Skip to main content

എന്റെ ഗ്രാമം .

പവിത്രൻ കണ്ണപുരം


വിടപറയുന്ന ഓരോസന്ധ്യയും
ഭീതിയുടെ നിഴല്‍വിരിച്ചുകൊണ്ടാണ്
ഇന്നെന്റെ ഗ്രാമത്തിലൂടെ കടന്നുപോകുന്നത് !
കാവുകളിലെ അന്തിവിളക്കുകള്‍
കരിന്തിരി കത്തുന്നതും ,
പാതിരാത്രിയില്‍ പട്ടികള്‍ ഓലിയിടുന്നതും,
കന്നിമൂലയില്‍നിന്ന്
കാലന്‍കോഴികള്‍ കൂകുന്നതും,
പതിയിരിക്കുന്ന ദുരന്തത്തിന്റെ മുന്നറിയിപ്പായി -
ഗ്രാമവാസികള്‍ കരുതുന്നു !
നിശയുടെ നിശ്ശബ്ദതയില്‍
സഹയാത്രികരെ വെട്ടിനുറുക്കി ;
കടന്നുകളയുന്ന കാപാലികരെ 
നാട്ടുവെട്ടത്തില്‍  ജനംതിരിച്ചറിയുന്നു !
ഗ്രാമം ഉയര്‍ത്തിപ്പറപ്പിച്ച
രാഷ്ട്രീയക്കൊടി ക്കൂറകള്‍ -
ചുകപ്പും,വെള്ളയും,മഞ്ഞയും,പച്ചയുമെല്ലാം ;
കാലവര്‍ഷത്തില്‍ കുതിര്‍ന്ന്‌ -
പിന്നിത്തുടങ്ങിയിരിക്കുന്നു !
കാപാലികരുടെ നിശാസങ്കേതങ്ങളില്‍
ഈ വര്‍ണ്ണക്കൊടികള്‍ക്കെല്ലാം ,
ഒരേ നിറവും,ഒരേ വികാരവും,ഒരേ ലക്ഷ്യവുമാണെന്ന് -
ജനം വിളിച്ചുപറയുന്നു !
കൊലപാതകരാഷ്ട്രീയത്തെ
ഘോര ഘോരം അപലപിക്കുന്ന -
രാഷ്ട്രീയ നേതൃത്വങ്ങള്‍ക്കൊന്നിനെങ്കിലും 
അരുംകൊലകള്‍ ചെയ്യാത്തവരാണ് ,തങ്ങളെന്ന് -
ജനമധ്യത്തില്‍ വിളിച്ചുപറയുവാന്‍ കഴിയുമോ ?
ഇല്ല;
അവരുടെ യോരോരുത്തരുടെയും -
കൊടിക്കീഴില്‍ത്തന്നെയാണല്ലൊ
കാപാലികര്‍ താവളമടിച്ചിരിക്കുന്നത് !
വിമോചനത്തിന്റെ പ്രത്യയശാസ്ത്രവും ,
വിയര്‍പ്പൊഴുക്കുന്നവന്റെ ഇച്ഛാശക്തിയും
ചൂതാട്ടക്കാര്‍ എന്നേ -
പണയപ്പെടുത്തിക്കഴിഞ്ഞിരിക്കുന്നു !
കടംകൊണ്ടജീവിതത്തിന്റെ
ഗതിയറ്റ പ്രയാണത്തില്‍ ,
മനക്കരുത്തിന്റെ പ്രതിഷേധവുമായി 
വര്‍ണ്ണക്കൊടികള്‍ നിരാകരിക്കപ്പെടുമ്പോള്‍ ;
എവിടെനിന്നെപ്പോഴാണ്
നിലവിളിക ളുയരുന്നതെന്ന് ;
രാത്രിയുടെ അന്ത്യയാമത്തിലും
കണ്ണില്‍ പന്തംകൊളുത്തി
ഗ്രാമം കാതോര്‍ത്തിരിക്കുന്നു !
മനസ്സാക്ഷി പണയം വെക്കാത്തവര്‍ -
കാത്തുസൂക്ഷിക്കുന്ന മാനവീയതയില്‍നിന്നും ,
ജീവകാരുണ്യ ത്തിന്റെ ദീപശിഖയുമായി
നാളത്തെ പ്രഭാതം
പൊട്ടിവിടരു മെന്നുതന്നെ -
ഗ്രാമം വിശ്വസിക്കുന്നു !

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…