Skip to main content

എന്റെ ഹിമാലയ യാത്രാനുഭവങ്ങൾ/10


പ്രഫുല്ലൻ  തൃപ്പൂണിത്തുറ


ശ്രീബുദ്ധഗയ

ത്രിവേണിസംഗമസ്നാനത്തിനുശേഷം ചരിത്രപ്രധാനമായ അലഹബാദ്‌ നഗരത്തിലൂടെ കാഴ്ചകണ്ടു നടന്നു. പ്രധാനമന്ത്രിയായിരുന്ന പണ്ഡിറ്റ്‌ ജവഹർലാൽ നെഹ്‌റു ജനിച്ചു വളർന്ന "ആനന്ദഭവനവും' കണ്ടു. അതിന്റെ പ്രധാനകവാടത്തിൽ 'മോട്ടിലാൽ നെഹ്‌റു' എന്ന്‌ എഴുതിവെച്ച പഴയ ശിലാഫലകവും കണ്ടു. ഈ ഭവനത്തിൽത്തന്നെയാണ്‌ ഇന്ദിരാഗാന്ധിയും ജനിച്ചു വളർന്നത്‌. ഇന്നു ഈ ബംഗ്ലാവ്‌ ചരിത്രമ്യൂസിയവും പ്ലാനറ്റേറിയവുമായി സൂക്ഷിച്ചു പോരുന്നു. ഈ ബംഗ്ലാവിനുമുമ്പിലെ രാജവീഥിയിലും പ്ലാസ്റ്റിക്‌ കവറിൽ ചൂടുള്ള ചായ കൊണ്ടുവന്നു പ്ലാസ്റ്റിക്‌ കപ്പുകളിൽ പകർന്നു നൽകുന്ന വഴിയോരക്കച്ചവടക്കാരെ കണ്ടു. ഇവിടെയും തിങ്ങിനിറഞ്ഞ ലൈൻ ബസ്സുകൾക്കു മുകളിൽ കയറിയിരുന്നു നട്ടുച്ചയ്ക്കുപോലും യാത്ര ചെയ്യുന്ന നിരവധി ഗ്രാമീണരെ കണ്ടു.
    ഭാരതചരിത്രം ഉറങ്ങുന്ന ആ നഗരപ്രാന്തങ്ങളിലൂടെ പൊരിവെയിലിൽ നടന്നുനീങ്ങിയപ്പോൾപോലും വേണ്ടത്ര ചൂട്‌ അനുഭവപ്പെട്ടില്ല. മനസ്സുനിറയെ ചരിത്രത്തിന്റെ നിറക്കൂട്ടുകളുടെ ഹരിതാഭ പുനർജ്ജനിച്ചുതു കൊണ്ടാവണം.
    പിന്നീട്‌ ഞങ്ങളെത്തിച്ചേർന്നത്‌ ബീഹാറിലെ ഗയയിലെ വിഷ്ണുക്ഷേത്രത്തിലായിരുന്നു. പ്രസിദ്ധമായ ഗയാക്ഷേത്രം ഗംഗാനദിയുടെ പോഷകനദിയായ 'ഫൽഗുനനദിയുടെ പടിഞ്ഞാറെകരയിലാണ്‌. പുഴക്കരയിലായതുകൊണ്ടാവാണം ഈക്ഷേത്രത്തെ ഗയാതീർത്ഥം എന്നും പറയുന്നു. ഇവിടെ പിതൃക്രിയ ചെയ്യാനെത്തുന്നവരുടെ മാതാപിതാക്കളും പരമ്പരാഗത പിതൃസമൂഹവും സംതൃപ്തമാകുമെന്നാണു വിശ്വാസം. ഇവിടത്തെ പിണ്ഡദാനം നരകയാതന അനുഭവിയ്ക്കുന്ന പിതൃക്കൾക്കു തത്സമയ മുക്തിയേകുമെന്നും വിശ്വാസമുണ്ട്‌. ഇവിടെ സ്നാനഘട്ടത്തിനടുത്തും ശങ്കരാചാര്യരുടെ മഠമുണ്ട്‌. അപൂർവ്വമായ ത്രിമൂർത്തികൾ ഒന്നിച്ചുള്ള പ്രതിഷ്ഠയുമുണ്ട്‌.
