൂട്ടായിരിക്കട്ടെ......

കരഞ്ഞു തളർന്നുറങ്ങിയ അവളെ വിളിച്ചുണർത്തി 'ഇനി നീ ജീവിക്കണ്ട' എന്നു പറഞ്ഞപ്പോൾ ഒന്നും മനസ്സിലാകാത്തത്‌ പോലെ തന്റെ കുരുന്നിന്റെ കണ്ണുകൾ ഒന്നു ചിമ്മി. മരിയ്ക്കാൻ പേടിയുണ്ടായിരുന്നു അവൾക്ക്‌. മരണമെന്ന വാക്കിനെ അവൾ അത്രയും ഭയപ്പെട്ടിരുന്നു. കാരണം അമ്മയുടെ മരണം മകളുടെ ജീവിതത്തിൽ ഒരു വലിയ ആഘാതമായിരുന്നു. കൂർത്തനഖങ്ങളും പല്ലുകളും ഉള്ള ഇരുകാലികൾ അവളുടെ മാംസം കീറിയെടുത്തു, പിഞ്ച്‌ ശരീരത്തിൽ ഒന്നും ബാക്കിവച്ചില്ല. സിഗരറ്റിന്റെ പൊള്ളലുകളും ചോരപ്പാടുകളും അല്ലാതെ ഒന്നും.....

ശവപ്പെട്ടികൾ പണിയാൻ വെച്ചിരുന്ന തടികൾ ഓരോന്നായി പാതിജീവൻ ബാക്കിയുള്ള ശരീരത്തിൽ വയ്ക്കുമ്പോൾ അയാൾക്ക്‌ കൈവിറച്ചില്ല. പെട്ടന്നെല്ലാം അവസാനിപ്പിക്കാൻ ധൃതിയുണ്ടായിരുന്നു. അവളെ വിലപറയാൻ താമസിക്കാതെ അവരെത്തും, ഇരുട്ടിന്റെ മറപറ്റി കുറുക്കന്റെ മണമുള്ള നായ്ക്കൾ, തടുക്കാൻ തനിയ്ക്ക്‌ കഴിഞ്ഞില്ലെങ്കിൽ..........

നാലാം ക്ലാസുകാരി പരസ്പര സമ്മതത്തോടെ പീഡിപ്പിക്കാൻ നിന്നു കൊടുത്തതിനാൽ പ്രതികളെ കേവലം പേരിന്‌ ശിക്ഷിച്ചുകളഞ്ഞു നിയമം!! അതെ, എന്റെ മകളെപ്പറ്റിയാണ്‌ പറഞ്ഞ്‌ വരുന്നത്‌. ശവപ്പെട്ടിക്കച്ചവടക്കാരനായ അച്ഛന്റെ പൊന്നോമന. വെള്ള നിറമുള്ള പൂക്കൾകൊണ്ടലങ്കരിച്ച ശവപ്പെട്ടി അയാളുണ്ടാക്കിയെങ്കിലും ഒരു ഭയം ബാക്കിനിന്നു. കുഴിയിൽ നിന്നും മാന്തിയെടുത്തിട്ടായാലും.... അവൾ ഒരു പെൺകുഞ്ഞല്ലേ... ചിലപ്പോൾ വീണ്ടും? അതുപാടില്ല, തീയാണ്‌ നല്ലത്‌, വേഗത്തിൽ വിറകടുക്കി വയ്ക്കുമ്പോൾ തന്റെ കുഞ്ഞിനെ രക്ഷിക്കാനുള്ള വ്യഗ്രതയുണ്ടായിരുന്നു അയാളിൽ. കഥയിലുടനീളം അയാൾ എന്നു പറഞ്ഞത്‌ കൊണ്ട്‌ സംശയിക്കേണ്ട, അയാൾക്കൊരു പേരുണ്ടായിരുന്നു. അതെന്ത്‌ തന്നെയായാലും നമുക്കയാളെ അച്ഛൻ എന്നു വിളിക്കാം. ആ കുഞ്ഞിനെ മകളെന്നും.

തീനാളങ്ങൾ കാർന്ന്‌ തിന്നുമ്പോൾ പോലും അവൾക്ക്‌ നിവലിളിക്കാനായില്ല, കേവലം ശ്വാസമെടുക്കുന്ന ഒരു യന്ത്രത്തിന്‌ നിലവിളിയ്ക്കാൻ അറിയില്ലല്ലോ....അല്ലെങ്കിൽ അങ്ങനെ അലറിക്കരഞ്ഞിട്ട്‌ പ്രയോജനമില്ലെന്ന്‌ ആ ഒരു ദിവസം കൊണ്ടവൾ മനസ്സിലാക്കിക്കളഞ്ഞോ? അയാൾക്ക്‌ ശ്വാസം തിരിച്ചുകിട്ടി,. എത്രയോ രാത്രിയിൽ ഉറക്കമില്ലാതെ അച്ഛൻ മകൾക്ക്‌ കൂട്ടിരുന്നു. ഒരു ഇല അനങ്ങുമ്പോൾ പോലും അസ്വസ്ഥനായി വാതിൽ പൂട്ടിയിട്ടും തൃപ്തി വരാതെ ആ കൊച്ചുവീട്ടിൽ ഭാരമുള്ളതെല്ലാം വലിച്ച്‌ വാരിവെച്ച്‌ മകളുടെ സുരക്ഷ ഉറപ്പുവരുത്തി. നീതി കനിയുന്നതും കാത്ത്‌, കോടതി വരാന്തകളിൽ കുഞ്ഞിനെയും തോളത്തിട്ട്‌ അയാൾ നിൽക്കുമ്പോൾ ക്യാമറകൾ മിന്നി......അവൾ അച്ഛനെ മുറുകെപിടിച്ചു. മിന്നലിനെ പേടിക്കണമല്ലോ!

പ്രതീക്ഷകൾക്ക്‌ മീതെ ചാരം മൂടി, തീയണഞ്ഞു കഴിഞ്ഞപ്പോൾ ബാക്കിവന്ന എല്ലിൻതുണ്ടുകൾ അലങ്കരിച്ച ശവപ്പെട്ടിയിൽ അയാൾ എടുത്ത്‌ സൂക്ഷിച്ചു വച്ച്‌ വർഷങ്ങളോളം കാവലിരുന്നു.

കാലം കുറേ കഴിഞ്ഞപ്പോൾ അവളെ വലിച്ചിഴച്ച്‌ കൊണ്ടുപോയ വഴിയിൽ ചുവന്ന കുഞ്ഞുപൂക്കൾ വിരിഞ്ഞു; അച്ഛന്റെ കണ്ണീർ ഒഴുകിക്കൊണ്ടേയിരുന്നു. ആ നീരൊഴുക്ക്‌, കൊച്ച്‌ കൊച്ച്‌ നീരുറവകളായി കൈത്തോടുകളായി പുഴകളായി ആസ്ഥലത്തെ പവിത്രീകരിച്ചു.

പിന്നെയും എത്രയോ രാത്രികളിൽ എല്ലിൻ കഷ്ണത്തിനായി കടിപിടി കൂടുന്ന നായ്ക്കൾ ഓരിയിട്ടു. ബാക്കിയെല്ലാം നിശബ്ദം...നിശ്ചലം....

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…