Skip to main content

രാമുവിന്റെ തേങ്ങാസൂത്രം


പോളി ജോർജ്ജ്‌
എട്ടാംതരം, ജെ.എച്ച്‌.എസ്‌.എസ്‌, വാഴക്കുളം


"തീരാൻ പോണൂ, തീരാൻ പോണൂ വാങ്ങാനുള്ളവർ വേഗം വരൂ". ഉച്ചസൂര്യന്റെ
കഠിനചൂടിലും രാമുവിന്റെ തേങ്ങ വാങ്ങുവാൻ ധാരാളമാളുകൾ ഉണ്ടായിരുന്നു.
നല്ല തേങ്ങകളായിരുന്നു രാമുവിന്റേത്‌. തന്റെ തേങ്ങ എല്ലാവരും
വാങ്ങുന്നത്‌ കണ്ട്‌ രാമുവിന്‌ വളരെ സന്തോഷമായി. ഉച്ചകഴിഞ്ഞപ്പോൾ അവന്റെ
തേങ്ങകളെല്ലാം വിറ്റ്‌ തീർന്നു. രാമു വേഗം ചന്തയിൽ നിന്ന്‌ വീട്ടിലേക്ക്‌
തിരിച്ചു. വീട്ടിൽ രാമുവിനെ കാത്ത്‌ അവന്റെ ഭാര്യയും മക്കളും
നോക്കിയിരിക്കുന്നുണ്ടായിരുന്നു. നന്നായി അദ്ധ്വാനിക്കുന്നവനാണ്‌ രാമു.
അവന്‌ രണ്ട്‌ മക്കളും ഭാര്യയുമുണ്ട്‌. ദരിദ്ര കുടുംബമാണ്‌ രാമുവിന്റേത്
‍്‌. തെങ്ങ്കൃഷി നടത്തിയാണ്‌ അവർ ജീവിക്കുന്നത്‌.  രാമു എല്ലാദിവസവും
ചന്തയിൽ പോയി തേങ്ങ വിൽക്കും.
പിറ്റേ ദിവസം രാവിലെ രാമു തേങ്ങ വിൽക്കാൻ ചന്തയിലേക്ക്‌ പോകുവാൻ
തയ്യാറായി. ഭാര്യയോടും മക്കളോടും യാത്ര പറഞ്ഞ്‌ രാമു തേങ്ങകുട്ട
യുമെടുത്ത്‌ ചന്തയിലേക്ക്‌ നടന്നു. ചന്തയിലേക്ക്‌ പോകുന്നത്‌ ഒരു
കാട്ടിലൂടെയാണ്‌. രാമു നടന്ന്‌ കാട്ടിലെത്തിയതും പെട്ടെന്ന്‌ അവന്റെ
മുന്നിലേക്ക്‌ കാട്ടുകള്ളൻ പരമു എടുത്ത്‌ ചാടി. രാമു പേടിച്ചു പോയി. പരമു
രാമുവിനോട്‌ ചോദിച്ചു "കുട്ടയിൽ എന്താണ്‌?" "തേങ്ങയാണ്‌" എന്ന്‌ രാമു
മറുപടി പറഞ്ഞു. "എന്താണ്‌ തേങ്ങ?"  പരമു രാമുവിനോട്‌ ചോദിച്ചു. തേങ്ങ
കണ്ടിട്ടില്ലാത്ത പരമുവിനെ ഓടിക്കാൻ രാമുവിന്‌ ഒരു ബുദ്ധി തോന്നി. രാമു
പറഞ്ഞു "തേങ്ങയെന്നാൽ ഒരു കുട്ടി ഭൂതമാണ്‌. അവൻ കരഞ്ഞാൽ എന്നെ ഒഴികെ
ബാക്കി എല്ലാവരേയും പിടിച്ച്‌ വിഴുങ്ങും." ഇതും പറഞ്ഞ്‌ രാമു വേഗം ഒരു
തേങ്ങയെടുത്ത്‌ തുളച്ച്‌ വെള്ളം ചാടിച്ചിട്ട്‌ പറഞ്ഞു. "അയ്യോ തേങ്ങ
കരയുന്നേ", തേങ്ങ കരയുന്നു എന്നു കേട്ടപ്പോൾ പരമു പേടിച്ചുപോയി. അവൻ
ജീവനും കൊണ്ടോടി പരമുവിനെ ഓടിച്ച കഥയും അയവിറക്കി രാമു തന്റെ കുട്ടയും
എടുത്ത്‌  ചന്തയിലേക്ക്‌ നടന്നു.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…