    പാറ്റ്നയിൽ നിന്നും 60 കി.മീ ദൂരെയുള്ള ഒരു ചെറുനഗരമാണ്‌ 'ബുദ്ധഗയ' ഒരു ചെറിയ കുന്നിൻ മുകളിലാണ്‌ ഇതു സ്ഥിതിചെയ്യുന്നത്‌. കപിലവസ്തുവിലെ സിദ്ധാർത്ഥ രാജകുമാരൻ ജീവിതസത്യം അറിയുന്നതിനുവേണ്ടി, സാമ്രാജ്യവും കൊട്ടാരവും കുടുംബവുമൊക്കെ ഉപേക്ഷിച്ച്‌ ഒരുഭിക്ഷുവായി തപസ്സുചെയ്ത സ്ഥലമാണു 'ഗയ' തപസ്സനുഷ്ഠിച്ച സ്ഥലത്തിന്റെ പേര്‌ പണ്ട്‌ 'ഉരുവേലം' എന്നായിരുന്നുവത്രെ! ഇവിടെയുണ്ടായിരുന്ന പഴയബോധി വൃക്ഷം 1870ൽ നശിച്ചുപോയത്രെ! അതിന്റെ സ്ഥാനത്ത്‌ ഇപ്പോൾ ഒരു ആൽമരമുണ്ട്‌. അതു തറകെട്ടി കമ്പിവേലി കെട്ടിപവിത്രമായി സൂക്ഷിച്ചു പോരുന്നു. ഈ മരം ആറ്‌ തലമുറകൾ പിന്നിട്ട ഒരു വൃക്ഷമാണെന്നാണു പറയുന്നത്‌. ഗൗതമബുദ്ധന്റെ ജ്ഞാനോദയശേഷം ധ്യാനനിരതനായി കഴിഞ്ഞിരുന്ന ഒരു തറയും ഇവിടെ കാണാം. ഒരു ചുവന്ന കല്ലിന്റെ പാളിയായ ഇതിനെ 'വജ്രാസനം' എന്നു പറയുന്നു. താഴെയുള്ള മഹാബോധിക്ഷേത്രം സ്ഥാപിച്ചതും ബോധിവൃക്ഷത്തിനു തറകെട്ടിയതും മതിൽകെട്ടിസൂക്ഷച്ചതും അശോക ചക്രവർത്തിയാണ്‌.
    ഉത്തരേന്ത്യയിലെ മറ്റു ദേവാലയങ്ങളെ അപേക്ഷിച്ച്‌ വളരെ വൃത്തിയായി ഈ ക്ഷേത്രാങ്കണം പരിപാലിച്ചു പോരുന്നു. കണ്ണാടിപോലെ തോന്നിയ്ക്കുന്ന മാർബിളാണു തറയിലും ദേവാലയത്തിലുമൊക്കെ പതിപ്പിച്ചിട്ടുള്ളത്‌. അവിടെമെല്ലാം വളരെ പവിത്രമായി സൂക്ഷിയ്ക്കുന്നുമുണ്ട്‌. തായ്‌വാൻ, ജപ്പാൻ, ചൈന, ഭൂട്ടാൻ, നേപ്പാൾ തുടങ്ങിയ രാജ്യങ്ങളിൽ നിന്നുമുള്ള വിദേശ ടൂറിസ്റ്റുകളെ അവിടെ കണ്ടു. ശ്രീബുദ്ധ ദേവാലയത്തിന്റെ ഭരണത്തിലും, കാവലിൽപ്പോലും വിദേശികൾ ഉൾപ്പെടുന്നു.
    ഏതായാലും സിദ്ധാർത്ഥ മഹാരാജാവ്‌ ശ്രീബുദ്ധനായി മാറിയ ചരിത്രനഗരം കണ്ടാസ്വദിയ്ക്കുവാൻ ഈ ഹിമാലയയാത്ര എനിക്കു ഭാഗ്യം തന്നതിൽ അതീവ ചാരിതാർത്ഥ്യമുണ്ടെനിയ്ക്ക്‌. ഇന്നത്തെ സംഘർഷഭരിതമായ അന്തരീക്ഷത്തിൽ ത്യാഗത്തിന്റെയും അഹിംസയുടേയും പ്രസക്തി അനുദിനം ഏറിവരികയാണല്ലോ!

തുടരും...

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…