Skip to main content

നവരാഷ്ട്രീയം


എം.കെ.ജനാർദ്ദനൻ

അതിനീചം അരുംകൊലകൾ
അകത്താളിനുംപുറത്താളിനും
അവരെപ്പോഴും സുഹൃത്തുക്കൾ!
നിണ മൂറ്റിയതു ക്വട്ടേഷൻ കൊടുവാളുകൾ!
പറഞ്ഞപടി പണംചെന്നാൽ
ആരേയുമേതുനേരവുംതട്ടാം!
നേരുകെട്ട നേതാക്കൾതമ്മിൽ പിന്നെ
വാക്കുകൊണ്ടൊരുവാഗ്വാദക്കളി
അവരെകണ്ടുകാണികൾ ടിവിയുടെ
മുഖത്തുതുപ്പുന്നു!
രാഷ്ട്രീയത്തിൽ-വാക്കിന്റെവഴി-
യടഞ്ഞവരുടെ പ്രഹസന പെരും പൂരം!
അറ്റുവീണുമിഴിമലച്ചതലകണ്ടാലും
അകമിളകാത്ത കാട്ടാളരാഷ്ട്രീയം!
വിറളിയിൽ വിളറുമ്പോൾ
വായലച്ചെല്ലാവരേയും കുപ്പിയിലിറക്കി
കോർക്കിടയ്ക്കുന്നു
ജനം കഴുതയെന്നൂറിച്ചിരിച്ച്‌ ടിവിയുടെ
കോക്പിറ്റിൽ നിന്നറങ്ങുമ്പോൾ
അറിയുന്നില്ല വിഡ്ഢികൾ അവനവന്റെയപരാധങ്ങൾ
അവരോട്‌ പ്രകൃതീ പൊറുത്തോളണേ...
മക്കൾ തീപ്പെട്ടോരമ്മക്കും, കിടാങ്ങൾക്കും
ആത്മപാതിക്കും അകംകത്തുമഗ്നികുണ്ഡം!
അതിൻ ജ്വാലകളന്ത്യമില്ലാതല്ലോനീളുന്
നു...
ആയുസ്സൊടുങ്ങുംവരെ!
അറിവറ്റു പോയോരുടെ,
കഠാരി രാഷ്ട്രീയം എന്നു-
മീവിധമരങ്ങുവാഴുന്നു!
അകലെയേതോനാടുപൂകി
കൊലയാളികൾ സുരക്ഷിതർ!
അതിനുവഴിയൊരുക്കിയോർ
അകത്താളിലും പുറത്താളിലും
പെട്ടതലൈവർകൾ...
അരക്ഷിതംമുറുകുമ്പോൾ
പൊടിതൂളണം ജനക്കണ്ണിൽ
വായടക്കുന്നോരുടെവായമൂടണം
പ്രതിയെ പിടികൂടണം
ഉണിഞ്ഞുനോക്കിയോനൊന്നാംപ്രതി
വിരൽചൂണ്ടിയോൻരണ്ടാപ്രതി
അങ്ങിനെപ്രതികളമ്പതുംപിടിയിൽ
വിലങ്ങുകളുടെ 'ഫെസ്റ്റിവൽ'
രാജ്യമുള്ളകാലംവരെ പിടിയിൽ
പെടാത്ത പ്രതികളേറെ!
തട്ടിപ്പ്‌, വെട്ടിപ്പ്‌ പെൺചന്ത,
ബ്ലേഡ്മാഫിയ ഭൂമാഫിയ
മയക്കുമരുന്നു മാഫിയ
വിദ്യാ മാഫിയ മദ്യമാഫിയ
കള്ളപ്പണം, കള്ളനോട്ട്കരിഞ്ചന്ത
നീതിമാഫിയ-നിയമമാഫിയ
മാഫിയ തൻ മഹാരാജ്യം
മനുഷ്യകോലങ്ങളധികത്തിൽ
മനുഷ്യർ ചുരുക്കും
ജനതത്തൻ, രാഷ്ട്രീയത്തിൻതലയ്ക്കുള്ളിൽ
വംശനാശംവന്ന പദാവലികൾ
സത്യം ധർമ്മം, ദയ, നീതി, മനുഷ്യത്ത്വം
സാഹോദര്യം, സഹവർത്തിത്ത്വം
മതേതരത്ത്വം മനുഷ്യമൂല്യങ്ങൾ
ഇരുളിലൊറെ നക്ഷത്രംപോൽ
ഒറ്റപ്പെട്ടോരുനന്മകളുണ്ടെന്നതുഭാഗ്യം
നന്മകളും ഉണ്മകളും അവരെത്രെകാക്കുപോർ
ഒറ്റപ്പെട്ട പൂമരങ്ങൾ!
കത്തിനിൽക്കുന്ന സൂര്യന്മാർ
അവരുടെ പുണ്യങ്ങൾ തൻവായിൽ
മണ്ണുവീഴാതെയിനിയും ബാക്കി!
അവരുടെ
ശാന്തിയുടെ ചോരപാനം ചെയ്ത്‌
ചോരകൊണ്ടു ഗണിച്ച്‌ വാളുകൊണ്ടുഹരിച്ച്‌,
നിണയാറ്റിൻകരയിൽ, വോട്ടുയന്ത്രം,
പുതിയൊരു 'ഉരുവെ'പെറ്റിട്ടാൽ
ഏത്നീചർക്കും പുളിക്കുമോ?
എന്തും വിലക്കയറ്റം, എന്നെന്നും
ദേശീയപട്ടിണി ഭരണ 'ലൂട്ടിംഗ്‌'
നിരക്ഷത, തൊഴിൽ ശൂന്യത...
സ്വാതന്ത്രത്തിൻ 65-​‍ാം ദശകത്തിൽ
കെട്ടിത്തൂങ്ങി, വിഷംമോന്തി, കയത്തിൽചാടി
നമുക്കുമരണങ്ങൾ...ജീവന്റെ സ്വയംപര്യപ്തത്തകൾ

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…