Skip to main content

രാക്കിളിപ്പെണ്ണ്‌!


റോയ് കെ ഗോപാൽ
=====================
ഒന്ന്:
ഇരുൾ തിങ്ങുമീധരയിലിരുളാണ്ട ഗർത്തത്തി-
ലിഴയുന്നൊരലറുന്ന ഭ്രാന്തിയായ് നീ
ഈഹാമൃഗത്തിന്റെയിരയായിത്തീരുന്നു
ഇഴ പൊട്ടിയടരുന്ന നിറയൌവനം
നാറുന്നോരോടയുടെയോരൊത്തൊരുമിച്ച്
നാകം ചമയ്ക്കുന്നു ഹൃദയമില്ലാതെ
നരമാരണമെറിയുന്ന നണയത്തുട്ടിനാൽ
നിറയുന്നു, നിൻ മടിശീലയെന്നും
കരങ്ങളാൽ...
കരങ്ങളിലുള്ളോരാ നഖങ്ങളാൽ
കപിയുടെ കയ്യിലെ മാലപോൽ, പാശ്ചാത്യ
കലയുടെ ത്രസിക്കും ഞരമ്പിനാൽ
കരയുന്നു, കദനമാം ശില്പമായ് നീ
ചോർന്നൊഴുകുന്നോരാ കൂരയുടെ കീഴിൽ നിൻ
ചോരക്കുഞ്ഞെന്നും കരയുന്നുവല്ലോ
ചുരന്നൊഴുകുന്നോരാ മുലകളിലൂടെയാ
ചുടുനിണമൊഴുകുന്നതവനറിഞ്ഞീലയോ
കാഞ്ഞിരക്കട്ടിലിൽ കോച്ചിക്കിടക്കുമാ
കണവനു കഞ്ഞി കൊടുക്കുവാനായ്
കാത്തിരിക്കുന്നു, നീ തെരുവിന്റെയോരത്ത്
കന്മദപ്പൂവിൽ മധു നിറച്ചെന്നും.
രണ്ട്:
രാവിന്റെയിടറുന്ന വഴികളിലെവിടെയോ
രാക്കിളിപ്പെണ്ണ്‌! വിറകൊണ്ടു നിന്നു
രാവേറെ ചെന്നിട്ടും രാപ്പാടി പോയിട്ടും
രാവിലൊരുത്തനും വന്നീലല്ലോ
ഞാവൽപ്പഴത്തിന്റെ നീരെല്ലാം വറ്റിപ്പോയ്
ഞാന്നു കിടന്നോരാ വാവൽ പാടീ
ഞെട്ടിത്തെറിച്ച മനസ്സിനെയാ സത്യം
ഞെരടിപ്പിഴിഞ്ഞു പഴന്തുണി പോൽ
അഴലിൻ നിഴലൊളി വീശുന്ന ഹൃത്തുമാ-
യവളുടെൻ വീട്ടിലെക്കോടിപ്പോയ്
അവളുടെ പൊന്നിൻകുടത്തിന്നരികിലാ-
യവളുടെൻ നിദ്രയിലാണ്ടുപോയ്
ഒട്ടിയ വയറിനൊരിത്തിരി വറ്റിനാ-
യോടയുടെയോരത്ത്, വീണ്ടുമവൾ വന്നു
ഒളിചിന്നുമാകാശ പൊൻ പ്രഭയാ-
ലോടുന്ന നിഴലുകളെയവൾ കണ്ടു
പിറ്റേന്നവളുടെ പുത്രൻ ചോദിപ്പൂ
പുതിയൊരു സംശയം തീർത്തിടാമോ?
പൊന്നിൻകുടത്തിന്റെ വായ്ത്താരി കേട്ടവൾ
പൊട്ടിയടർന്നുപോയ് പൂക്കുല പോൽ.
അമ്മെ ചൊല്ലൂ
ചൊല്ലുവതെന്താണീ വേശ്യയെന്നാൽ?
കാഞ്ഞിരക്കട്ടിൽ തെല്ലൊന്നു കുലുങ്ങിയോ
കാലപാശത്തിൻ കുരുക്ക് വലിഞ്ഞു മുറുകിയോ
അവനുടെ ചോദ്യത്തിനുത്തരം
പറയുവാനവൾക്കായില്ല...
തളർന്നുപോയവളുടെ
മിഴികളിലെ ബാഷ്പബിന്ദുക്ക-
ളഴകൊലിച്ചുള്ളോരാ തറയിൽ വീണു
സീതാപരിത്യാഗ കഥ പറയൂ-
മിതിഹാസമെങ്ങോ പോയൊളിച്ചൂ
അഗ്നിയാൽ ശുദ്ധിയായ വൈദേഹിയവളുടെ
നെഞ്ചു പിളർത്തിക്കൊണ്ടാഴ്ന്നുപോയി...
=======================
കവിത “ഇലകൾ പച്ച പൂക്കൾ മഞ്ഞ” എന്ന പുസ്തകത്തിൽ.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…