Skip to main content

ദേവരച്ചികള്‍


 റോയി കെ ഗോപാൽ 
 ജീവനില്ലാത്തോരാ ദൈവസവിധത്തില്‍
കന്യകാത്വമുറയ്ക്കും മുന്‍പേ
ദേവനുപസ്ത്രീപട്ടമേറ്റു
തുലഞ്ഞാടുന്ന കദനജന്മങ്ങള്‍

ദേവനുമാടണം,പിന്നെ പുരോഹിതര്‍ക്ക-
ഭിമതമില്ലാതഭിഭൂതരായടിയില്‍ കിടക്കണം
സങ്കല്‍പ്പദേവന്‍റെപ്രതിപുരുഷപീഢനത്താല്‍
കത്തലടക്കിക്കരയാതിരിക്കണം ...
കരിമ്പടംപുതച്ചുറങ്ങാതെ
ദേവനെ നോക്കിക്കണ്ണീര്‍വാര്‍ക്കണം
ദേവതാഗൃഹത്തില്‍ ദേവന്‍റെ ദാസിയായ്‌
നടനകലയുടെ ചുവടു വെക്കണം...

മുലകള്‍ മൂടാത്ത ദേവിക്ക് പൂജ
ദേവദാസികള്‍ക്കുപസ്ഥംതുറക്കല്‍
കൊത്തിവെച്ചദേവലിംഗം
ഒന്നുമറിയാതുറക്കത്തില്‍

പതുങ്ങുന്ന നൂല്‍ധാരികളുടെ
സ്ഖലനവൃഷ്ടിയില്‍
വേഷപ്പകര്‍ച്ചയുടെ
പടുതീ പകര്‍ക്കല്‍ .

ഇരുള്‍ക്കാലങ്ങളിലെ
വെടിപ്പുരകളില്‍
മാംസംപകുത്തിന്നുകളുടെ
നൃത്തചടുലതയില്‍
പുതിയ ദേവരച്ചികള്‍ ,
ദൈവഭാര്യയല്ലാത്തവര്‍ .

അവര്‍ വയര്‍ത്തോട്ടിലെ
വിശപ്പൊലികള്‍ വേണ്ടാത്തവര്‍,
അരമെണപ്പില്‍ തുട്ടുതേടുന്നവര്‍ ,
ദയിതനറിയാതെ ജാരനെ കാത്തവര്‍ ,
ദിക്കുകള്‍തോറും പാറിപ്പറന്നവര്‍
മെഴുമീന്‍പോലെ പിടച്ചുനീന്തുന്നവര്‍,
പിടിക്കപ്പെടുമ്പോള്‍
പ്രശസ്തിയാര്‍ജ്ജിക്കുന്നവര്‍. .,.
തിട്ടൂരംവേണ്ടാത്ത തേവിടിച്ചികള്‍..,.
രാവുകൊഴിയാതിരിക്കുവാന്‍
തുണിപൊക്കിയലച്ചുകൊണ്ട്
ദേശാടനത്തിന്‍റെയാകാശപഥം നോക്കി
ആണില്‍നിന്നുമാണിലേക്ക് പറന്നടുക്കുന്നവര്‍.,

അധരവ്യായാമത്തിന്നുമിനീരൊലിപ്പിച്ചു-
ടല്‍പ്പെരുക്കങ്ങളാം കാമതൃഷ്ണയി-
ലീച്ചയാര്‍ക്കുന്നതറിയാതെ,
ആണറിയുന്നവിസ്ഫോടനങ്ങളില്‍
വെറുംശവമായി പുഴുത്തതറിയാതെ...
ചിലപ്പുകളില്‍ ചീഞ്ഞതറിയാതെ...
തുടര്‍യാത്രയുടെ പെരുവഴിയില്‍
വിറഞ്ഞു വെറിവീണു....
സ്വയം തീര്‍ത്ത കുഴിയിലേക്ക്...

ദേവസേവികയുടെ പഴയവേദിയില്‍ നിന്ന്
നാളെകളുടെ ചുവന്നസഞ്ചാരമാര്‍ഗം തേടി
വലംകൈയിലെ എലിയുടെ പുറത്തമര്‍ത്തി
മുന്നില്‍ത്തെളിയുന്ന ചെറുപെട്ടികളില്‍
ഇരയെ കോര്‍ത്തോന്തു പോല്‍നിറംപേറുന്നു...
കാലയാത്രയുടെമേളപ്പെരുക്കങ്ങളില്‍
കൊടിമരങ്ങള്‍ പൂജിച്ച്,
ചാകാച്ചാവിന്‍റെ ചൂരുമണത്ത്
പുത്തന്‍ ദേവരച്ചികള്‍ കോലമാടുന്നു....

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…