കുര്യാക്കോസ്‌.വി.വി
കേരളം ദൈവത്തിന്റെ സ്വന്തം നാടോ? ചിലരെങ്കിലും ഒരു നിമിഷം സ്വാഭാവികമായും ചിന്തിച്ചു പോകാം. ആഗോള ടൂറിസം മാർക്കറ്റിൽ കേരളത്തെ ഒരു നല്ല വിൽപന ചരക്കാക്കി മാറ്റുന്നതിനുവേണ്ടി കണ്ടെത്തിയ ഒരു വിപണന തന്ത്രം അല്ലേ ഇത്‌?
കുബേര-കുചേല വ്യത്യാസമില്ലാതെ നാമെല്ലാം ഏറ്റവും മനോഹരമായി-അഭിമാനമായി കാണുന്നത്‌ അവനവന്റെ വീടിനെയാണ്‌. ഓരോരുത്തരും അവനവന്റെ വീടിനെ/കുടുംബത്തെ അഭിമാനത്തോടെ നോക്കി കാണുന്നു അഹങ്കരിക്കുന്നു. ഒരാൾ അവന്റെ കഴിവിന്റെ പരമാവധി ശേഷിയും ഉപയോഗിച്ച്‌ ആ വീടിനെ അതിമനോഹരമാക്കി സംരക്ഷിക്കും. ഏതൊരു വിശിഷ്ട വസ്തു ലഭിച്ചാലും. ഒരു കൗതുക വസ്തു കണ്ടാൽ സ്വന്തം പോക്കറ്റിന്‌ ഒതുങ്ങുമെങ്കിൽ അത്‌ സ്വന്തമാക്കിയും വീടിന്‌ അലങ്കാരമാക്കുന്നു. അതുപോലെ വീട്ടുപകരണങ്ങൾ, വസ്ത്രങ്ങൾ, കാഴ്ച വസ്തുക്കൾ, ഉദ്യാന സസ്യങ്ങൾ, മറ്റ്‌ അലങ്കാരങ്ങൾ തുടങ്ങിയ എല്ലാ വിശിഷ്ട വസ്തുക്കളും സ്വന്തമാക്കുന്നതിനും സ്വന്തം ഭവനം മോടി പിടിപ്പിക്കുന്നതിനും ഉപയോഗിക്കുന്നു. അത്തരം വസ്തുക്കൾ ഒന്നും തന്നെ എത്രവേണ്ടപ്പെട്ടവർക്കാണെങ്കിലു
നമുക്ക്‌ നാമോരുത്തരുടെയും വീടും പരിസരവും ഒന്ന്‌ പരിശോധിക്കാം. നമ്മുടെ വീട്ടിലും പുരയിടത്തിലുമായി(അഞ്ചോ-പത്തോ സെന്റ്‌ ആയാൽ പോലും) എത്രത്തോളം ഇനം (Species, variety) ജീവജാലങ്ങളെ കാണാം. വിവിധയിനം പൂമ്പാറ്റങ്ങൾ, വണ്ടുകൾ, തേനീച്ചകൾ, ഷഡ്പദങ്ങൾ, പക്ഷികൾ, ഈച്ചകൾ, ഉറുമ്പുകൾ, ചിലന്തികൾ, തവളകൾ, ഓന്തുകൾ, പല്ലികൾ, കൊതുകുകൾ, പാറ്റകൾ, പ്രാണികൾ, എലികൾ, പുഴുക്കൾ, മണ്ണിളക്കി നോക്കിയാൽ കാണുന്ന നിരവധിയായ ജീവികൾ, രാത്രികാലങ്ങളിൽ കടന്നുവരുന്ന ജീവജാലങ്ങൾ. ഇവയുടെ എണ്ണം നൂറിൽ ഒതുങ്ങുമോ? ഇല്ലെന്നാണന്റെ അഭിപ്രായം. നിങ്ങൾക്ക്‌ പരിശോധിക്കാം. സസ്യസമ്പത്തിലേക്ക്‌ ഒന്ന്‌ കണ്ണോടിച്ചാലത്തെ അവസ്ഥ എന്തായിരിക്കും. ഇതിലും വിചിത്രമായിരിക്കും വിവിധ ഇനം കാർഷിക തോട്ടവിളകൾ, പഴവർഗ്ഗങ്ങൾ, പച്ചക്കറി ഇനങ്ങൾ, അലങ്കാര സസ്യങ്ങൾ, കോമ്പൗണ്ട്‌ പൂർണ്ണമായും സിമന്റ്‌ കട്ടവിരിച്ചിട്ടില്ലെങ്കിൽ നിരവധിയായ പുൽച്ചെടികൾ, ആയുർവ്വേദ സസ്യങ്ങൾ, വള്ളിപടർപ്പുകൾ, മുൾചെടികൾ, വിവിധയിനം പായൽ സസ്യങ്ങൾ, ഫേൺസ്‌, കൂൺ വർഗ്ഗങ്ങൾ, മോസസ്‌, ജലജന്യ സസ്യങ്ങൾ തുടങ്ങി അന്ത്യമില്ലാത്ത ലിസ്റ്റ്‌, നഗ്ന നേത്രങ്ങൾക്ക്‌ ഗോചരമല്ലാത്ത അനേകയിനം സൂക്ഷ്മ ജീവികൾ, ആൽഗകൾ, ബാക്ടീരിയ, വൈറസുകളും, വായുവിലും വെള്ളത്തിലും ഒഴുകി നടക്കുന്ന അതിസൂക്ഷ്മ ജീവികളിൽ തുടങ്ങി ലിസ്റ്റ്‌ പിന്നെയും അനന്തമായി നീളുന്നു.
കേരളത്തിന്റെ വിവിധ ഇനം വനമേഖല, മലനാട്‌, ഇടനാട്‌, തീരപ്രദേശം, നദികൾ, തടാകങ്ങൾ, കായലുകൾ, അറബിക്കടൽ തുടങ്ങിയ എല്ലാ പ്രദേശങ്ങളിലേയും ജീവജാലങ്ങളേയും, സസ്യലതാധികളേയും ഒന്ന്‌ ലിസ്റ്റ്‌ ചെയ്യാൻ ശ്രമിച്ചു നോക്കൂ. മറുപ്രദേശത്തും, ധ്രുവങ്ങളിലും കാണുന്ന ഏതാനും ജീവികളും സസ്യങ്ങളും ഒഴികെ എല്ലാം തന്നെ നമ്മുടെ ഈ കൊച്ചു കേരളത്തിൽ കണ്ടെത്താൻ കഴിയും. ഹിമാലയത്തിൽ നിന്നെത്തുന്ന പൂമ്പാറ്റകളും, സീസൺ അനുസരിച്ച്‌ പറന്നെത്തുന്ന ദേശാടന പക്ഷികളും നമ്മുടെ സമ്പത്തു തന്നെയാണ്‌. ഗുജറാത്തിലെ തപ്തിനദി മുതൽ ഗുജറാത്ത്‌, മഹാരാഷ്ട്ര, ഗോവ, കർണ്ണാടക, കേരളം, തമിഴ്‌നാട്‌ എന്നീ സംസ്ഥാനങ്ങളിലൂടെ കന്യാകുമാരി വരെ 1500 കിലോമീറ്റർ ദൈർഘ്യത്തിൽ നീണ്ടുകിടക്കുന്ന പശ്ചിമഘട്ട പർവ്വതം (Western Ghat)ലോകത്തിലെ എട്ട്‌ അതിപ്രധാന Hotspot കളിൽ ഒന്നാണ്‌. പശ്ചിമഘട്ടത്തിൽ സ്ഥിതിചെയ്യുന്ന 39 World Heritage site കളിൽ 20 എണ്ണവും ഈ കൊച്ചു കേരളത്തിലാണെന്ന്‌ വസ്തുത പ്രത്യേകം പ്രസ്താവ്യമാണ്‌. പശ്ചിമ ഘട്ടത്തിന്റെ പരിസ്ഥിതി പ്രാധാന്യം ജൈവ വൈവിധ്യം വിലമതിക്കാൻ (Quantify ചെയ്യുന്നതിന്‌) മനുഷ്യസാധ്യമല്ല. സാക്ഷാൽ സൃഷ്ടാവ്‌ തന്നെ കിണഞ്ഞ്‌ പരിശ്രമിക്കേണ്ടി വരും. ജീവജാലങ്ങളുടെ ആരോഗ്യ പരമായ വിന്യാസത്തിന്‌ മുഴുവൻ ജീവജാലങ്ങളും സമജ്ജസമായി നിലകൊള്ളണമെന്ന തിരിച്ചറിവിലാണ്‌ Tiger Reserve കൾ National Parks IÄ, Lion Safari Park, Bird Satuary Elephant Reserve, Crocodile conservation തുടങ്ങി നിരവധിയായ സംരക്ഷണ പദ്ധതികൾ നിലകൊള്ളുന്നത്‌. കേരളം അങ്ങിനെ ലോകത്തിന്റെ ഒരു demostration plot ആണ്‌, Hcp Biological ആണ്‌, ഒരു പൂങ്കാവനമാണ്‌.
