നിദര്ശ് രാജ്
എനിക്കൊരു പേന തരൂ.
എന്റെ കവിതയാല്
ഞാന് നിന്നെ കതിരു ചൂടിക്കാം.
മുടിഞ്ഞ നീതി പീഠമേ,
എനിക്കൊരു വാള് തരൂ.
നിങ്ങള് വെറുതെ വിട്ട അപരാധികളെ
ഞാന് നിങ്ങളുടെ കണ്മുന്നില് വച്ച്
വധിച്ചു തരാം.
കണ്ണ് മഞ്ഞളിച്ച അധികാരികളേ,
എനിക്കൊരു ബാലറ്റുപേപ്പര് തരൂ.
നിങ്ങളുടെ ഗര്വ്വിനെ
എങ്ങനെ അട്ടിമറിക്കാമെന്ന്
ഞാന് കാണിച്ചുതരാം
പണക്കൊതിയനായ ഗാന്ധിയാ,
എനിക്കൊരു തോക്ക് തരൂ.
എങ്ങനെയാണ് നീതിമാന്മാരായ
ഗോഡ്സെകള് സൃഷ്ടിക്കപ്പെടുന്നതെന്ന്
കാണിച്ചു തരാം