Skip to main content

പുലരിയിലേക്കു നടന്ന ദിവസം


സി.രാധാകൃഷ്ണൻ

പരന്ന വയലിനു നടുവിലുള്ള ഉയർന്ന വരമ്പിലൂടെ കിഴക്കോട്ടു
നടക്കുകയായിരുന്നു ഒമ്പതുകാരനായ ഞാൻ. സൂര്യൻ ഉദിക്കുന്നതിനു
തൊട്ടുമുമ്പ്‌. കിഴക്ക്‌ ആകെ തുടുത്തിരിക്കുന്നു. ആകാശമേലാപ്പിലെ
ചോപ്പുരാശി ഉയരങ്ങളിലേക്ക്‌ പോകെ നീലയിൽ ലയിക്കുന്നു. ഇടയിലെ വെളുത്ത
മേഘക്കീറുകൾ ചുവപ്പിന്റെ പല തോതുകൾ അണിഞ്ഞിരിക്കുന്നു.
       നേരെ മുന്നിൽ ധർമ്മശാസ്താവിന്റെ അമ്പലം. നന്നേ ചെറിയ ആ അമ്പലത്തിനു
ചുറ്റും കാട്‌. പുഴയിലെ അമ്പലത്തിന്റെ തെക്കുവശത്തേക്ക്‌ വാലുപോലെ നീണ്ട
ഒരു തുരുത്ത്‌. അതിൽ വൻമരങ്ങൾ ഉയരങ്ങളിലെ വെളിച്ചത്തെ ആർത്തിയോടെ
പുൽകുന്നു. അവയുടെ ശിരസ്സുകൾ അപ്പോഴേ സൂര്യനെ കാണുന്നുണ്ടാവണം!
       പുഴക്കരയിൽ അമ്പലനടയിലുള്ള ആലിനുചുവടെ ഉതിർന്ന ആലിൻ കായ്കൾ ഉടഞ്ഞും
ചിതറിയും കിടക്കുന്നു. ആലിൻപഴം തിന്നാൻ നൂറുകണക്കിനു പക്ഷികളുടെ മേളം.
       ആൽച്ചുവട്ടിലൂടെ എന്റെ നടത്തം പതിവുപോലെ പുഴക്കരയിലെത്തി. ഓർമ്മവച്ച
നാൾമുതൽ പതിവുള്ളതാണിത്‌. മഴയായാലും മഞ്ഞായാലും ഭേദമില്ല. രാവിലെ പുഴയിൽ
കുളിച്ച്‌ അമ്പലത്തിൽ തൊഴും. മന്ത്രം മുത്തച്ഛൻ പറഞ്ഞുതന്നിട്ടുണ്ട്‌.
ശാസ്താരം പ്രണതോസ്മ്യഹം.
       കരയിൽ നിന്നും പത്തുനൂറുവാര മാറി പുഴയിലാണ്‌ അമ്പലം. ഇടയിലോ നീർച്ചാൽ
വലിയ തിരക്കില്ലാതെ ഒഴുകുന്നു. ആ ഒഴുക്കിൽ ആകാശം ഒഴുകിപ്പോകുന്ന പ്രതീതി.
പക്ഷെ എത്ര ഒഴുകിയിട്ടും ആകാശം എങ്ങും പോകുന്നുമില്ല!
       ഒരുനിമിഷം വെറുതെ കളയാതെ കല്ലൊതുക്കുകളിറക്കി വെള്ളത്തിലേക്കു ചാടി.
മറുകരയിലേക്കു നീന്തി അവിടത്തെ കരിങ്കൽപ്പടവിൽ കയറി നിന്നു പിഴിഞ്ഞു
തോർത്തി എന്നു വരുത്തി അമ്പലനടയിൽ തൊഴുകുകയാണ്‌ പതിവ്‌. അന്നു പക്ഷേ ഞാൻ
എന്തിനെന്നറിയാതെ കരയിൽ വെറുതെ നിന്നു. എന്റെ തലയ്ക്കു മുകളിൽ പന്തലിച്ചു
പൂവിട്ടു വിലസുന്ന വെള്ളമരുതുമരം എന്നെ പിടിച്ചു നിർത്തിയതുപോലെ.
