Skip to main content

നാളികേരത്തിന്റെ നാടോടിപ്പഴമ



പായിപ്ര രാധാകൃഷ്ണൻ
നാട്ടറിവുകളുടെ നിലവറയിൽ കേരവിജ്ഞാനം സമ്പന്നമാണ്‌. നാടൻപാട്ടുകൾ,
കടങ്കഥകൾ, പഴമൊഴികൾ, പുരാവൃത്തങ്ങൾ, ഐതിഹ്യങ്ങൾ, നാട്ടുഭക്ഷണം
എന്നിവയിലെല്ലാം നാളികേര സമൃദ്ധിയുണ്ട്‌. 'ചൊട്ട മുതൽ ചുടല വരെ' എന്ന
ചൊല്ലുതന്നെ മനുഷ്യജീവിതത്തിൽ കേരസംസ്കൃതിക്കുള്ള പ്രാമുഖ്യം
വിളിച്ചറിയിക്കുന്നതാണ്‌.പിറന്
നയുടനെ ശിശുവിന്റെ ആദ്യസ്നാനം 'ചെന്തെങ്ങിൻ
പാതിയിളനീർ' കൊണ്ടായിരുന്നു. കേരള ബ്രാഹ്മണരുടെ ജാതകർമ്മത്തിന്‌
'വിളക്ക്‌ വെച്ച്‌ കാണൽ' എന്നൊരു ചടങ്ങുണ്ട്‌. പത്ത്‌ പച്ചത്തേങ്ങ
കൂട്ടിവെച്ച്‌ അതിന്മേലിരുന്ന്‌ പിതാവ്‌ നവജാതശിശുവിനെക്കാണുന്ന
ചടങ്ങാണിത്‌.
മരിച്ച ആളെ ദർഭ വിരിച്ച്‌ കിടത്തി. തേങ്ങയുടച്ച്‌ അതിൽ തിരി കത്തിച്ച്‌
തലയയ്ക്കലും കാൽക്കലും വയ്ക്കാറുണ്ട്‌. സംസ്ക്കാരത്തിനും സഞ്ചയനത്തിനും
ശേഷം അവിടെ തെങ്ങിൻ തൈ നടുന്ന പതിവുണ്ട്‌.
കോട്ട, മരക്കലം, ആഭരണങ്ങൾ, ആയുധം എന്നിവ പണിതാൽ അവയുടെ അശുദ്ധി
നീക്കുന്നത്‌ ഇളനീരുകൊണ്ട്‌ കലശമാടിയാണ്‌.
"ചെന്തെങ്ങിന്റോരു കുലയിളനീര്‌ കൊണ്ടുവന്നാരേ
ചെത്തിയുരിച്ച്‌ കൊത്തിയുടച്ച്‌ കലശമാടുന്നാരേ...." (മരക്കലപ്പാട്ട്‌)
പുത്തൻനെൽക്കതിർ ഗൃഹത്തിൽ ആദ്യമായി കയറ്റുമ്പോൾ (നിറയ്ക്ക്‌) ഇളനീർ
കലശമാടാറുണ്ട്‌. രണ്ടു പച്ചത്തേങ്ങ കൂട്ടിക്കെട്ടിയ ഏരത്തേങ്ങ പല
മംഗളകർമ്മങ്ങൾക്കും വയ്ക്കുന്ന പതിവുണ്ട്‌. ഏരത്തേങ്ങയും നിറകുടവും
വെച്ചാണ്‌ ഉത്തരകേരളത്തിൽ സ്ത്രീകൾ കാമപൂജ നടത്തുന്നത്‌.  വിവാഹം
കഴിഞ്ഞുവരുന്ന വധുവിന്‌ ബന്ധുഗൃഹത്തിൽ നിന്നും തേങ്ങയും പണവും കൊടുക്കണം.
