Skip to main content

ജൈവ ഫാം ടൂറിസം: പെരുമ്പളം നാളികേര ഫെഡറേഷന്റെ മുന്നേറ്റം


സിഡിബി ന്യൂസ്‌ ബ്യൂറോ, കൊച്ചി -11


വേമ്പനാട്ടുകായലിൽ കുളിച്ച്‌ ഈറനണിഞ്ഞ ഒരു ഗ്രാമമാണ്‌  പെരുമ്പളം. മറയൂർ ശർക്കര പോലെ, പൊക്കാളി അരി പോലെ, കുടമ്പുളിക്ക്‌ പ്രശസ്തമായ ഈ ദ്വീപ്‌ ഒരു വൻ ജൈവ കാർഷിക വിപ്ലവത്തിന്‌ ഒരുങ്ങുകയാണ്‌.  ദ്വീപിനെ മൊത്തം ജൈവകൃഷിയിലേയ്ക്ക്‌ മാറ്റുക എന്ന മാതൃകാപരമായ യജ്ഞമാണ്‌ പെരുമ്പളത്ത്‌ രൂപീകൃതമായ നാളികേര ഉത്പാദക ഫെഡറേഷന്റെ നേതൃത്വത്തിൽ ആരംഭിച്ചിരിക്കുന്നത്‌. കഴിഞ്ഞ വർഷം ദ്വീപിലെ ഒരു കർഷകൻ ജൈവരീതിയിൽ പച്ചക്കറി കൃഷിചെയ്ത്‌ വിളവെടുത്തതിന്റെ അനുഭവത്തിൽ നിന്ന്‌ പാഠം ഉൾക്കൊണ്ടാണ്‌ ഫെഡറേഷൻ ഇത്തരമൊരു കൃഷിരീതി അവലംബിക്കാൻ അംഗങ്ങളായ നാളികേര കർഷകരെ ആഹ്വാനം ചെയ്തത്‌. കഴിഞ്ഞ വർഷം തന്നെ പെരുമ്പളത്തെ ജൈവകൃഷി പ്രശസ്തമായി കഴിഞ്ഞിരുന്നു. കൃഷി കാണുവാനും പഠിക്കുവാനും വൻകരയിൽ നിന്നും വിദേശത്തു നിന്നു പോലും ടൂറിസ്റ്റുകളെത്തിയതോടെ ഫാം ടൂറിസമെന്ന ആശയത്തിനും ദ്വീപിൽ വൻ സാധ്യത ഉയർന്നിരിക്കുകയാണ്‌.
ആലപ്പുഴ ജില്ലയിൽ വേമ്പനാട്ടു കായലിൽ സ്ഥിതിചെയ്യുന്ന വെറും 16 ചതുരശ്ര കിലോമീറ്റർ മാത്രം വിസ്തൃതിയുള്ള പെരുമ്പളം പണ്ടേ കുടമ്പുളിക്കും നാളികേരത്തിനും പ്രശസ്തമാണ്‌. വൈക്കം  തൃപ്പൂണിത്തുറ റൂട്ടിൽ പൂത്തോട്ടയിൽ നിന്ന്‌ തിരിഞ്ഞ്‌ ബോട്ടുമാർഗ്ഗവും, വൈറ്റില അരൂർ റൂട്ടിൽ അരൂർ ക്ഷേത്രത്തിനടുത്ത്‌ നിന്ന്‌ തിരിഞ്ഞ്‌ ജങ്കാർ വഴിയും പെരുമ്പളത്ത്‌ എത്താം. വേറെ മാർഗ്ഗമില്ല. കുറഞ്ഞൊരു നാൾ മാത്രമെ ആയിട്ടുള്ളു പെരുമ്പളത്ത്‌ റോഡുകളും ചെറു വാഹനങ്ങളും എത്തിയിട്ട്‌. കാറുകളും ഓട്ടോറിക്ഷകളും സഞ്ചരിക്കുന്ന ഇടവഴികളും കൃഷിയിടങ്ങളും മാത്രമുള്ള ദ്വീപിൽ തെങ്ങാണ്‌ മുഖ്യ വിള. തെങ്ങിൻ തോപ്പുകളിൽ ഇടവിളയായി പച്ചക്കറി കൃഷിചെയ്ത്‌ കർഷകർ അധിക ആദായം നേടുന്നു.  നെൽ കൃഷിയുമുണ്ട്‌. ഡിസംബർ മുതൽ മെയ്‌ മാസം വരെയാണ്‌ പച്ചക്കറി കൃഷി. പ്രധാനമായും പയർ, പാവൽ, വെള്ളരി, ഇളവൻ, തണ്ണിമത്തൻ തുടങ്ങിയവയാണ്‌. കുറെപ്പേർ മത്സ്യബന്ധനത്തിലും ഏർപ്പെടുന്നു. കൂടാതെ രണ്ടു കയർ സംഘങ്ങളുമുണ്ട്‌. മൊത്തം ജനസംഖ്യ ഏകദേശം പതിനാറായിരം വരും. കേരളത്തിൽ ബസ്‌ സർവ്വീസില്ലാത്ത ഏക പഞ്ചായത്ത്‌ എന്ന പ്രത്യേകതയും പെരുമ്പളത്തിനുണ്ട്‌.
