Skip to main content

അഭിനന്ദനം


സ്വാമി അവ്യയാനന്ദ
    അർഹമായ അഭിനന്ദനം തക്കസമയത്ത്‌ നൽകിയാൽ അത്‌ ആദരിക്കപ്പെടുകയും അനുസ്മരിക്കപ്പെടുകയും ചെയ്യും. വ്യക്തിത്വവികസനത്തിൽ പ്രശംസയ്ക്കും പ്രോത്സാഹനത്തിനും വലിയ പങ്കുവഹിക്കാനുണ്ട്‌. പ്രയോജനപ്രദങ്ങളായ പല പദ്ധതികൾക്കും പരിപാടികൾക്കും അത്‌ വഴിതെളിക്കുന്നു. അംഗീകാരം ഏതു വ്യക്തിയും ആഗ്രഹിക്കുന്ന കാര്യമാണ്‌. അത്‌ ലഭിക്കാതെ വരുമ്പോൾ പിറുപിറുപ്പും പരാതിയും ഉയരും. ഭവനങ്ങളിലായാലും സമൂഹത്തിന്റെ മറ്റു തലങ്ങളിലായാലും ഇത്‌ പ്രകടമാണ്‌.
    ഡാവിഞ്ചി വലിയൊരു കലാകാരനായതിനു പിന്നിൽ അദ്ദേഹത്തിന്റെ ഗുരുവിൽ നിന്നു ലഭിച്ച അംഗീകാരവും പ്രോത്സാഹനവുമാണെന്ന്‌ അദ്ദേഹം തന്നെ സാക്ഷ്യപ്പെടുത്തുന്നുണ്ട്‌. ഒരിക്കൽ ഡാവിഞ്ചിയുടെ ഗുരുനാഥൻ രോഗാവസ്ഥയിലായപ്പോൾ ആഗുരു തുടങ്ങിവച്ചിരുന്ന ഒരു ചിത്രം പൂർത്തിയാക്കാൻ ആവശ്യപ്പെട്ടു. തന്നെക്കൊണ്ട്‌ അതുചെയ്യാൻ കഴിയില്ലെന്ന്‌ ഉണർത്തിച്ചു. "നിന്റെ കഴിവിന്റെ പരമാവധി നീ ശ്രമിക്കുക. നിനക്കതിനു കഴിയും" ഇങ്ങനെ പറഞ്ഞ്‌ ഗുരു ശിഷ്യനെ പ്രോത്സാഹിപ്പിച്ചു. ഡാവിഞ്ചി മാറിനിന്ന്‌ പ്രാർത്ഥിച്ചു. "വാത്സല്യനിധിയായ എന്റെ ഗുരുനാഥനുവേണ്ടിയാണ്‌ ഈ ദൗത്യം ഞാനേറ്റെടുക്കുന്നത്‌. ഇതിനാവശ്യമായ ബുദ്ധിയും കഴിവും നൽകി എന്നെ അനുഗ്രഹിക്കേണമേ."
    അനന്തരം ചിത്രത്തിന്റെ പൂർത്തീകരണത്തിൽ വ്യാപൃതനായി. അത്‌ പൂർത്തീകരിച്ചപ്പോൾ ഗുരുനാഥൻ നിറഞ്ഞ സന്തോഷവും സംതൃപ്തിയും പ്രകടിപ്പിച്ചുകൊണ്ട്‌ പറഞ്ഞു. "പ്രിയ മകനേ, ഇനി ഞാൻ ചിത്രം വരയ്ക്കുന്നില്ല" ഗുരുനാഥന്റെ ഈ അംഗീകാരം ഡാവിഞ്ചിക്ക്‌ വലിയ പ്രോത്സാഹനമായി. ചിത്രരചനയിൽ പ്രശസ്തനായിത്തീരാൻ അത്‌ വഴിതെളിച്ചു.
    മാതാപിതാക്കളിൽ നിന്നും ഗുരുജനങ്ങളിൽ നിന്നുമുള്ള അഭിനന്ദനങ്ങളും പ്രോത്സാഹനങ്ങളുമാണ്‌ അനേകരുടെ ജീവിതത്തിൽ ഉയർച്ചയ്ക്ക്‌ പ്രേരണയായിട്ടുള്ളത്‌. എന്നാൽ ഇക്കാര്യത്തിൽ പിശുക്ക്‌ കാട്ടുന്നവർ ഒട്ടും കുറവല്ല. അവർ ചിന്തിക്കുന്നത്‌ അഭിനന്ദനവും പ്രശംസയും അറിയിച്ചാൽ അത്‌ അഹങ്കാരത്തിനും സ്വന്തം സംതൃപ്തിക്കും ഇടയാക്കുമെന്നാണ്‌. മാത്രമല്ല അതവരെ അലസരാക്കിത്തീർക്കുമെന്നും ശങ്കിക്കുന്നു. ഒരു പെൺകുട്ടി അവളുടെ ക്ലാസ്സിൽ ചെയ്ത ആർട്ട്‌ വർക്ക്‌ വലിയ പ്രതീക്ഷയോടെ പിതാവിനെ കാണിക്കാൻ എത്തി. ബിസ്സിനസ്സുകാരനായ അയാൾ കണക്കുകൾ നോക്കുന്ന തിരക്കിൽ മകളെ ശ്രദ്ധിച്ചേതേയില്ല. മകൾ നിർമ്മിച്ച കലാസൃഷ്ടി ഒന്നു നോക്കാൻ പോലും കൂട്ടാക്കാത്ത ആ പിതാവിന്റെ പ്രതികരണത്തിൽ ആ കുട്ടി കടുത്ത നിരാശയിലാണ്ടു. മറ്റൊരു കുട്ടി ക്ലാസിലെ ടെസ്റ്റ്‌ പേപ്പറിന്‌ 80 ശതമാനം മാർക്കുമായി പിതാവിനെ സമീപിച്ചപ്പോൾ, അതിൽ കൂടുതൽ മാർക്ക്‌ വാങ്ങിച്ചവർ ആരൊക്കെ എന്ന അന്വേഷണമല്ലാതെ അഭിനന്ദനത്തിന്റെ ഒരുവാക്കുപോലും ഉയർന്നില്ല. ആ കുട്ടിയും നിരാശപ്പെട്ടു.
    അഭിനന്ദനത്തിന്റെ അതിശയോക്തികൊണ്ടും അമിതോക്തികൊണ്ടും വീർപ്പുമുട്ടിക്കുന്നവരുമുണ്ട്‌