വിഷുവിന്‌ കണികാണാൻ ചക്ക, മാങ്ങ എന്നിവയോടൊപ്പം ഏരത്തേങ്ങയും
വയ്ക്കാറുണ്ട്‌.
ദേവതാപ്രീണനാർത്ഥം നടത്താറുള്ള താലപ്പൊലിയിൽ നാളികേരത്തിന്‌
മുഖ്യസ്ഥാനമാണുള്ളത്‌. ഹോമപൂജാദികളിൽ പത്മമിട്ട്‌ ദേവതാസങ്കൽപം
നടത്തുമ്പോൾ നാളികേരം വച്ചാണ്‌ ആരാധന നടത്തുന്നത്‌.
ഉത്സവാഘോഷങ്ങൾക്ക്‌ പന്തൽ അലങ്കരണത്തിൽ കുരുത്തോലയും പൂക്കുലയും
അവിഭാജ്യഘടകങ്ങളാണ്‌. തേങ്ങയുടെ ആകൃതിയിൽ ചേടിക്കളം വരയ്ക്കുന്ന
പതിവുമുണ്ട്‌. ചിരട്ടയിൽ നിന്നും ഇളകിയ തേങ്ങ പൂളിയെടുക്കാതെ
പ്രത്യേകരീതിയിൽ ഇളക്കിയെടുത്ത്‌ മാലപോലെ തൂക്കിയിടുന്ന പതിവ്‌ കളിയാട്ട
മഹോത്സവങ്ങളിലും മറ്റും ഉണ്ട്‌.
പുത്തരിയുണ്ട, പൂരക്കഞ്ഞി, പൂരയട, ഗണപതിഹോമം എന്നിവയ്ക്ക്‌ നാളികേരം
അത്യാവശ്യഘടകമാണ്‌. ഭഗവതിക്ഷേത്രങ്ങളിലെ പൊങ്ങൂറടി, സർപ്പബലിക്കുള്ള
നൂറും പാലും തുടങ്ങിയവയ്ക്ക്‌ ഇളനീർ അത്യാവശ്യമാണ്‌.
മന്ത്രവാദകർമ്മങ്ങളായ നാളികേര സ്തംഭനം, ശകുനം, നിമിത്തം, ഫലനിർണ്ണയം
തുടങ്ങിയവയിലും നാളികേരം ഉപയോഗിക്കാറുണ്ട്‌.
അടുക്കളയിലെ കഞ്ഞിക്കയിൽ മുതൽ ആഭരണച്ചെപ്പ്‌ വരെയുള്ള നിരവധി
ഗൃഹോപകരണങ്ങളുടേയും കൗതുക വസ്തുക്കളുടേയും നിർമ്മാണത്തിന്‌ ചിരട്ട
ഉപകരിക്കുന്നുണ്ട്‌. ഭസ്മക്കുടുക്കയായും
പൂഴിക്കുടുക്കയായുംഎണ്ണക്കുടുക്കയായും ചിരട്ട ഉപയോഗിച്ച്‌ പോന്നിരുന്നു.
അമരകോശത്തിലും മറ്റും നാളികേരത്തെ ഔഷധവർഗ്ഗത്തിലാണ്‌
പെടുത്തിയിട്ടുള്ളത്‌. ഇളനീർ, ചിരട്ട, ഈർക്കിൽ, തെങ്ങിൻവേര്‌
എന്നിവയൊക്കെ ഔഷധങ്ങളാണ്‌. 'മുലപ്പാലില്ലെങ്കിൽ കുലപ്പാൽ' എന്നാണല്ലോ
ചൊല്ല്‌!
ഗണപതിയുടെ കൈയ്യിൽ നിന്നും തേങ്ങ വീണുപൊട്ടി ഒരു മുറി ഭൂമിയും മറുമുറി
ആകാശവുമായെന്നൊരു പുരാവൃത്തവും നാടോടിഗാനങ്ങളിലുണ്ട്‌.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…