Skip to main content

എഴുത്തുകാരന്റെ ഡയറി


സി.പി.രാജശേഖരൻ


കോൺഗ്രസ്സ്‌ പാർട്ടിയും പാർട്ടി കോൺഗ്രസ്സും 

       കോൺഗ്രസ്സ്‌ എന്ന്‌ കേട്ടാൽ തലചെടിയ്ക്കുകയും ഓക്കാനം വരുകയും ചെയ്യുന്ന
സഖാക്കൾക്ക്‌  അതൊന്ന്‌ തലതിരിച്ചിട്ട്‌, 'പാർട്ടികോൺഗ്രസ്സ്‌'
ആക്കികൊടുത്താൽ കുശാലായി. കോൺഗ്രസ്സ്‌ പാർട്ടി ബൂർഷ്വായും
പാർട്ടികോൺഗ്രസ്സ്‌ വിബുർഷ്വായും ആണ്‌, എന്നാണ്‌ സഖാക്കളെ
ധരിപ്പിച്ചിരിക്കുന്നത്‌. നാട്ടിൽ 'ഹരിശ്രീ' എന്ന്‌ തെറ്റുകൂടാതെ എഴുതാൻ
അറിയാവുന്നവരെല്ലാം എഴുത്തുകാരും, എഴുത്തുകാരായ സകലസാമന്തന്മാരും
കമ്മ്യൂണിസ്റ്റ്‌ പാർട്ടിയിൽ കുറേശ്ശെ കുറേശ്ശെയോ ആജീവനാന്തമായോ അംഗത്വം
സിദ്ധിച്ചവരുമാണ്‌. അവർക്കു മാത്രമാണ്‌ എഴുതാനും വായിയ്ക്കാനും
പ്രസംഗിയ്ക്കാനും അവകാശമുള്ളത്‌. അവരെ മലപോലെ വളർത്തുന്നതും
പാർട്ടിയ്ക്ക്‌ കണ്ണുപിടിയ്ക്കാത്തവരെ എലിപോലെ ആട്ടിപ്പായിയ്ക്കുന്നതും
കമ്മ്യൂണിസത്തിലെ കാതലായ ആശയമാണ്‌.

