ഗീത രാജൻ
ഒഴുക്കിന്റെ കുസൃതിയെ
വിരൽ തുമ്പിൽ ആവാഹിച്ചു
ക്യാൻവാസിന്റെ നാൽവരമ്പിൽ
ചലിച്ചു ചേർക്കുന്ന കണ്ണ്!
കാലത്തിന്റെ കുസൃതിയിൽ
ചുഴിയിൽ പെട്ടുഴലുമ്പോൾ
മനസ്സ് കട്ടെടുത്ത തുരുത്തിലേക്ക്
വഴുതി പോകുന്ന പെണ്ണ്!
പാടത്തിൽ വിതയുടെ കുസൃതിയെ
കൊത്തിയെടുത്തു പറന്ന മാനങ്ങൾ
ഉയര്ന്നു പൊങ്ങിയ സൌധങ്ങളിൽ
ഞെരിഞ്ഞു വിങ്ങുന്ന മണ്ണ്!
കണക്കെടുപ്പിൻ കുസൃതിയിൽ
മേല്പോട്ട് പെയ്തൊഴിഞ്ഞ
ലാഭ പെരുമഴ, ബാക്കി വച്ച് പോയ
വിള്ളലുകൾ, നികത്താനാവാത്ത
നിസഹായതയിൽ വിതുമ്പുന്ന വിണ്ണ്!
പിടക്കുന്ന സ്പന്ദനം പോലെ
നിഴൽ വിരിക്കുമീ ജീവിതം!
