ശീതൾ പി.കെ
വാത്സല്യത്താല്‍തേനൂട്ടാന്‍ വിധിക്കപ്പെട്ടോരാ
കൈകള്‍ ഇന്ന്‍ കൊതിക്കുന്നതോ,
കരവലയത്താലാ ജന്മംപിഴിതെറിഞീ ടുവാന്‍...........
കണ്ണകിതന്‍ ചിലപ്പതികാരത്തിന്‍ശാപമല്ലിത് ,
പൈതൃകംസ്മരിക്കാതെ ചെയ്തു കൂട്ടുന്നൊരാ
വേദനയോലും പാപജാതകത്തിന്‍
ശാപവാക്കുകളാണിവ..........
"അരുത് കാട്ടാളാ .....മാനിഷാദാ"!!!!!!!!!!!!!!
എന്നാരോ ചൊല്ലിയതൊരു
വട്ടമെങ്കിലും കേട്ടതില്ലേ നീയും?
ഹേ! പിതാവേ പട്ടിണി ആണെങ്കില്‍
നിനക്കുമാ മരണത്തിന്‍ വഴിയേ
ഒരു മാത്ര സഞ്ചരിച്ചുകൂടായിരുന്നോ?
ഹേ! മാതാവേ എങ്ങനെ നീയുമാ
കൊടും പാതകത്തിന് കൂട്ടുനിന്നിടുന്നു?
അമ്മയാണിന്നിതെങ്കിലും നീയുമൊരു
സ്ത്രീ തന്നെയല്ലേ?
വിരിയുന്നതിനു മുമ്പേ നിനക്കുമാ
ജീവന്‍ തുടിക്കുന്നൊരാ പെണ്‍പൂവിന്‍
മൊട്ടൊന്നടര്‍ത്തിക്കളഞ്ഞു കൂടായിരുന്നോ?
ജരിതയും മക്കളും ചൊല്ലി
പടിപ്പിച്ചോരീണം താരാട്ടായ്
മൂളിക്കൊടുക്കേണ്ട നീയിതെങ്കിലും
അഗ്നിദേവന്‍റെ മുന്നില്‍ മക്കള്‍ക്കായ്‌
കേണോരാ ജരിതതന്‍ സ്നേഹം
ഒരു മാത്ര നിനക്കൊന്നോര്‍ത്തു -കൂടായിരുന്നോ?
നൊന്തു പെറ്റിട്ടതു മാത്രമോ
നിന്‍റെ മുലപ്പാല്‍ കുടിച്ചല്ലേ
അവള്‍ പിച്ചവെച്ചതും വളര്‍ന്നതും
എന്നിട്ടുമാ ചെന്നായ്ക്കൂട്ടങ്ങള്‍ക്ക്അവളെ
കാഴ്ച്ചവെക്കാന്‍ മാത്രം നിനക്കിതെന്തു പറ്റി ?
നീയുമൊരു അമ്മയാണോ?
അറിയുമോ നിനക്ക് അമ്മതന്‍ വാക്കിനര്‍ത്ഥവും ?
വസന്തങ്ങള ല്ലാതെ ശിശിരങ്ങള്‍ തേടി
വരാന്‍ മാത്രമായ് ഇനിയെങ്കിലും
നീഒരു പെണ്‍പൂവിനും ജന്മംകൊടുക്കാതിരിക്കൂ .........
ഭാരത സ്ത്രീതന്‍ ഭാവ ശുദ്ധി പാടി
പഠിപ്പിക്കെണ്ട പിതാവേ ,
നീകൊടുത്ത ഹൃദയം തന്നെയല്ലെ
അവളില്‍ ഇന്നും തുടിക്കുന്നത് ?
തെരുവോരങ്ങളില്‍ വിലപേശി
വില്‍ക്കുവാനാണെങ്കില്‍ ഇനിയും
നീ ഈ പെണ്‍പൂവിനെ നട്ടുനനച്ചുവളര്‍ത്തിടല്ലേ ...................
"അരുത് കാട്ടാളാ ....മാനിഷാദാ"!!!!!!!!!!!!!!