       എന്തായാലും ബൂർഷ്വാപാർട്ടിയായ കോൺഗ്രസുകാരെ സകലവിധത്തിലും
നാണിപ്പിയ്ക്കുംവിധമാണ്‌ വിബൂർഷ്വാ സ്വഭാവം പേരിന്‌ നെറ്റിയിൽ
തൊട്ടിട്ടുള്ള പാർട്ടികോൺഗ്രസ്സ്‌ മഹാമഹം കോഴിക്കോട്‌
ആടിത്തിമിർക്കുന്നത്‌. മാമാങ്കം ജനുവരിയും കഴിഞ്ഞ്‌
ഏപ്രിൽമാസത്തിലാണെങ്കിലും ഏതാണ്ട്‌ അഞ്ചാറു മാസം മുമ്പേ തന്നെ ചുവരായ
ചുവരുകളും നാൽക്കവലകളും പോസ്റ്റുകുറ്റിയും വേലിപ്പത്തലുംവരെ ചുവപ്പാക്കി
ചായം തേച്ച്‌ കൊടിതോരണങ്ങൾ കെട്ടി ആഘോഷിച്ചുവരുന്നുണ്ട്‌. റോഡായ
റോഡുമുഴുവനും തോരണങ്ങളും ബോർഡുകളുമാണ്‌. ഈ കണ്ടതായ ബോർഡുകൾ മാത്രം
വടക്കേഅറ്റം മുതൽ തെക്കേ അറ്റംവരെ എണ്ണിയാൽ, ഏതാണ്ട്‌ ഒരു
നൂറുകോടിചിലവുവരും. കോഴിക്കോട്‌ നഗരവും നാട്ടിൻപുറവും പൂർണ്ണമായും
പാർട്ടി പതിച്ചെടുത്ത്‌ വർണ്ണാഭമാക്കിയതിന്‌ വേറൊരു നൂറുകോടി കൂടി
കണക്കെഴുതിയാലും ഈ മാമാങ്കത്തിന്റെ ചിലവ്‌ നിർണ്ണയിയ്ക്കാനാവില്ല.
വിബൂർഷ്വാ പാർട്ടിയുടെ മാമാങ്കത്തിന്‌ എണ്ണിയാൽ തീരാതെ എണ്ണാതെ
ചിലവിടുന്ന ഈ കോടികൾ എവിടുന്നാണ്‌ എന്ന്‌ ചോദിക്കാൻ ഒറ്റ
യു.ഡി.എഫുകാരന്റെയും നാവുപൊങ്ങില്ല. പൊങ്ങണ്ട, പൊങ്ങരുത്‌. എഴുത്താളന്മാർ
എല്ലാവരും ഈ ഉപ്പും ചോറും തിന്ന്‌ ശീലമായതിനാൽ അവരുടെ നാവിൽ നിന്നും
ചോദ്യങ്ങളുണ്ടാവില്ല. കോർപ്പറേറ്റുകൾക്കും സാമ്രാജ്യതത്ത്വനും എതിരെ
വാതോരാതെ നാവുതളരാതെ പാർട്ടി കോൺഗ്രസ്സ്‌-ചെങ്കോട്ടയിലും നിരന്തരം
വാചകമടിയ്ക്കുന്നവർക്ക്‌ ഇനിയും എന്താണ്‌ കോർപ്പറേറ്റ്‌ സാമ്രാജ്യത്വ
സ്വഭാവങ്ങൾ എന്ന്‌ മനസ്സിലായില്ലെങ്കിൽ അവർ കമ്മ്യൂണിസ്റ്റാകാൻപോലും
അർഹരല്ലാത്തവരാണ്‌, ടാഗോർ തിയറ്ററും  മാനാഞ്ചിറമൈതാനവും മാത്രം കണ്ടാൽ
എന്താണ്‌  കോർപ്പറേറ്റെന്നും, ഈവന്റ്‌ മാനേജ്‌മന്റെന്നും
മനസ്സിലാകുമെന്ന്‌ ഇനി ഒരിയ്ക്കൽ കൂടി പറയാൻ ബിനോയ്‌ വിശ്വത്തിനും
കഴിഞ്ഞെന്ന്‌ വരില്ല.

       നാട്ടിലെ, എഴുത്തുകാരേ, നമസ്കാരം! നിങ്ങളാരും ഇക്കഴിഞ്ഞ കുറെ മാസങ്ങളായി
കേരളക്കരയിലില്ലെന്ന്‌ വിശ്വസിയ്ക്കുന്നു. അഞ്ചാറു മാസം പോട്ടെ;
ഇക്കഴിഞ്ഞ എട്ട്‌ പത്തു ദിവസം കോഴിക്കോട്‌ വഴിയും  നിങ്ങൾ യാത്ര
ചെയ്തിട്ടുണ്ടാവില്ല. ഇത്രയും പണം പാവങ്ങളുടെ പാർട്ടി, വഴിനീളെ, തോരണം
തൂക്കിയും ബോർഡുവച്ചും ചിലവിടുമ്പോൾ,  അതിലൊരോഹരി നാട്ടിലെ മഹാമാന്യ
എഴുത്തുകാർക്കും  പങ്കുള്ളതാണല്ലോ. ചാനൽ വിദഗ്ധന്മാരും എഴുത്തുകാരേക്കാൾ
ഒരുപടി മുന്നോട്ട്‌ കടന്ന്‌ മാമാങ്കത്തെ പല ആങ്കിളിലും
വർണ്ണിച്ചുകൊണ്ടിരിയ്ക്കുകയാണ്‌. ചിലവായ പണത്തിൽ അവർക്കും
കണ്ണുകടിയുണ്ടായിട്ട്‌ കാര്യമില്ലല്ലോ. എന്തായാലും കോൺഗ്രസ്സ്‌ പാർട്ടി
ഇനി ആത്മഹത്യ ചെയ്യുന്നതാണ്‌ നല്ലത്‌. പത്തെൺപത്‌ വർഷമായി ബൂർഷ്വാ
വിളികേട്ടിട്ടും ഇതുപോലൊന്ന്‌ സംഘടിപ്പിയ്ക്കാൻ നിങ്ങൾക്കായോ,
'തല്ലുകൊള്ളാൻ ചെണ്ടയും പണം വാങ്ങാൻ മാരാരും' എന്ന പഴയ ചൊല്ലുപോര,
കോൺഗ്രസ്സിനെ തല്ലാൻ. കോൺഗ്രസ്സിൽ ഒരു ചുണക്കുട്ടിയെങ്കിലും ഉണ്ടെങ്കിൽ
അവൻ മാനാഞ്ചിറകുളത്തിൽ ചാടി ആത്മഹത്യ ചെയ്യണം. പാർട്ടി കോൺഗ്രസ്സ്‌
പൊടിപൊടിയ്ക്കുന്നത്‌ നാട്ടുകാരുടെ പണത്തിലാണ്‌ എന്ന്‌ ആരും
വ്യാമോഹിയ്ക്കേണ്ടതില്ല. പഴയ ബക്കറ്റ്‌ പിരിവ്‌ നിർത്തിയിട്ട്‌ കാലം
എത്രയായി. ഒരു രൂപാ നോട്ട്‌ ഇപ്പോൾ ആർക്കും വേണ്ടതാനും.