മികച്ച ഉത്പാദനശേഷിയും, വലിപ്പമുള്ള നാളികേരവുമാണ്‌ ദ്വീപിലെ തെങ്ങിൻ തോപ്പുകളുടെ പ്രത്യേകത. ഇവിടെ വിളയുന്ന തേങ്ങയിൽ എണ്ണയുടെ അളവ്‌ വളരെ കൂടുതലാണ്‌ എന്ന്‌ കണ്ടെത്തിയിട്ടുണ്ട്‌.  നിലവിൽ 19 നാളികേര ഉത്പാദക സംഘങ്ങളും അവയെല്ലാം ചേർന്ന ഒരു ഫെഡറേഷനുമാണ്‌ പെരുമ്പളത്ത്‌ ഉള്ളത്‌.
കഴിഞ്ഞ വർഷം പെരുമ്പളം കൃഷിയാഫീസറായി സ്ഥലം മാറി വന്ന ഇ.വി. ലതയാണ്‌ പെരുമ്പളത്തിന്റെ ജൈവകൃഷി സാധ്യത ആദ്യമായി തിരിച്ചറിഞ്ഞത്‌. ലതയുടെ നിർദ്ദേശപ്രകാരം ദ്വീപിലെ നാളികേര ഫെഡറേഷന്റെ ഇപ്പോഴത്തെ സെക്രട്ടറിയും യുവകർഷകനുമായ കൂപ്പിള്ളിൽ ശ്രീകുമാർ  ജൈവ വളങ്ങൾ മാത്രം പ്രയോഗിച്ച്‌ കഴിഞ്ഞ വർഷം പച്ചക്കറി കൃഷിചെയ്തു. സ്യൂഡോമോണസ്‌, ബെവേറിയം, വെർട്ടിസിലിയം, തുടങ്ങിയ ജീവാണുവളങ്ങളും മീൻ - ശർക്കര ലായിനിയുമാണ്‌ ശ്രീകുമാർ  മൂന്ന്‌ ഏക്കറിലെ  കൃഷിയിടത്തിൽ നൽകിയത്‌.  വിളവ്‌ പ്രതീക്ഷിച്ചതിലും മെച്ചമായിരുന്നു. രുചിയിലും വിലയിലും വ്യത്യസ്തത്ത രേഖപ്പെടുത്തിയ ഈ  പച്ചക്കറിക്ക്‌ വിപണിയിൽ വൻ ഡിമാന്റ്‌ ഉണ്ടായി. മരടിലുള്ള നെയ്ബർഹുഡ്‌ സൊലൂഷൻസ്‌ എന്ന വ്യാപാര സ്ഥാപനം ദ്വീപിലെ ജൈവപച്ചക്കറി മൊത്തം വാങ്ങിക്കൊള്ളാമെന്ന്‌ വാഗ്ദാനം ചെയ്തു. സാധാരണ വ്യാപാരികൾ കർഷകരിൽ നിന്ന്‌ ഉത്പ്പന്നങ്ങൾ വാങ്ങി ഇരട്ടി വിലയ്ക്ക്‌ ഉപഭോക്താക്കൾക്ക്‌ വിൽക്കുമ്പോൾ, രാസകീടനാശിനികളും രാസവളങ്ങളും ഒഴിവാക്കി ഉത്പ്പാദിപ്പിച്ച പെരുമ്പളം പച്ചക്കറികൾ കിലോഗ്രാമിന്‌  മാർക്കറ്റ്‌ വിലയിൽ നിന്ന്‌ പത്തും ഇരുപതും രൂപ മാത്രം വില കൂടുതൽ ഈടാക്കിയാണ്‌ നെയ്ബർഹുഡ്‌ സൊലൂഷൻസ്‌ വിൽക്കുന്നത്‌. അതിന്റെ 30 ശതമാനം കർഷകർക്ക്‌ അവർ നൽകുകയും ചെയ്യുന്നു.
