പകരുവാന്‍വയ്യെ,നിക്കുള്ളിലാവേ
പരിചൊടു ശാസ്ത്രമേ നീ തന്ന ദര്‍ശനം !
കോടി ഗോളങ്ങളില്‍ ഓടി നടക്കുവാന്‍
മാടി വിളിക്കുന്ന സത്യസങ്കീര്‍ത്തനം !
വിശ്വപദാര്‍ത്ഥ വിസ്ഫോടങ്ങള്‍ക്കുമേല്‍
വിസ്മയമായഹോ !നിന്റെ പ്രഖ്യാപനം !!
ശാസ്ത്രമേ!..ശാസ്ത്രമേ ,സത്യ സോപാനമേ
മാറ്റൊലി കൊള്ളട്ടെ നിന്റെ ജയാരവം !
കളിമണ്‍ കഥകള്‍ ഉടച്ചു വാര്തീടുവാന്‍ ..
കയ്യില്‍ , കണങ്ങളാല മ്മാനമാടുവാന്‍ ..
ചക്രവാളത്തിന്മതില്ക്കെട്ടിലി
കെല്‍പ്പുതരുന്നു നിന്‍ ചെപ്പടി വിദ്യകള്‍ !!
അണ്ഡകടാഹങ്ങളുണ്ടായിവരാനിട-
യുണ്ടായ ഗൂഡമാം രാസമാറ്റങ്ങളില്‍
മേഘങ്ങളില്‍ നിറക്കൂട്ടുകളാലിനി -
ഞാന്‍ വരച്ചീടട്ടെ പോയ നൂറ്റാണ്ടുകള്‍ !!
(കവിത / രജീഷ് പാലവിള )