       അമ്പലത്തുരുത്തിലെ പച്ച, വെള്ളത്തിന്റെ നീല, ആകാശത്തെ ചുവപ്പും
അരുണിമയും, വീതിയേറിയ പുഴയിലെ വെണ്മണലിന്റെ ശുദ്ധി, എല്ലാറ്റിലുമുപരി
കുലകുലയായി വിരിഞ്ഞു നിൽക്കുന്ന മരുതിൻപൂക്കളുടെ നൈർമ്മല്യം. പക്ഷികളുടെ
സംഘഗാനമല്ലാതെ ഒരു ശബ്ദവും കേൾക്കാനില്ല. അങ്ങനെ ഇരിക്കെയാണ്‌ സൂര്യന്റെ
ശിരസ്സ്‌ പുഴയുടെ കിഴക്കെ കരയിലെ പച്ചയുടെ നിരയിൽ നിന്ന്‌
പൊങ്ങിവരുന്നതും അതിന്റെ നേർപ്പകർപ്പ്‌ പുഴയിൽ പ്രതിഫലിക്കുന്നതും.
       എന്തിനെന്നില്ലാതെ ഒരു അപൂർവ്വമായ സന്തോഷം എന്നിൽ ഉറവ പൊട്ടുന്നത്‌ ഞാൻ
അറിഞ്ഞു. നിമിഷങ്ങൾ കൊണ്ട്‌ അത്‌ എന്നെ മുക്കിമൂടി. പക്ഷെ,
ശ്വാസംമുട്ടല്ല അന്നേവരെ അറിയാത്ത എന്തൊ ഒരു സുഖമാണ്‌ തോന്നിയത്‌. ആ
സുഖത്തിൽ ഞാൻ ഇല്ലാതായിപ്പോയി! അന്നേവരെ കേൾക്കാത്ത അതിമനോഹരമായ ഒരു രാഗം
എനിക്കു ചുറ്റും അലയടിച്ചു. ശ്വാസം നിലയ്ക്കുന്നതും കണ്ണുകൾ
നിറഞ്ഞൊഴുകുന്നതും തുടക്കത്തിൽ അറിയുന്നുണ്ടായിരുന്നു. കുറച്ചു
കഴിഞ്ഞപ്പോൾ അതിനെക്കുറിച്ചും ഒരു അറിവുമില്ല, ചൂടോ തണുപ്പോ ഇല്ല, ശരീരമേ
ഇല്ല!
       ശക്തിയായി മഴ പെയ്യുന്നു എന്ന തോന്നലോടെയാണ്‌ ഉണർന്നത്‌. നടവഴിയിലെ
വെറും പൂഴിയിലാണ്‌ കിടപ്പ്‌. കുളിച്ചുതൊഴാൻ വന്നവർ ചുറ്റും കൂടി
നിൽക്കുന്നു. മുഖത്ത്‌ വീണ്ടും തീർത്ഥക്കിണ്ടിയിൽ നിന്ന്‌ നീർ
തളിക്കുന്നത്‌ ശാന്തിക്കാരൻ തിരുമേനി. ഉഭൗ തൗനവീചനീതോ നായം ഹന്തി നഹന്യതേ
എന്നു ജപിക്കുന്നുമുണ്ട്‌.
       സൂര്യൻ തെങ്ങുയരം പൊങ്ങിയിരിക്കുന്നു. ഉൾനാമ്പുകളിലെ മഞ്ഞുതുള്ളികൾ
ആവിയായിരിക്കുന്നു. ആകാശം വാസ്തവങ്ങളുടെ നിർദ്ദയനിറം
കയ്യാളിയിരിക്കുന്നു.
       ആരോ ചോദിച്ചു, എന്തുപറ്റി ഈ കുട്ടിക്ക്‌?
       'പറ്റിയത്‌ എന്തായാലും', വേറെ ആരോ പറഞ്ഞു, 'ആ വെള്ളത്തിൽ
ചാടിയതിൽപ്പിന്നെ ആവാതിരുന്നത്‌ നന്നായി'.