അങ്ങനെയാണ്‌ നാളികേര ഫെഡറേഷനിൽ അംഗങ്ങളായ ദ്വീപിലെ 200 കർഷകർ പ്രസിഡന്റ്‌ കെഎം സുകുമാരന്റ  നേതൃത്വത്തിൽ ജൈവകൃഷിയിലേയ്ക്ക്‌ ചുവടുമാറുന്നത്‌.  മുന്നിൽ ശ്രീകുമാറിന്റെ മാതൃകയും എല്ലാകാര്യങ്ങൾക്കും മാർഗ്ഗ നിർദ്ദേശങ്ങളുമായി കൃഷി ഓഫീസറുമുണ്ട്‌. ഒരു പക്ഷെ കാർഷിക കേരളത്തിന്റെ ചരിത്രത്തിലെ തന്നെ ഏറ്റവും ശ്രദ്ധേയമായ മുന്നേറ്റമായിരിക്കും പെരുമ്പളം നാളികേര ഉത്പാദക ഫെഡറേഷൻ അംഗങ്ങൾ നടത്തുന്ന തെങ്ങിൻ തോപ്പിലെ ഈ ജൈവകൃഷി വിപ്ലവം. ഈ സീസണിൽ കുറഞ്ഞത്‌ 100 ഏക്കറിലെങ്കിലും പെരുമ്പളം ദ്വീപിൽ ജൈവ പച്ചക്കറി കൃഷി നടക്കും - ഫെഡറേഷൻ സെക്രട്ടറി ശ്രീകുമാർ ഉറപ്പു പറയുന്നു.
ഫെഡറേഷന്റെ മറ്റൊരു സംരംഭമാണ്‌ 100 പേരുടെ ഹരിത സേന. സേനയുടെ പ്രവർത്തനം തുടങ്ങി കഴിഞ്ഞു. തൈക്കാട്ടുശേരി ബ്ലോക്ക്‌ പഞ്ചായത്ത്‌ പ്രസിഡന്റ്‌ സി. എ. വിനോദ്കുമാർ സേനയ്ക്ക്‌ ആവശ്യമായ കൃഷി യന്ത്രങ്ങൾ സ്പോൺസർ ചെയ്തിരിക്കുകയാണ്‌. ദ്വീപിന്റെ സ്വന്തം ഉൽപന്നമായ കുടംപുളി ഉണങ്ങുന്നതിന്‌ ഒരു ഡ്രയറും ഇവർ ഒരുക്കുന്നുണ്ട്‌. വൈകാതെ പെരുമ്പളം കുടമ്പുളിക്ക്‌ ജൈവദേശ സൊ‍ാചകം നേടാനുള്ള തയാറെടുപ്പിലാണ്‌ ഫെഡറേഷൻ. കൂടാതെ  ജൈവ വെളിച്ചെണ്ണ ഉത്പ്പാദിപ്പിക്കാനുള്ള ഒരു പദ്ധതിയും ആലോടനയിലുണ്ട്‌.
ജൈവകൃഷിയുടെ ശംഖൊലി മുഴങ്ങിയപ്പോൾ തന്നെ ദ്വീപിൽ ഫാം ടൂറിസത്തിനുള്ള ഒരുക്കങ്ങളും ആരംഭിച്ചു കഴിഞ്ഞു. ദ്വീപിലെ കർഷകനായ രാജേന്ദ്രബാബു വീടിനോടു ചേർന്ന്‌ ഹോം സ്റ്റേ നിർമ്മിച്ചു കഴിഞ്ഞു. കഴിഞ്ഞ സീസണിൽ തന്നെ പെരുമ്പളത്ത്‌ സഞ്ചാരികൾ എത്തിയിരുന്നു. തുർക്കി, ഓസ്ട്രേലിയ, അമേരിക്ക തുടങ്ങിയ രാജ്യങ്ങളിൽ നിന്നാണ്‌ കൃഷിയിൽ കമ്പമുള്ള സഞ്ചാരികൾ പെരുമ്പളത്ത്‌ എത്തിയത്‌. രാജേന്ദ്രൻ തന്റെ കൃഷി പൂർണമായും ജൈവ രീതിയീലാണ്‌ നടത്തുന്നത്‌. കൃഷിയിടത്തിന്റെ ആവശ്യങ്ങൾക്കായി പഞ്ചഗവ്യം പോലുള്ള ജൈവ തയാറിപ്പുകൾക്കായി അദ്ദേഹം വെച്ചൂർ, കാസർഗോഡ്‌ തുടങ്ങിയ നാടൻ  പശുക്കളെയും വളർത്തുന്നു. കൂടാതെ തേനീച്ച വളർത്തലുമുണ്ട്‌.
കൂടുതൽ വിവരങ്ങൾക്ക്‌ - 9446122740

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…