Skip to main content

കഡാവർ


മോഹൻ ചെറായി

അയ്യോ...ഇതു നമ്മുടെ കഥാകൃത്തല്ലേ...സുന്ദരൻ കുറ്റിത്തറ?"
അതേലോ...എത്ര വലിയ ആളാ...എന്നിട്ടും കിടത്തിയിരിക്കയല്ലേ ഉടുതുണിയില്ലാതെ..."
"പെൺകുട്ടികളടക്കം എത്ര പേരു കാണുന്നതാ! കഷ്ടം. ഇങ്ങനെ പ്രദർശിപ്പിക്കാൻ
ഇയാളെ കൊടുത്തവരെ വേണം തല്ലാൻ...
മെഡിക്കൽ എക്സിബിഷൻ നടക്കുകയാണ്‌. സഹകരണ മെഡിക്കൽ കോളേജിന്റെ പവലിയനിൽ
സ്വന്തം ശരീരം കിടത്തിയിരിക്കുന്നു. തല മൊട്ടയടിച്ച്‌, പിറന്നപടി! ആ
കാഴ്ച കണ്ട്‌ കഥാകൃത്ത്‌ നടുങ്ങി.
മരണാനന്തരം കുട്ടികൾക്കു പഠിക്കാൻ മൃതദേഹം വിട്ടുകൊടുക്കണമെന്നേ മരണ
പത്രത്തിലെഴുതിയുള്ളു. മക്കളോടും മരുമക്കളോടും അത്തരത്തിലാണ്‌
അന്ത്യാഭിലാഷം അറിയിച്ചതും. പക്ഷെ അവരെയൊക്കെ നാണം കെടുത്തിക്കൊണ്ട്‌
ഇവരീ കൊലച്ചതി ചെയ്യുമെന്ന്‌ കരുതിയില്ല.
കാഴ്ചക്കാരേറെയുണ്ട്‌. ഗ്ലൗസിട്ട കൈകൊണ്ട്‌ ഒരു പെൺകുട്ടി കരളും
ഹൃദയവുമൊക്കെ വാരി വലിച്ചു പുറത്തിടുന്നു: വിശദീകരണത്തിനു ശേഷം അവ
യഥാസ്ഥാനത്തു തിരിച്ചു വയ്ക്കുന്നു. ഒടുവിൽ നെഞ്ചിന്റെ  വാരിയെല്ലും
മറ്റുമടങ്ങുന്ന ഭാഗങ്ങൾ രണ്ടും വാതിൽ കതക്‌ അടയ്ക്കും പോലെ
ചേർത്തടച്ചു.ദാ...പിന്നെ വയറു തുറക്കുന്നു. വൻകുടലും ചെറുകുടലും
വലിച്ചിടാൻ തുടങ്ങുന്നു...പക്ഷെ, കാഴ്ചക്കാരുടെ കണ്ണുകൾ പലതും ആ
സ്ഥാനത്താണ്‌ : അസ്ഥാനത്ത്‌ ! അവിടെ നോക്കിക്കൊണ്ട്‌ പെൺകുട്ടികൾ അടക്കം
പറഞ്ഞു ചിരിക്കുന്നു. ശ്യോ...നാണം വരുന്നു. അരിശവും. ആ അരിശത്തോടെ,
ഡെമോൺസ്ട്രേഷൻ നടത്തുന്ന പെൺകുട്ടിയോടു ചോദിച്ചു:
"നിങ്ങളീ ചെയ്യുന്നതു തെറ്റല്ലേ?"
പെൺകുട്ടിയുടെ മുഖത്തത്ഭുതം.
"ഇങ്ങനെ നഗ്നത പ്രദർശിപ്പിക്കാനാണോ ഈ ശവശരീരം വിട്ടുതന്നത്‌? നിങ്ങൾക്കു
പഠിയ്ക്കാൻ വേണ്ടി ഒരു നല്ല കാര്യം ചെയ്തിട്ട്‌...ഈ
കിടക്കുന്നതാരാണെന്നറിയാമോ? കേരളം മുഴുവൻ അറിയപ്പെടുന്ന ഒരു കഥാകൃത്താണ്‌
അയാളുടെ ഐഡന്റിറ്റിയെ.
പറഞ്ഞുതീർന്നില്ല, വന്നു അവളുടെ കമന്ററി:
"ഓ കഡാവറിനെന്ത്‌ ഐഡന്റിറ്റി?"
കഡാവറോ!
ശബ്ദമുയർന്നുപോയി...ബഹളമായി! സംഘാടകർ ഓടിവരുന്നു. അടിപൊട്ടി. ആരോ