. വലിയ അർത്ഥമോ മൂല്യമോ കൽപിക്കാത്ത എന്തിനും ഏതിനും തട്ടിവിടുന്ന ചില ആംഗലവാണികളുണ്ട്‌. ഗ്രേറ്റ്‌-വൺർഫുൾ-എക്സലന്റ്‌-ഫാന്റാസ്റ്റിക്‌. ഔചിത്യപൂർവ്വം പ്രയോഗിക്കേണ്ട വാക്കുകൾ സ്ഥാനത്തും അസ്ഥാനത്തും ഉപയോഗിച്ചു എന്നു വരും. അപ്പോൾ അവരുടെ വാക്കുകളുടെ ആത്മാർത്ഥതയും വിശ്വാസ്യതയും ചോദ്യം ചെയ്യപ്പെടും. കൊച്ചുകുട്ടികൾ പോലും അവരുടെ വാക്കുകൾ മുഖവിലയ്ക്കെടുക്കാതെ വരും.
    ഇപ്രകാരം പ്രശംസാവാക്കുകൾ പറയുന്നവരെ ആദ്യമൊക്കെ നാം ഇഷ്ടപ്പെടുമെങ്കിലും പിന്നീട്‌ നാമവരെ അവഗണിക്കുക തന്നെ ചെയ്യും. നാം ഒരാളെ പ്രശംസിക്കുമ്പോൾ അത്‌ ആത്മാർത്ഥമാണോ എന്ന്‌ സ്വയം ചോദിക്കണം. കേൾക്കുമ്പോൾ മുഖവിലയ്ക്കെടുക്കുമോ അതോ അവഗണിക്കുമോ എന്ന്‌ വിലയിരുത്തുന്നത്‌ കൊള്ളാം. നമ്മൾ ഈ പുലർകാലെ ചിന്തിച്ചതു. തക്കസമയത്തെ അഭിനന്ദനവും പ്രശംസയും വളരെയേറെ പ്രയോജനം ചെയ്യുമെന്നും എന്നാൽ നമ്മുടെ വാക്കിൽ ആത്മാർത്ഥതയില്ലാത്ത അമിതോക്തി കടന്നുവരാതിരിക്കാൻ സൂക്ഷിക്കണമെന്നുമാണ്‌.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…