ചരക്കു ട്രെയിനിനു തലവച്ചു നദി കിടക്കുന്നു.
ദൃക്സാക്ഷി വാക, ഉച്ചിയില്‍ രക്തം പൊടിക്കുന്നു.
വെട്ടിക്കളഞ്ഞ പാരിജാത- പ്പൂമണം നട്ടപ്പാതിരായ്-
ക്കീ കാറിന്‍റെ മുന്നില്‍ ചാടു- ന്നെത്ര വീട്ടുമുറ്റങ്ങള്‍
ചരല്‍വാക്കുമായെത്തുന്നു.
റോട്ടിലിറങ്ങി നി-
ന്നിളം പാലപ്പൂ ചുണ്ണാമ്പു ചോദിക്കുവോള്‍ .
കാറിലെനിക്കൊപ്പം മൂര്‍ദ്ധാവിലാണിയാഴ്ന്ന നീലി.
രാത്രിയുടെ ഇറയ്ക്കാത്ത കിണര്‍കണ്ണിലീറന്‍ കിട്ടാ-
താഞ്ഞു കൊത്താന്‍ തിറവച്ച് രക്തമണ്ഡലി!
മുണ്ടു മടക്കിക്കുത്തിയ ടിപ്പറി- നടിപ്പെട്ട കാറുപോലെ ഗ്രാമം,
ഒരുപ്പോക്കു പോയ ശ്രീകരത്തി- ന്നോര്‍മ്മയിലൂര്‍ദ്ധ്വന്‍ വലിക്കുന്നു.
സ്വപ്നത്തില്‍ അമരമിളക്കും ചുണ്ടനും
ആറന്‍മുളക്കണ്ണാടിത്തണ്ണീര്‍ തടവും ശീവേലിക്കച്ചയുടുത്തുകൊണ്ടിരുന്
അവസാനയാമത്തില്‍ യാത്ര വഴിയുടെ മുനമ്പില്‍ തീരുന്നു,
"വഴിയിവിടെ തീരുന്നു..."
വീട്ടില്‍ വിളക്ക് തെളിയുന്നു..
