Skip to main content

സ്നേഹം സമാധാനം സൗഹൃദം


ഡോ.എം.എ.കരീം
വ്യക്തിസംസ്കരണത്തിലൂടെ സമൂഹത്തിൽ സ്നേഹവും സമാധാനവും സൗഹൃദവും ഉറപ്പിക്കുക എന്നതാണ്‌ മതങ്ങളുടെ ദൗത്യം. എന്നാൽ മതത്തിന്റെ യഥാർത്ഥ രൂപം ഇന്ന്‌ സമൂഹത്തിൽ കാണാൻ കഴിയുന്നില്ല. ഭീകരപ്രവർത്തനങ്ങൾ, തീവ്രവാദം, ബോംബ്‌ സ്ഫോടനങ്ങൾ, പൊതുസ്വത്ത്‌ നശീകരണം എന്നിവയുമായി ബന്ധപ്പെട്ട്‌ ഇന്ന്‌ മതങ്ങൾ അറിയാൻ തുടങ്ങിയിരിക്കുന്നു. മതം ഭീകരതയ്ക്കും ഹിംസയ്ക്കും പ്രേരണ നൽകുന്നു എന്നത്‌ വിരോധാഭാസം തന്നെയാണ്‌.
    മനസ്സുകൊണ്ടും വാക്കുകൊണ്ടും പ്രവൃത്തികൊണ്ടും ഹിംസയിൽ നിന്നും ഒഴിഞ്ഞു നിൽക്കണമെന്നാണ്‌ എല്ലാ മതങ്ങളും അനുശാസിക്കുന്നത്‌. അഹിംസ പരമധർമ്മമാണെന്ന്‌ മഹാഭാരതത്തിൽ സൂചിപ്പിച്ചിരിക്കുന്നു. പരമതപസ്സും പരമസത്യവും അഹിംസ തന്നെയാണ്‌. എല്ലാ ജീവജാലങ്ങളോടുമുള്ള സ്നേഹത്തിൽ നിന്നാണ്‌ അഹിംസയുടെ ഉദയം. അഹിംസകൊണ്ട്‌ എല്ലാവർക്കും നന്മയാണ്‌ ഉണ്ടാകുന്നത്‌.
    ശ്രീബുദ്ധൻ അഹിംസയുടെ പ്രവാചകനായിരുന്നു. ദുഃഖത്തിൽ നിന്ന്‌ മോചനം നേടുക എന്ന ബൗദ്ധദർശനത്തിൽ അഹിംസയ്ക്ക്‌ വളരെ പ്രാധാന്യമാണ്‌ നൽകിയിട്ടുള്ളത്‌. ക്ഷുദ്രപ്രാണികളെ കൊല്ലുന്നതുപോലും ജൈനമതം വിലക്കിയിട്ടുണ്ട്‌. ഒരുതരത്തിലും ഹിംസയ്ക്കു കാരണമാവാത്ത രീതിയിൽ സൂക്ഷ്മതയോടെ ജീവിക്കണമെന്നാണ്‌ ജൈനമതം ആഹ്വാനം ചെയ്യുന്നത്‌.
    വലതു ചെകിടിൽ അടിച്ചാൽ ഇടതു ചെകിടുകൂടി ശത്രുവിന്‌ കാണിച്ചുകൊടുക്കണമെന്ന്‌ പറഞ്ഞ യേശുക്രിസ്തുവും ക്രിസ്തുമതവും സഹിഷ്ണുതയുടെയും സഹനത്തിന്റെയും മാർഗ്ഗമാണ്‌ സമൂഹത്തിൽ പ്രചരിപ്പിച്ചതു. മനുഷ്യനെ കൊല്ലുക എന്നത്‌ മഹാപാപമായി കാണുന്ന മതമാണ്‌ ഇസ്ലാം. 'ഇസ്ലാം' എന്ന വാക്കിന്റെ അർത്ഥം തന്നെ സമാധാനം എന്നാണ്‌. കാരുണ്യം, സഹിഷ്ണുത, സാഹോദര്യം എന്നിവ പ്രവാചകനായ മുഹമ്മദ്നബിയുടെ മുഖമുദ്രയായിരുന്നു. അദ്ദേഹത്തിന്റെ അഭിപ്രായത്തിൽ ഒരു യഥാർത്ഥ മുസ്ലീമിന്‌ മറ്റൊരാൾക്ക്‌ ഉപദ്രവകാരിയായി ജീവിക്കാൻ കഴിയുകയില്ല. ശത്രുക്കളെ എതിരിടേണ്ടിവരുന്ന സന്ദർഭങ്ങളിൽപ്പോലും സ്ത്രീകളെയും വൃദ്ധന്മാരെയും കുട്ടികളെയും സംരക്ഷിക്കേണ്ടതുണ്ട്‌. തിന്മകളെ ഇല്ലാതാക്കുന്നത്‌ തിന്മകൾ കൊണ്ടല്ല നന്മകൾ കൊണ്ടായിരിക്കണം.
    ഇന്നു ലോകമെങ്ങും വിധ്വംസക പ്രവർത്തനങ്ങൾ ശക്തിപ്രാപിച്ചു വരികയാണ്‌. അതിന്റെ ഫലമായി നിരപരാധികളായ വ്യക്തികൾ പോലും ഇരകളായിത്തീരുന്നു. സ്നേഹവും സമാധാനവും സൗഹൃദവും നിറഞ്ഞു നിൽക്കുന്ന മതങ്ങളുടെ പവിത്രതയെ ചോദ്യം ചെയ്യുന്ന പ്രവർത്തനങ്ങൾ ഏതു മതക്കാരിൽ നിന്നുണ്ടായാലും അതിനെ ഒറ്റക്കെട്ടായി എതിർക്കേണ്ടത്‌ രാജ്യസ്നേഹികളുടെ കടമയാണ്‌. ആ വഴിക്കായിരിക്കട്ടെ ഭാരതീയരുടെ ചിന്തയും പ്രവർത്തനങ്ങളും.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…