ദൈവസൃഷ്ടിയിൽ ഒന്നു പോലും വൈരൂപ്യമുള്ളതോ,ദുഷ്ട ശക്തിയോ അല്ല. ഭീകരവിഷമുള്ള കാളസർപ്പങ്ങളും, സിംഹം, കടുവാ, പുലി തുടങ്ങിയ ഹിംസ്ര ജന്തുക്കളും, ആകാരത്തിൽ സുരുന്മാരും, ഈ പ്രകൃതിയുടെ പരിപാലനത്തിന്‌ അത്യന്താപേക്ഷിതരും ആണ്‌. സസ്യജാലങ്ങളിൽ ഒന്നുപോലും ഈ പൂങ്കാവനത്തിന്‌ അലങ്കോലം സൃഷ്ടിക്കുന്നതോ, അരോചകമോ അല്ല. സൂക്ഷ്മ ജീവികളുടെ അസാന്നിദ്ധ്യം ഇവിടെ ജീവന്റെ നിലനിൽപ്പു തന്നെ ചോദ്യം ചിഹ്നമാക്കി മാറ്റും. അത്രക്ക്‌ പ്രസക്തമാണ്‌ അവയുടെ പ്രവർത്തനങ്ങൾ - അവ പ്രകൃതിക്ക്‌ നൽകുന്ന സേവനങ്ങൾ, ലോകത്തിൽ മറ്റെവിടെയെങ്കിലും ഇത്രയും വൈവിധ്യങ്ങൾ ഒന്നിച്ച്‌ കാണാൻ സാധിക്കുമോ എന്ന്‌ സംശയമാണ്‌. ഇന്ത്യയുടെ തന്നെ മറ്റ്‌ ഭൂഭാഗങ്ങളിലേക്ക്‌ ഒന്ന്‌ കണ്ണോടിച്ചാൽ ഇത്‌ ബോധ്യമാകും. ദൈവ സൃഷ്ടിയിൽ 99% സൃഷ്ടികളും നമ്മുടെ നാട്ടിൽ കേരളത്തിൽ ഉണ്ടെന്നതാണ്‌ എടുത്തുപറയേണ്ട മേന്മ. മനുഷ്യസഹജമായ ബലഹീനത ദൈവസന്നിധിയിലും കാണാൻ ശ്രമിക്കുകയാണെങ്കിൽ സൃഷ്ടാവ്‌ സ്വന്തം സൃഷ്ടികളുടെ എല്ലാറ്റിന്റെയും പതിപ്പുകൾ-പരിഛേദം (നോഹയുടെ പെട്ടകത്തിലെ പോലെ) കേരളത്തിൽ ശേഖരിച്ചു വെക്കാൻ മറന്നില്ല. നമ്മുക്കിഷ്ടപ്പെട്ട എല്ലാ വസ്തുക്കളും സ്വന്തം വീട്ടിൽ ശേഖരിക്കുന്നതുപോലെ ദൈവവും അൽപം സ്വാർത്ഥത കാണിച്ച്‌ ഇതെല്ലാം (സൃഷ്ടികളെല്ലാം) കേരളത്തിൽ ശേഖരിച്ചുവെച്ചുവേങ്കിൽ ഇത്‌ ദൈവത്തിന്റെ സ്വന്തം ഭവനമല്ലേ? ദൈവത്തിന്റെ സ്വന്തം നാടല്ലേ? കേരളത്തെ Gods Own Country എന്നല്ലാതെ മറ്റെന്തു വിളിക്കും.
