Skip to main content

ദേവാംശമായ കേരം


പായിപ്ര രാധാകൃഷ്ണൻ

ദേവാസുരന്മാർ പാലാഴി കടഞ്ഞപ്പോൾ കിട്ടിയ വിശിഷ്ടവസ്തുക്കളിലൊന്നാണ്‌
കൽപവൃക്ഷം എന്ന്‌ ഭാഗവതം പറയുന്നു.  നന്ദനവനത്തിലാണ്‌ ദേവവൃക്ഷമായി ഇത്‌
വളർന്നത്‌. ഈ കൽപവൃക്ഷത്തെ ദേവലോകം ആക്രമിച്ച രാവണൻ പിഴുതെടുത്ത്‌
ലങ്കയിലേക്ക്‌ കൊണ്ടുവന്ന്‌ നട്ടുവളർത്തിയതായി രാമായണത്തിൽ പറയുന്നു.
ശ്രീകൃഷ്ണൻ കൽപവൃക്ഷത്തെ സ്വർഗ്ഗത്തിൽ നിന്നും ദ്വാരകയിലേക്ക്‌
കൊണ്ടുപോയി. ഇതിനെ എതിർത്ത ഇന്ദ്രനെ തോൽപ്പിച്ച കഥ ഭാഗവതത്തിൽ
വിവരിക്കുന്നുണ്ട്‌. തെങ്ങിന്റെ കുരുത്തോലയും പൂക്കുലയും നാളികേരവും
വെളിച്ചെണ്ണയുമെല്ലാം, സർവ്വാംഗം ദേവപ്രീതികരമത്രെ.

ത്രിശങ്കു സ്വർഗ്ഗത്തിൽ വിശ്വാമിത്ര മഹർഷിയാണത്രെ തെങ്ങിന്‌ ജന്മം
നൽകിയത്‌. ത്രിശങ്കുവിന്‌ സ്വർഗ്ഗത്തിൽ പ്രവേശിക്കുവാനുള്ള മോഹം
വിശ്വാമിത്രനോട്‌ പറഞ്ഞു. മഹർഷി അദ്ദേഹത്തെ സ്വർഗ്ഗത്തിലേക്ക്‌
കൂട്ടിക്കൊണ്ടുപോയി. ഇന്ദ്രൻ ത്രിശങ്കുവിനെ സ്വർഗ്ഗത്തിലേക്ക്‌
കടത്തിയില്ല. ഭൂമിയിലേക്ക്‌ തള്ളിയിട്ടു. ത്രിശങ്കുവിനെ ഭൂമിയിലേക്ക്‌
പതിക്കാതെ വിശ്വാമിത്രൻ താങ്ങിനിർത്തി. ഭൂമിക്കും സ്വർഗ്ഗത്തിനുമിടയിൽ
ത്രിശങ്കുവിനുവേണ്ടി പുതിയൊരു സ്വർഗ്ഗം വിശ്വാമിത്രൻ സൃഷ്ടിച്ചു.
ത്രിശങ്കുസ്വർഗ്ഗത്തിൽ തന്റെ പ്രിയശിഷ്യന്റെ ആഹാരപാനീയങ്ങൾക്കായി
കൽപവൃക്ഷം സൃഷ്ടിക്കുകയും ചെയ്തുവത്രേ.

നാളികേരത്തിന്‌ ദൈവികമായ ഉത്ഭവമാണ്‌ ഫിലിപ്പീൻസുകാർ നൽകുന്നത്‌. ബഥല,
ഉലിലാങ്ങ്‌ കലുലുവ, ഗലാങ്ങ്‌ കലുലുവ എന്നീ ത്രിമൂർത്തികൾ പരസ്പരം
കണ്ടിട്ടില്ല. ഒരാൾക്ക്‌ മറ്റൊരാൾ ജീവിച്ചിരിക്കുന്ന കാര്യവും
അജ്ഞാതമാണ്‌. സ്ഥിരം ഊർച്ചുറ്റുന്ന പ്രകൃതക്കാരാണിവർ. ഒരിക്കൽ ഭൂമിയിൽ
വെച്ച്‌ ബഥലയും ഉലിലാങ്ങും കണ്ടുമുട്ടി. താനല്ലാതെ മറ്റൊരു
ദേവനില്ലെന്ന്‌ കരുതിയിരുന്ന അവർക്കത്‌ സഹിക്കാനായില്ല. പരസ്പരം
ഏറ്റുമുട്ടി. മൂന്ന്‌ രാപ്പകലുകൾ യുദ്ധം നീണ്ടുനിന്നു. ഒടുവിൽ ബഥല
ഉലിലാങ്ങിനെ വധിച്ചു. ഉലിലാങ്ങിന്റെ ശരീരം സംസ്ക്കരിച്ചു.
ഏറെക്കാലം കഴിഞ്ഞ്‌ മറ്റൊരു ദേവനായ ഗലാങ്ങ്‌ ബഥലയുടെ വീട്ടിലെത്തി.,
പക്ഷിശ്രേഷ്ഠനായ ഗലാങ്ങിനെ ബഥല സുഹൃത്തായി സ്വീകരിച്ചു. കുറേക്കാലം
കഴിഞ്ഞ്‌ രോഗബാധിതനായി ഗലാങ്ങ്‌ മരിച്ചു. ഉലിലാങ്ങിനെ സംസ്ക്കരിച്ച
സ്ഥലത്ത്‌ തന്നെയും സംസ്ക്കരിക്കണമെന്ന ഗലാങ്ങിന്റെ അഭീഷ്ടപ്രകാരം ബഥല
അപ്രകാരം ചെയ്തു.

അവരുടെ ശ്മശാനത്തിൽ നിന്നും വളർന്ന്‌ വന്ന മരമാണത്രെ തെങ്ങ്‌. അതിന്റെ
കായിന്‌ ഗലാങ്ങ്ദേവന്റെ ആകൃതിയും ഓലകൾ ചിറകുകൾ പോലെയുമാണത്രെ. അതിന്റെ
തടിയാകട്ടെ ഉലിലാങ്ങ്‌ എന്ന സർപ്പദേവന്റെ ഉടൽപോലെയിരുന്നു. ബഥല
തെങ്ങിന്റെ തടിയും ഓലയുമപയോഗിച്ച്‌ തന്റെ കൊട്ടാരം പണിതു. മനുഷ്യനേയും
മൃഗങ്ങളേയും സസ്യജാലങ്ങളേയും സൃഷ്ടിച്ചുവത്രേ. മനുഷ്യർ തേങ്ങാവെള്ളം
കുടിച്ച്‌ ദാഹമകറ്റുകയും തേങ്ങതിന്ന്‌ വിശപ്പടക്കുകയും ചെയ്തു.
ഓലകൾകൊണ്ട്‌ പായും ചൂലും തൊപ്പിയുമുണ്ടാക്കി. ചകിരികൊണ്ട്‌ കയർപിരിച്ചു.
ദൈവികമായ അനുഗ്രഹങ്ങൾ മനുഷ്യന്‌ ഏക്കാളവും വർഷിച്ചുകൊണ്ട്‌,
ആഗ്രഹിച്ചതെന്തും നൽകുന്ന ദൈവീകവൃക്ഷമായി ഫിലിപ്പീൻസുകാർക്കിടയിൽ തെങ്ങ്‌
പരിലസിക്കുന്നു.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…