20 May 2012

കേൾക്കാം കേരടെക്കിന്റെ കഥ..




തൃശൂർ ജില്ലയിലെ ചാവക്കാട്‌ താലൂക്കിൽ എങ്ങണ്ടിയൂരെ ഒരു കർഷകകുടുംബത്തിലെ
അംഗമായ അഡ്വ. കെ. വി. മോഹനനാണ്‌ കേരടെക്ക്‌ കമ്പനി സ്ഥാപിച്ചതു.
കുടുംബത്തിൽ തെങ്ങുകൃഷിയും കൊപ്രനിർമ്മാണവും കയറിന്റേയും
കയറുൽപന്നങ്ങളുടേയും വിൽപ്പനയും സർവ്വസാധാരണമായിരുന്നു.
ധനതത്വശാസ്ത്രത്തിൽ ബിരുദം നേടിയ അദ്ദേഹം തൊഴിൽ തേടി മുംബൈയിലും അവിടെ
നിന്ന്‌ ബഹ്‌റിനിലും ചേക്കേറി. ഉത്പാദന-വിപണന മേഖലകളിൽ ഇരുപത്‌
വർഷത്തിലേറെ അനുഭവസമ്പത്ത്‌ നേടി. കേരടെക്കിന്റെ മുൻഗാമിയായ കൈരളി വെർജിൻ
കോക്കനട്ട്‌ ഓയിൽ കമ്പനി സ്ഥാപിച്ചതു അഡ്വ. മോഹനൻ ആയിരുന്നു. തൃശൂർ,
അമ്പലപ്പുഴ, എറണാകുളം ജില്ലകളിലെ അഞ്ച്‌ വെർജിൻ വെളിച്ചെണ്ണ നിർമ്മാണ
യൂണിറ്റുകളുടെ കൺസോർഷ്യമാണ്‌ കേരടെക്‌. കമ്പനിയുടെ ഡയറക്ടർമാർ ഗൾഫിൽ
നിന്നും മടങ്ങിയവരും അവരുടെ ആശ്രിതരുമാണ്‌.
ഗ്രാമങ്ങളിൽ ലഭ്യമായ കാർഷിക അസംസ്കൃത സാമഗ്രികൾ ഉപയോഗപ്പെടുത്തി
മൂല്യവർദ്ധിത കാർഷികോൽപന്നങ്ങൾ ഉത്പാദിപ്പിച്ച്‌ കർഷകർക്ക്‌ ആദായകരമായ
വില ലഭ്യമാക്കുകയും ഗ്രാമങ്ങളിൽ തൊഴിലവസരങ്ങൾ ലഭ്യമാക്കുകയും
ചെയ്യുകയെന്ന കാഴ്ചപ്പാടോടെയാണ്‌ യൂണിറ്റ്‌ ആരംഭിച്ചതു. കൈരളി വെർജിൻ
വെളിച്ചെണ്ണ യൂണിറ്റ്‌ ആരംഭിച്ചതു റബ്കോയുമായി ചേർന്ന്‌ വെർജിൻ
വെളിച്ചെണ്ണ ഉത്പാദിപ്പിക്കുന്നതിനായിരുന്നു