       റഷ്യയിൽ നിന്ന്‌ ഛർദ്ദിച്ചു കളഞ്ഞ ആശയങ്ങളിൽ നിന്നും ചൈനയിൽ നിന്ന്‌
തൂത്തെറിഞ്ഞ ടോയ്‌ലറ്റ്‌ പേപ്പറിൽ നിന്നും ഇനി ആവേശം കൊള്ളേണ്ടതില്ല എന്ന
തീരുമാനം നന്നായി. ക്യൂബയിൽ മാർപാപ്പയെക്കാണാൻ കമ്മ്യൂണിസ്റ്റുകാർ
തടിച്ചു കൂടിയത്‌ നാം കണ്ടതല്ലേ. ഇവിടെയും മാർപാപ്പ വരട്ടെ. പല
ബിഷപ്പുമാരേയുംകൊണ്ട്‌ മാർപാപ്പയെ കാണിയ്ക്കാൻ പാർട്ടി കോൺഗ്രസ്സിലെ
ഉന്നതരുണ്ടാകും.
       മതം വിഷമാണ്‌! എന്ന്‌ വെറുതെ ഭ്രാന്തു പറയാതെ; മദ്യം വിഷമാണെന്ന്‌
പറഞ്ഞിട്ട്‌ എന്തായി. ഇപ്പോൾ നാല്‌ ചക്രം വേണമെങ്കിൽ ആ വിഷം വിൽക്കണം.
അത്‌ കുടിയ്ക്കാനും ആള്‌ വേണം. അതുപോലെ തന്നെയീ മതവും. അടുക്കും തോറും
അമൃതാണെന്ന്‌ ബോധ്യമാകും. പാർട്ടിക്ക്‌ ഇനി വേണ്ടത്‌ അഞ്ചു
കൊല്ലത്തിലൊരിയ്ക്കൽ വോട്ട്‌ ചെയ്യാൻ ആള്‌ മാത്രമാണ്‌. അത്‌ ഏതു വിഷം
വന്നു ചെയ്താലും മതി കോൺഗ്രസ്സിന്‌ പറ്റാത്തത്താണ്‌ പാർട്ടി കോൺഗ്രസ്സ്‌
ചെയ്യുന്നത്‌. മനസ്സിലായോ എഴുത്തുകാരാ, ഇനി ഒറ്റ വഴിമാത്രം. ഒരു
മുദ്രാവാക്യമെങ്കിലും എഴുതാൻ പഠിയ്ക്കണം.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…