       'ശാസ്താവ്‌ കാത്തു!'
       'അതെയതെ!'
       കുളിക്കാനും തൊഴാനും അന്ന്‌ അംഗരക്ഷകരുടെ വലയം ഉണ്ടായി. അവർ തന്നെയാണ്‌
വീട്ടിലേക്ക്‌ കൂടെ വന്ന്‌ വിവരമറിയിച്ചതു.
       അമ്മയേങ്ങിക്കരച്ചിലായി. മുത്തശ്ശി വിധിയെഴുതി. 'ഇന്ന്‌ ഇനി
സ്കൂളിലൊന്നും പോകേണ്ട. തിരുനാവായ മൂസ്സിനെക്കണ്ട്‌ വിവരം പറഞ്ഞിട്ട്‌
ബാക്കിക്കാര്യം നിശ്ചയിക്കാം".
       എന്നെക്കാൾ എത്രയോ മുമ്പ്‌ ഉണർന്ന്‌ ദിനകൃത്യങ്ങൾ കഴിച്ച്‌ കുളിയും
ജപവും കഴിഞ്ഞ്‌ വയൽ നോക്കാൻ പോയ മുത്തച്ഛൻ വന്നപ്പോൾ ഇതാണ്‌ അവസ്ഥ.
മുത്തച്ഛൻ എന്നെ വിളിച്ച്‌ മടിയിൽ കയറ്റി ഇരുത്തി ചോദിച്ചു, 'എന്താ
ഉണ്ടായ്യേ?'
       ഉണ്ടായതൊക്കെ ഞാൻ പറഞ്ഞു.
       മുത്തച്ഛൻ ഉറക്കെ ചിരിച്ചു. ഇതാണോ കാര്യം!
       മുത്തശ്ശിയും അമ്മയും ആ ചിരി കേട്ട്‌ അടുത്തുകൂടി.
       കുട്ടിക്ക്‌ ഒന്നും പറ്റിയിട്ടില്ല! മുത്തച്ഛൻ പറഞ്ഞു, 'അപൂർവ്വമായ ലയം
ഒത്തുകിട്ടി, അത്രതന്നെ! മഹാഭാഗ്യം! അതിന്‌ നിങ്ങളെന്താ കരേണത്‌? ഒരു
മുസ്സിനേം കാണേം വേണ്ട!'
'ഇനീം വല്ലേടത്തും വീണാലോ?' 'വല്ലേടത്തുമൊന്നും വീഴില്ല,' മുത്തച്ഛൻ
ഉറപ്പു പറഞ്ഞു. 'അമ്മ ഉറക്കുമ്പൊ അമ്മയുടെ മടിയിലല്ലേ വീഴു!'
പിന്നെ മുത്തച്ഛൻ എന്നോടു ചോദിച്ചു, വീഴും മുമ്പ്‌ അവസാനമായി എന്താണ്‌ കണ്ടത്‌?
       'ആകാശത്തോളം വലിയ ഒരു വെളുത്തപൂവ്‌ മാനത്ത്‌ വിടരുന്ന കണ്ടു' 'അതിന്റെ
കൂടെ എന്തു കേട്ടു?' 'മുഴക്കമുള്ള ഒരു ശംഖുവിളി. അപ്പോഴത്തെ ഭാവമാണ്‌
നിന്റെ ശരിയായ അവസ്ഥ, മുത്തച്ഛൻ എനിക്ക്‌ നെറുകയിൽ ഒരു മുത്തം തന്നു. '
അത്‌ നിലനിന്നാൽ പിന്നെ സങ്കടം എന്നൊന്ന്‌ ഇല്ലേ ഇല്ല!'
       മുഴുവനായി നില നിർത്താൻ ഇത്രകാലം ശ്രമിച്ചിട്ടും ആയില്ല. പക്ഷെ ഒക്കും
എന്നുതന്നെയാണ്‌ പ്രതീക്ഷ. മനുഷ്യനായിപ്പിറന്ന ആർക്കും ഒക്കുമെന്നല്ലേ
മുത്തച്ഛൻ പറഞ്ഞത്‌.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…