27 Apr 2013

കുരുതി

വിത്സണ്‍ ആന്റണി 

മധുരം വിളമ്പിയ കൈ
കാഞ്ചിയിലമാർന്നത്‌
കണ്ടതേയില്ല
നാവിലെ മധുരം മായും മുമ്പേ
ഉമിനീര് തൊണ്ടയിൽ തടഞ്ഞു
രക്ഷകന് ദൈവം രക്ഷയായപ്പോൾ
അധികാരത്തിന്റെ വാൾമുനയിൽ
കുരുതിയായത്കുരുന്നുകൾ
ഉന്മൂലനത്തിന്റെ വെടിയുണ്ടകൾ
വിപ്ലവത്തിന്റെ കുരുതികളം
പതിമൂന്നുകാരൻ കിരീടാവകാശി
വർഗവഞ്ചകൻബാല ബൂർഷാസി
വംശവെറിയുടെ വിഷകാറ്റിൽ
കരിഞ്ഞുപോയ ഒരു മില്ല്യൻപൂമൊട്ടുകൾ
കണ്ണീരു കൊണ്ടെഴുതിയ ഡയറികുറിപ്പുകൾ
അഞ്ജതയുടെ താഴ്‌വരയിൽ
ചോരമണക്കുന്ന വീഥിയിൽ
പുസ്തക സഞ്ചിയേന്തിയപെണ്‍കുട്ടി
വന്മരം വീണപ്പോൾ
ചതഞ്ഞരഞ്ഞ ചെറുനാമ്പുകൾ
ഗോദ്രയിൽ പടർന്നതീയിൽ
വെന്തെരിഞ്ഞ കൊച്ചു സ്വപ്‌നങ്ങൾ
ഈ ഭൂപടം വരച്ചത്
ചോരയിൽ മുക്കിയല്ലേ
വിഭജന രേഖകൾക് നിറം മങ്ങുമ്പോൾ
വീണ്ടും കുരുതി

എം കെ ഹരികുമാർ ഓണപ്പതിപ്പ്‌ 2020

ഗസ്റ്റ് എഡിറ്റോറിയൽ ഇരവി       എം.കെ.ഹരികുമാറിൻ്റെ കവിതകൾ കാവ്യഭാരതം വിഷണ്ണരാവുന്നത് അവരവരുടെ വഴിയിൽ കൊറോണയുടെ മാന്ത്രിക യാഥാർത്ഥ്യം. എന്റെ ...