ഉസ്താദ്‌ ഹോട്ടല്‍

ബിജോയ് കൈലാസ്


സിനിമയുടെ സാങ്കേതികമോ ശാസ്ത്രീയമോ ആയ ഒരു അവലോകനം നടത്താന്‍ ഞാന്‍ പ്രാപ്തനല്ല.എന്റെ അഭിപ്രായങ്ങള്‍ക്ക് യാതൊരു വിലയും ഇല്ല എന്നും അറിയാം.എന്നാലും വളരെക്കാലം കൂടി ഒരിക്കല്‍ കണ്ടതിനു ശേഷം വീണ്ടും കാണണമെന്ന് തോന്നിപ്പിക്കുന്ന ഒരു സിനിമ കണ്ടപ്പോള്‍ മലയാള സിനിമ മരിച്ചിട്ടില്ല എന്നും ഇവിടെ യാതൊരു പ്രതിസന്ധിയും നല്ല സിനിമക്കില്ല എന്നും ലോകത്തോട് വിളിച്ച്ചു പറയണമെന്നു തോന്നി.
ഉസ്താദ് ഹോട്ടല്‍ നല്‍കുന്ന കാഴ്ചയുടെ അനുഭവം വളരെ ആസ്വാദ്യകരമാണ്. ഇപ്പോഴും നിറഞ്ഞു കവിയുന്ന തീയേറ്ററുകള്‍ സാക്ഷ്യപ്പെടുത്തുന്നത് നല്ല സിനിമയുടെ ശാന്തവും ഉജ്വലവുമായ വിജയത്തെയാണ്.
ഈ വിജയത്തിന്റെ ചേരുവകള്‍ വലിയ പേരുകളോ താരമഹിമകളോ ഒന്നുമല്ല.
ഈ വിജയത്തിന്റെ അടിസ്ഥാനം താഴെ പറയുന്നവയാണ്.
  1. അതിശക്തവും സമ്പൂര്‍ണ്ണവും കാമ്പുള്ളതും പ്രതിഭാധനവുമായ ഒരു നല്ല തിരക്കഥ.
  2. ഓരോ ഫ്രെയിമിലും പ്രത്യേകിച്ചും ക്ലൈമാക്‌സില്‍ പോലും ഡയലോഗുകള്‍ ഇല്ലാതെ വിഷ്വലുകള്‍ ഒരുപാട് കഥകള്‍ പറയുന്ന സംവിധാന മഹിമ.
  3. അനുയോജ്യരായ നടീ നടന്മാര്‍.
  4. അതിഭാവുകത്വമോ വീഴ്ചകളോ ഇല്ലാതെ അച്ചടക്കത്തോടെ കഥാപാത്രങ്ങളെ അവതരിപ്പിച്ച അഭിനേതാക്കള്‍.
  5. വൃത്തികേടുകളോ അശ്ലീലമോ ഇല്ലാത്തതും നല്ല നിലവാരം പുലര്‍ത്തുന്നതുമായ നര്‍മ്മം.
അങ്ങനെ ഉസ്താദ് ഹോട്ടല്‍ ശ്രേഷ്ഠമായ രുചിഭേദങ്ങള്‍ കൊണ്ട് വ്യത്യസ്തമായ ഒരു അനുഭവം ആയി മാറുകയാണ്.
സിനിമയിലെ ഒരു ഡയലോഗ് കടമെടുത്തുകൊണ്ട് പറഞ്ഞാല്‍ ..കാണുന്നവരുടെ കണ്ണും കാതും മാത്രമല്ല മനസ്സും നിറയുന്ന സംതൃപ്തിയാണ് ഉസ്താദ് ഹോട്ടല്‍ പകര്‍ന്നു നല്‍കുന്നത്.
ധൈര്യത്തോടെ കുടുംബസമേതം കാണാവുന്ന ഒരു നല്ല സിനിമ ഇതാ എന്ന് പറഞ്ഞ് ഉസ്താദ് ഹോട്ടലിനെ ചൂണ്ടിക്കാണിക്കാം.
ന്യൂ ജെനറേഷന്‍ സിനിമ എന്ന് മുദ്ര കുത്താതെ മലയാളത്തിലെ നല്ല സിനിമകളില്‍ ഒന്നിതാ എന്ന് ലോകത്തോട് വിളിച്ചു പറയാനുള്ള ധൈര്യം എനിക്കുണ്ടായത് ഈ സിനിമ പകര്‍ന്നു നല്‍കിയ പോസിറ്റിവ് എനര്‍ജി ഒന്നുകൊണ്ട് മാത്രമാണ്.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ജൈവവളം മാത്രം പോരേ?

സ്ത്രീസ്വത്വാന്വേഷണം മലയാളസാഹിത്യത്തിൽ