Skip to main content

വീണാലെന്താ ദർശനസുഖം കിട്ടിയല്ലോ

അച്ചാമ്മ തോമസ്‌ പൈനാൽ
കോടതിമുറ്റത്തേയ്ക്ക്‌ പോലീസ്ജീപ്പ്‌ ഇരച്ചെത്തി നിന്നു കിതച്ചു. കൊളസ്ട്രോളിന്റെ അളവുകൂടിപ്പോയ പ്രഷർകാരനെ പോലുള്ള കിതപ്പ്‌. ഇങ്ങനെ പോയാൽ ഓട്ടം നിലച്ച്‌ കട്ടപ്പുറത്താകും. ആൻജിയോപ്ലാസ്റ്റി മതിയോ ഓപ്പൺസർജറി വേണോ എന്ന സംശയത്തിൽ പോലീസ്‌ ഡ്രൈവർ ജീപ്പ്പിന്റെ അവിടെയുമിവിടെയും തട്ടിനോക്കി. മൂളിപ്പാട്ടുംപാടി ഇറങ്ങിവന്ന മറ്റൊരു ഏമാൻ നസീർ സ്റ്റെലിൽ ജീപ്പ്പിന്റെ കുണ്ടിയ്ക്കൊരു തട്ടുകൊടുത്ത്‌ ഡോർ തുറന്നു. ഷൂട്ടിംഗ്‌ സ്ഥലത്തേക്ക്‌ മേയ്ക്കപ്പു ചെയ്തിറങ്ങുന്ന സിനിമാനടിയെപ്പോലെ സ്ട്രെയിറ്റ്‌ ചെയ്ത മുടിമാടി ഒതുക്കി നായിക ഇറങ്ങി. ഇറങ്ങുമ്പോൾ പാദത്തിൽ നിന്ന്‌ ഊരിപ്പോയ ഒന്നരമുഴം ഹീൽപാദുകം എടുത്തുകൊടുക്കാൻ മത്സരിച്ച്‌ താഴേയ്ക്കു കുനിഞ്ഞ രണ്ടു കാഴ്ചക്കാർ തലയിടിച്ച്‌ മലർന്നു വീണു. വീണാലെന്താ പണ്ടാരോ അമ്പിളിമാമനെ കിണറ്റിൽ നിന്നും മാനത്തെത്തിച്ചപോലെ ആ വിലകൂടിയ പാദുകങ്ങൾ മനോഹരമായ ആ കാലുകളിൽ എത്തിയ്ക്കാൻ കഴിഞ്ഞില്ലേ. ആശ്വാസം. ജനക്കൂട്ടത്തിന്റെ ചവിട്ടുകിട്ടാതെ ചാടി പിടഞ്ഞെഴുന്നേറ്റു അവർ  സോളാറിന്റെ ചൂടിൽ നിന്നുവിയർത്തു. എങ്കിലും നായികയുടെ മേനിയിൽ നിന്നും പ്രവഹിച്ച വിലകൂടിയ പെർഫ്യൂമിന്റെ ഗന്ധം വിട്ടുപോവാതെ അവിടൊക്കെ ചുറ്റിപറ്റി നിന്നത്‌ അവരുടെ നാസാരന്ധ്രങ്ങൾ വലിച്ചെടുത്തു. ക്യാമറകളുടെ ഫ്ലാഷുകൾ നായികയുടെ പൂമേനിയിൽ കളങ്കം ചാർത്താനനുവദിക്കാതെ സൂക്ഷ്മതയോടെ നീതിപാലകർ അവളെ കോടതിമുറിയിലെത്തിച്ചു.

ന്യായാധിപ കസേരയിലേയ്ക്കിരിക്കാൻ തയ്യാറായ ജഡ്ജി പുറത്തെ ശബ്ദംകേട്ടു ഞെട്ടി. "പോയി അന്വേഷിക്കുവിൻ" ജഡ്ജിയുടെ ഉത്തരവുകേട്ട്‌ അന്വേഷണോദ്യോഗസ്ഥർ നാലുപാടും പാഞ്ഞു. സോളാറിന്റെ വിവിധവശങ്ങളെ കാണാനും അറിയാനും വേണ്ടി കോടതിമുറ്റത്തെ തണൽമരത്തിൽ കയറിയവരുടെ ഭാരം താങ്ങാനാവാതെ ഒരു ശിഖരം ഒടിഞ്ഞു വീണ ശബ്ദമാണ്‌ ജഡ്ജിയെ പ്രകോപിച്ചതു.

പണ്ടൊരു സക്കായി യേശുവിനെ കാണാൻ മരത്തിൽ കയറിയതിനെ ഓർത്ത്‌ അവിടെ നിന്ന ക്രിസ്ത്യാനികളെല്ലാം നെറ്റിയിൽ കുരിശു വരച്ചു. അരയാലിൻ കൊമ്പത്ത്‌ ഗോപികമാരുടെ വസ്ത്രങ്ങളൊളിപ്പിച്ച കൃഷ്ണനെ ഓർത്ത്‌ ഹിന്ദുക്കളെല്ലാം ഹരേ കൃഷ്ണ പാടി. കാരയ്ക്കാ മരപ്പഴത്തിന്റെ രുചിയോർത്ത്‌ മുസ്ലീങ്ങൾ വീർപ്പടക്കി. അങ്ങനെ സർവ്വമത സൗഹാർദ്ദത്തിന്റെ വേദിയായ കോടതി പരിസരത്തെ നോക്കി സുസ്മേരവദനനായി ജഡ്ജി ഇരിപ്പുറപ്പിച്ചു. 

സോളാർ രശ്മികളേറ്റ്‌ വാദിഭാഗം ക്ഷീണിച്ചു. പ്രതിഭാഗം ഉന്മേഷം കൊണ്ടു സരിഗമ പാടി. ഉച്ചയൂണിന്‌ കോടതി പിരിഞ്ഞു. മാധ്യമസമൂഹവും തീർത്ത വഴിത്താരയിലൂടെ നായിക പുഞ്ചിരിയോടെ പോലീസ്‌ വാഹനത്തിലേയ്ക്കു കയറി. 

തലയിൽ കളിമണ്ണു നിറച്ച്‌ കബളിപ്പിക്കാൻ നിന്നുകൊടുത്ത ജനങ്ങളുടെ നാട്ടിലൂടെ വിയർക്കാതെ നടന്നു കാലുകഴയ്ക്കാതെ പോലീസ്‌ വാഹനത്തിൽ തെളിവെടുപ്പിനായി നായിക അംഗരക്ഷകരോടു കൂടി സഞ്ചരിക്കുമ്പോൾ പാവം തൊഴിലുറപ്പു സ്ത്രീകൾ റോഡിനിരുവശവും കാടുതെളിച്ച്‌ വിയർത്തൊലിച്ച്‌ നിൽപ്പുണ്ടായിരുന്നു.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…