. ഉൽപന്നത്തിന്റെ വിപണനം
റബ്കോയ്ക്കായിരുന്നു. പിന്നീട്‌, കൺസോർഷ്യം രൂപീകരിച്ച്‌ ഉൽപന്ന വിപണനം
കമ്പനി നടത്താൻ തുടങ്ങി.
വെർജിൻ വെളിച്ചെണ്ണ എന്നത്‌ ഒരു പുതിയ ആശയമായിരുന്നതിനാൽ വിപണി
വിലയിരുത്തുവാനൊന്നും സാധ്യതയില്ലായിരുന്നു. അതിനാൽ, ഇന്റർനെറ്റിലൂടെയും
മറ്റും അന്താരാഷ്ട്ര വിപണിയെക്കുറിച്ച്‌ പഠിച്ചാണ്‌ ഉൽപന്നത്തിന്റെ
വർദ്ധിച്ചുവരുന്ന ജനപ്രീതി മനസ്സിലാക്കിയത്‌. യൂണിറ്റ്‌ വാണിജ്യോത്പാദനം
2008 ആഗസ്റ്റ്‌ മാസത്തിൽ ആരംഭിച്ചു. കേരടെക്കിന്‌ പ്രതിദിനം 15000
നാളികേരം സംസ്കരിച്ച്‌ 900 ലിറ്റർ വെർജിൻ വെളിച്ചെണ്ണയും 1200 കി.ഗ്രാം
കൊഴുപ്പ്‌ രഹിത തേങ്ങാപ്പൊടിയും നിർമ്മിക്കുന്നതിനുള്ള ശേഷിയാണുള്ളത്‌.
ചാവക്കാടിന്‌ അടുത്തുള്ള ഗ്രാമങ്ങളിൽ നിന്ന്‌ യൂണിറ്റിനാവശ്യമുള്ള
നാളികേരം സമൃദ്ധമായി ലഭിക്കുന്നു. കമ്പനിക്ക്‌ കടഛ 9001-2008
സർട്ടിഫിക്കേഷനും ലഭിച്ചിട്ടുണ്ട്‌. വെർജിൻ വെളിച്ചെണ്ണയുടെ സാങ്കേതിക
വിദ്യ നാളികേര വികസന ബോർഡ്‌ മുഖേന മൈസൂറിലെ സേൻട്രൽ ഫുഡ്‌ ടെക്നോളജിക്കൽ
റിസർച്ച്‌ ഇൻസ്റ്റിറ്റിയൂട്ടിൽ നിന്നാണ്‌ ലഭിച്ചതു. നാളികേര ബോർഡ്‌
ടെക്നോളജി മിഷന്‌ കീഴിൽ സാമ്പത്തിക സഹായവും നൽകി.
?വെർജിൻ പ്ലസ്‌?, ?എക്സ്ട്രാ വെർജിൻ കോക്കനട്ട്‌ ഓയിൽ? എന്ന ബ്രാൻഡിലാണ്‌
ഉൽപന്നം വിപണനം ചെയ്യുന്നത്‌. കേരളത്തിലെ എല്ലാ ജില്ലകളിലും മുംബൈ,
അഹമ്മദാബാദ്‌, ജയ്പൂർ, പൂണെ, നാസിക്ക്‌, കോയമ്പത്തൂർ എന്നീ
മഹാനഗരങ്ങളിലും വെർജിൻ പ്ലസ്‌ വിപണനം ചെയ്യുന്നുണ്ട്‌. ബ്രിട്ടൺ,
അമേരിക്ക, ഗൾഫ്‌ നാടുകൾ, സിംഗപ്പൂർ, ന്യൂസിലാൻഡ്‌ എന്നിവിടങ്ങളിലാണ്‌
വിദേശ വിപണിയുള്ളത്‌. വാർഷിക വിറ്റുവരവ്‌ 2011-12ൽ 70 ലക്ഷം
രൂപയായിരുന്നു.
ഉൽപന്ന വൈവിദ്ധ്യവത്ക്കരണത്തിലേക്ക്‌ കമ്പനി ഇപ്പോൾ തിരിഞ്ഞിട്ടുണ്ട്‌.
ഓർഗാനിക്‌ വെർജിൻ വെളിച്ചെണ്ണ, വെർജിൻ വെളിച്ചെണ്ണ, ഹെയർ ക്രീം, മസാജ്‌
ഓയിൽ, ബേബി ഓയിൽ, മൗത്ത്‌ റിഫ്രഷ്ണർ, വെർജിൻ ക്യാപ്സൂളുകൾ എന്നിവ കമ്പനി
നിർമ്മിക്കുന്നു. ഹെയർ ഓയിൽ, ഷാമ്പൂ, ലിപ്‌ ബാം, കോക്കനട്ട്‌ ജാം,
കോക്കനട്ട്‌ ഹണി എന്നീ ഉൽപന്നങ്ങൾ അണിയറയിലൊരുങ്ങുന്നു.
?മൂല്യവർദ്ധിത നാളികേരോൽപന്നങ്ങളായ തൂൾത്തേങ്ങ, കോക്കനട്ട്‌ ചോക്ലേറ്റ്‌,
ഹെയർ ഓയിൽ, സോപ്പ്‌, വിനാഗിരി, തേങ്ങാവെള്ളം സോഡ, ഇളനീർ പായ്ക്കേജിംഗ്‌,
ആക്ടിവേറ്റഡ്‌ കാർബൺ എന്നിവ നിർമ്മിക്കുന്ന യൂണിറ്റുകൾക്കുള്ള ഒരു മിനി
ഇൻഡസ്ട്രിയൽ എസ്റ്റേറ്റ്‌ തൃശൂർ ജില്ലയിലെ വാടാനപ്പള്ളിയിൽ
സ്ഥാപിക്കുകയാണ്‌ ഞങ്ങളുടെ ലക്ഷ്യം? അഡ്വ. മോഹനൻ  ദൃഢപ്രതിജ്ഞനായി
പറയുന്നു. നാളികേര വികസന ബോർഡിൽ നിന്ന്‌ ലഭിച്ച സാമ്പത്തിക സഹായവും
ധാർമ്മിക പൈന്തുണയും മോഹനൻ കൃതജ്ഞതയോടെ സ്മരിക്കുന്നു. ?ഉൽപന്നങ്ങൾ
ഡിഫൻസ്‌ കാന്റീനിലും റെയിൽവേയിലും വെയ്ക്കുന്നതിന്‌ ബോർഡിൽ നിന്നുള്ള
സഹായവും മാർഗദർശനവും സംരംഭകന്‌ വലിയൊരളവിൽ സഹായകരമാകും?, അദ്ദേഹം
പറയുന്നു.
വിലാസം: കേരടെക്‌ കോക്കനട്ട്‌ ഓയിൽ മാനുഫാക്ചറിംഗ്‌ കമ്പനി (പ്രൈവറ്റ്‌)
ലിമിറ്റഡ്‌, 1/332 ബി, എങ്ങണ്ടിയൂർ പി.ഒ., തൃശൂർ, 680615.
ഇമെയിൽ:info@keratechindia.com   വെബ്സൈറ്റ്‌:www.keratechindia.com

എം കെ ഹരികുമാർ ഓണപ്പതിപ്പ്‌ 2020

ഗസ്റ്റ് എഡിറ്റോറിയൽ ഇരവി       എം.കെ.ഹരികുമാറിൻ്റെ കവിതകൾ കാവ്യഭാരതം വിഷണ്ണരാവുന്നത് അവരവരുടെ വഴിയിൽ കൊറോണയുടെ മാന്ത്രിക യാഥാർത്ഥ്യം. എന്റെ ...