കഴുത്തിനു പിടിച്ചു. ശ്വാസം മുട്ടുന്നു.
കണ്ണു തുറന്നു. ഇരുട്ടാണ്‌. ബെഡ്ഡിൽ എഴുന്നേറ്റിരിക്കുകയാണെന്നു
മനസ്സിലാവാൻ അൽപനേരം കൂടി വേണ്ടി വന്നു. എഴുന്നേറ്റു ലൈറ്റിട്ട്‌
ഫ്രിഡ്ജിൽ നിന്നു അൽപം തണുത്ത വെള്ളം എടുത്തു കുടിച്ചു. പിന്നെ, ഒരുൾവിളി
പോലെ എഴുന്നേറ്റ്‌ അലമാര തുറന്ന്‌ ആ വിവാദ മരണ പത്രം തെരഞ്ഞു...
അതേ...വിവാദ മരണ പത്രം! കണ്ണു ദാനം ചെയ്താൽ ശരിയാവില്ലെന്നു
ഭാര്യ-(മരിച്ചു പരലോകത്തു ചെല്ലുമ്പോൾ ഭർത്താവു തന്നെ
തിരിച്ചറിഞ്ഞില്ലെങ്കിലോ എന്ന ഭയം)! പരമ്പരാഗത ശൈലിയിൽ നിന്നു മാറുന്നതിൽ
മകനും മരുമകനും എതിർപ്പ്‌! നെഞ്ചത്തലയ്ക്കുന്നത്‌ ഫാഷനല്ലാതായെങ്കിലും
നാലാളുടേയും വീഡിയോയുടേയും മുമ്പിലുള്ള കരച്ചിലും അന്ത്യച്ചുംബന
രംഗങ്ങളും നഷ്ടപ്പെടുന്നതിൽ മകൾക്കും മരുമകൾക്കും ഇഷ്ടക്കേടും! എല്ലാം
അവഗണിച്ചു എഴുതിച്ചതാണ്‌ മരണപത്രം. രജിസ്റ്റർ ചെയ്തിട്ടില്ലെന്നുമാത്രം.
ആവൂ...കണ്ടുകിട്ടി. വായന തുടങ്ങി വസ്തുവകകൾ കൈകാര്യം ചെയ്യേണ്ടുന്ന ഭാഗം
കഴിഞ്ഞ്‌ ഇങ്ങനെ:
"... മരിച്ചു കഴിഞ്ഞാൽ എന്റെ കണ്ണുകൾ ദാനം ചെയ്യണമെന്ന്‌
ഞാനാഗ്രഹിക്കുന്നു. ബി.പി.യുള്ളതുകൊണ്ട്‌, മസ്തിഷ്കമരണമാണു
സംഭവിക്കുന്നതെങ്കിൽ, കിഡ്ണി ഹൃദയം മുതലായ ആന്തരികാവയവങ്ങൾ  ദാനം
ചെയ്യുക. അർഹതപ്പെട്ട ആർക്കെങ്കിലും പ്രയോജനപ്പെടട്ടെ. ബാക്കിവരുന്ന
മൃതദേഹം സഹകരണ മെഡിക്കൽ കോളേജിനു കൊടുക്കണം. കുട്ടികൾ എന്റെ ശരീരം
കീറിമുറിച്ചു പഠിക്കട്ടെ..."
അറിയാതെ ചുണ്ടിൽ ചിരി പടർന്നു. പേനയെടുത്ത്‌ 'മെഡിക്കൽ
കോളേജിനുകൊടുക്കണം' എന്ന ഭാഗം  വെട്ടി, പകരം 'ബാക്കിവരുന്ന മൃതദേഹം
പൊതുശ്മശാനത്തിലോ ആർക്കും ശല്യമാകാത്തവിധം പറമ്പിന്റെ ഒഴിഞ്ഞകോണിലോ,
മതാചാരംകൂടാതെ സംസ്കരിക്കണം" എന്നാക്കി.
ഹൗ എന്തൊരു നിർവൃതി!
നാളെത്തന്നെ മരണപത്രം തിരുത്തിയെഴുതിച്ചു രജിസ്റ്റർ ചെയ്യണം. വെറുമൊരു
കഡാവറായി വേണ്ടപ്പെട്ടവരെയൊക്കെ പരിഹാസ്യരാക്കേണ്ടല്ലോ...

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…