Skip to main content

വാക്കിന്റെ വില


വൈക്കം രാമചന്ദ്രൻ

അയാളാ പ്രദേശത്താകെ ഉന്നതബിരുദം നേടിയ ആദ്യവ്യക്തിയാണ്‌. വലിയ വലിയ
പദവികൾക്ക്‌ ക്ഷണം ലഭിച്ചുകൊണ്ടിരിക്കുന്നു. ഇതാദ്യമായാണ്‌ ഉന്നതമായ ഈ
പരീക്ഷ ഈ ദേശത്തൊരാൾ ജയിക്കുന്നത്‌.

വലിയ വലിയ തറവാടുകളിലെ കാരണവന്മാർ അയാൾ തന്റെ വീട്ടിൽ വിവാഹം
കഴിച്ചിരിക്കുന്നുവേങ്കിൽ എന്നാഗ്രഹിച്ചു. പലരും പലവിധ പ്രലോഭനങ്ങളും
സ്വാധീനങ്ങളുമായി സമീപിച്ചു. സാമ്പത്തികമായി
ബുദ്ധിമുട്ടിലായിരിക്കുമെന്ന്‌ കരുത്തിയവർ വൻതുകകളും മറ്റും വാഗ്ദാനം
ചെയ്തു. അഭിമാനിയും ആഢ്യനുമായ വല്യമ്മാവൻ ഒന്നിനും വഴങ്ങിയില്ല. ഉണ്ണി
ഇനിയും ഉയരങ്ങൾ കീഴടക്കാനുള്ളവനാണെന്ന്‌ വലിയമ്മാവന്‌ അറിയാമായിരുന്നു.
ഒടുവിൽ ദിവാന്റെ നിർബന്ധത്തിനു വഴങ്ങി ഒരു സമ്മതം മൂളൽ. മഞ്ചലിൽ ദിവാനും
പിന്നിൽ ഭൃത്യവർഗ്ഗവുമായി വലിയമ്മാവനുമായി ഒരു കൂടിക്കാഴ്ചയ്ക്ക്‌
ഒരുദിവസം തറവാട്‌ വേദിയായി. സൽക്കാരത്തിനും സംഭാഷണങ്ങൾക്കുമൊടുവിൽ ദിവാൻ
വല്യാമ്മാവനോടു പറഞ്ഞു.
രാമൻതമ്പി ബിരുദമെടുത്തെന്ന്‌ നമുക്കറിയാം. എങ്കിലും പഴയകാലമല്ലല്ലോ.
അവന്റെ സർട്ടിഫിക്കറ്റ്‌ ഒന്ന്‌ കണ്ട്‌ ബോധ്യപ്പെട്ടാൽക്കൊള്ളാമെന്നുണ്ട്‌.
അകത്തെ മുറിയിൽ നിന്നിരുന്ന അനന്തിരവനെ നോക്കി അമ്മാവൻ കൽപിച്ചു: 'രാമാ
അറയ്ക്കുള്ളിലെ ട്രങ്കിൽ നിന്നും നിന്റെ സർട്ടിഫിക്കറ്റിങ്ങെടുക്കൂ'.
അദ്ദേഹം സർട്ടിഫിക്കറ്റ്‌ ദിവാനെ കാണിച്ചു.

അതു കണ്ടതും ദിവാൻ സന്തോഷത്തോടെ പറഞ്ഞു. 'ഇനി നമ്മുടെ മോളും, നിങ്ങളുടെ
അനന്തിരവനുമായുള്ള വിവാഹത്തീയതി ഉറപ്പിക്കാം.'
'വേണ്ട, അതു നടപ്പില്ല.' 'അവന്‌ ഒരു കുഞ്ഞ്‌ ജനിക്കുമ്പോഴാണ്‌ ഇങ്ങനെയൊരു
സത്യം കണ്ടറിഞ്ഞ്‌ ബോദ്ധ്യപ്പെടണമെന്ന്‌ ദിവാണ്‌ തോന്നുന്നതെങ്കിലോ?'
അമ്മാവന്റെ വാക്കുകൾ കേട്ട്‌ ലജ്ജിച്ച്‌ തലതാഴ്ത്തി ദിവാൻ മടങ്ങി.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…