Skip to main content

അയാൾ /കഥ


എം.പി.അയ്യപ്പൻ
    വാഹനങ്ങളുടെ ഇരമ്പം കേട്ട്‌ അയാൾ കണ്ണ്‌ തുറന്നു. ബസ്‌ സ്റ്റാന്റിൽ ഒരൊഴിഞ്ഞ സ്ഥലത്ത്‌ കിടന്ന്‌ ഉറങ്ങുകയായിരുന്നു അയാൾ. അവിടെ വന്നിട്ട്‌ പിച്ച വെച്ച്‌ നടന്ന ദിവസങ്ങൾ പലതും ജനിച്ചു മരിച്ചു. ഇന്ന്‌ ഒരു പ്രഭാതം കൂടി.
മനസ്സിനെ മുറിവേൽപിച്ച്‌ പിന്നിട്ട അഭിശപ്ത ദിനങ്ങൾ അയാളിൽ തെളിഞ്ഞു.
"സർവ്വതും മുടിക്കാനുണ്ടായ പുത്രൻ പഠിച്ചെന്നും പറഞ്ഞ്‌ അന്തസ്സ്‌ നോക്കി ഇരിക്കുന്നു. നിനക്കൊക്കെ തീറ്റതന്ന്‌ മടുത്തു. ആരോഗ്യം ക്ഷയിച്ചു. ഇനി എനിക്കാവില്ല."
"സർക്കാരുദ്യോഗം നോക്കി ഇരിക്കുന്നു. ഇവന്‌ പുറത്തിറങ്ങി കൂലിപ്പണി എടുത്താലെന്താ? പഠിപ്പില്ലാണ്ട്‌ പോവോ? എനിക്കറിയ്യാഞ്ഞിട്ട്‌ ചോദിക്ക്യാ?"
പാഞ്ഞ്‌ വരുന്ന അമ്പിനേക്കാൾ തുളച്ചു കയറാൻ ശക്തമായ പിതാവിന്റെ വാക്കുകൾ.
ഇടക്കിടെ തികട്ടിവരുന്ന ആ വാചകം അയാളുടെ ചിന്തയിൽ ആളിപ്പടരുമ്പോൾ ആ മുഖത്ത്‌ കാളിമ പടരുന്നത്‌ കാണാമായിരുന്നു.
പിന്നെയുള്ള ചിന്ത അന്യനാടായിരുന്നു. ചെറിയൊരു ഡിഗ്രി കൈവശമുണ്ടല്ലോ. ഒരു തൊഴിൽ ലഭിക്കാതിരിക്കില്ല. അയാൾ മനസ്സിൽക്കരുതി.
വെയിലിന്റെ കരങ്ങൾക്ക്‌ ശക്തി വർദ്ധിച്ചപ്പോൾ, അവിടെ നിന്നും അയാൾ മാറി നിന്നു- ഒരു നിരീക്ഷകനെപ്പോലെ.
മരിച്ചുവീഴുന്ന സമയത്തിന്റെ ഓരോ നിമിഷത്തിലും സ്റ്റാന്റിൽ തിരക്ക്‌ ഏറിക്കൊണ്ടിരുന്നു.
ബസ്സിൽ നിന്നും ഇറങ്ങുന്നവർ. ലക്ഷ്യത്തിലെത്താൻ കാത്തു നിൽക്കുന്നവർ. അങ്ങനെ നിരവധി ആളുകൾ. ഒരിക്കലെങ്കിലും കണ്ടിട്ടില്ലാത്ത വ്യത്യസ്ഥ മുഖങ്ങൾ.
വിശപ്പ്‌ അയാളെ കീഴ്പ്പെടുത്താൻ തുടങ്ങിയപ്പോൾ, ചായക്കടയിൽ ചില്ലലമാരകൾ നിറയെക്കാണുന്ന ആഹാര സാധനങ്ങൾ നോക്കി ആർത്തിയോടെ അയാൾ നിന്നു. പാന്റിന്റെ പോക്കറ്റിൽ പരതിയപ്പോൾ, കയ്യിലുണ്ടായിരുന്ന അവസാനത്തെ നാണയത്തുട്ടുകളും തീർന്നതയാൾ തിരിച്ചറിഞ്ഞു.
ഒരു ജോലിക്ക്‌ വേണ്ടി ടെസ്റ്റുകൾ ഇന്റർവ്യൂ.., എല്ലാം അതിന്റെ കടമ നിർവ്വഹിച്ചു. യോഗ്യത ഇല്ലാഞ്ഞിട്ടാണോ? എങ്ങനെ ഇല്ലാതാകും? റാങ്ക്‌ ലിസ്റ്റിൽ പേര്‌ വരുന്നുണ്ട്‌. യോഗ്യതയുടെ മാനദണ്ഡം അതല്ലെങ്കിൽ വേറെന്താണ്‌?
അയാളുടെ പിതാവിന്‌ ഒരേ ആഗ്രഹം മാത്രം. തന്നെപ്പോലെ കഷ്ടപ്പെടാതെ മകനൊരു സർക്കാർ ഉദ്യോഗസ്ഥനായി കാണണം.
എന്നാൽ-അയാളിന്നൊരു കായ്ഫലമില്ലാത്ത വൃക്ഷം.
ദിനരാത്രങ്ങൾ കൊഴിഞ്ഞുകൊണ്ടിരുന്നു.
അദ്ധ്വാനത്തിന്റെ ശക്തിചോർന്ന്‌ പോകുന്ന പിതാവിന്റെ ശകാരങ്ങൾക്ക്‌ കരുത്ത്‌ കൂടാൻ തുടങ്ങി.
ഒടുവിൽ-
സഹനശക്തിയുടെ ചങ്ങലക്കണ്ണി അകന്നപ്പോൾ വീടുവിട്ടിറങ്ങാൻതന്നെ തീരുമാനിച്ചു.
വെയിലിന്റെ കരങ്ങൾക്ക്‌ വീണ്ടും കരുത്ത്‌ വർദ്ധിച്ചു.
റോഡിന്റെ ഓരത്തിരുന്ന്‌ യാത്രക്കാരെ നോക്കി, കൈവിരലുകൾ മുരടിച്ച പാദങ്ങൾ കൂമ്പി ഒരു മനുഷ്യൻ യാചിക്കുന്നു. യാത്രക്കാർ അയാളെ ഈർഷ്യയോടെ നോക്കി കടന്നുപോയി.
ഒരു നാണയത്തുട്ടുപോലും ആരും അയാൾക്ക്‌ ഇട്ടുകൊടുത്തില്ല.
സ്വാർത്ഥതയുടെ പര്യായമാകുന്ന മനുഷ്യൻ...!
അയാൾക്ക്‌ അപ്പോൾ അപ്രകാരം ചിന്തിക്കാതിരിക്കാൻ കഴിഞ്ഞില്ല.
യുവാക്കളുടെ വലിയൊരു നീണ്ടു നിര...
അവർ ഒരു ജാഥയായി വരികയാണ്‌. അയാൾ അവരെ നോക്കി നിന്നു.
ഒടുവിൽ-
വിശപ്പ്‌-
ദാഹം-
ക്ഷീണം-
ഒന്നുമല്ലാതായ നിമിഷങ്ങൾ... ഒരു പുത്തൻ പുലരിക്ക്‌ വേണ്ടി പ്രതിജ്ഞാബദ്ധരായവർ - അവരിൽ ഒരാളായി അയാൾ മാറി.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…