സൂര്യൻ

ഡോ കെ ജി ബാലകൃഷ്ണൻ 

========================= 

1 

കവിത എഴുതിയാൽ 

പടിവാതിൽ തുറക്കുമെന്ന 

പടുമോഹം 

എന്തിനെന്ന് നീ.

പക്ഷെ,സുഹൃത്തെ,

എനിക്ക് 

കവിത 

എഴുതാതിരിക്കാനാവില്ല;

കാരണം,

കവിത കൂരമ്പാണ്.

 അമ്പ് കൊള്ളുവാൻ 

അർഹരല്ലാത്തവർ 

കുരുക്കളിലില്ല;

അന്നും,

ഇന്നും.

-എയ്യാൻ 

അർഹൻ 

കവിമാത്രം.

2.

ഋഷിക്ക്

മാനിഷാദ 

ഉച്ചരിക്കാതിരിക്കാനാവില്ല.

3.

നോക്കു!

സൂര്യൻ കിരണശരമെയ്തു-

കൊണ്ടെ 

ഇരിക്കുന്നത്.

4.

അവനാണ് കവി;

സവ്യസാചി.

കാർമേഘത്തിന്,

അവനെ മറയ്ക്കാനാവുന്നത് 

അൽപനേരം മാത്രം;

ഒന്നുകിൽ കാറ്റ് കൊണ്ടുപോകും;

അല്ലെങ്കിൽ 

പെയ്തൊഴിയും.

5.

ഇരുൾ പരന്ന് കൊള്ളട്ടെ;

പുലരി വരികതന്നെ ചെയ്യും.

6.

സുഹൃത്തേ,

എനിക്ക് 

കവിത 

എഴുതാതിരിക്കാനാവില്ല.

========================== 

mob 9447320801