Skip to main content

"കരിയൻ ഐ.എ.എസ്സിനെ അറസ്റ്റ്‌ ചെയ്തു"



സുജിത്ത്‌ ബാലകൃഷ്ണൻ

ശ്രീകൃഷ്ണന്റെ അനേകം പേരുകളിൽ ഒന്നാണെങ്കിലും, സ്വന്തം മകന് ആരെങ്കിലും
കരിയനെന്ന് പേര്‌ കൊടുക്ക്വോ.. സുലോകന വർഷങ്ങൾക്ക്‌  മുൻപ്‌ ചത്ത്‌ പോയ
ഭർത്താവിനെ മൂക്കുചീന്തിക്കൊണ്ട്‌ പ്രാകി. അന്നൊരു ദിവസം പള്ളിസ്കൂളിൽ
പോയി പേരും ചേർത്ത്‌ വന്നിട്ടാണ്‌ പറയുന്നത്‌. കരിക്കുട്ടാന്ന്
സ്നേഹത്തോടെ പരസ്പരം മൽസരിച്ച്‌ വിളിച്ച പേരുതന്നെയാണ്‌ കൊടുത്തത്‌..
ഇന്നാലും പത്താൾക്കാരുടെ മുൻപില്‌ പോണ്ട വാല്യകാരനല്ലേ.. ഇങ്ങനെ
വകതിരിവില്ലാതെ ചെയ്യാൻ പാടുണ്ടോ..

കരിയൻ അഞ്ചിൽ നിന്ന് ആറിലേക്ക്‌ ജയിച്ചു... ഇനി പുഴ കടന്ന് അക്കരെയുള്ള
വാവുള്ള്യപുരം ഹൈസ്കൂളിലേക്ക്‌ ചേരണം..തോട്ടോ ജയിച്ചോന്ന് നോക്കാൻ
പോയിട്ട്‌, ജയിചെന്നറിഞ്ഞ്‌ വന്ന് തിണ്ണയിൽ മുഖം വീർപ്പിച്ചിരിപ്പാണ്‌.
എനിക്ക്‌ മാനക്കേടാണമ്മാ ...ഈ പേരും വച്ച്‌ ഹൈസ്കൂളിലേക്ക്‌
പൂവാൻ..കരിയന്റെ കണ്ണിൽ നിന്ന് ധാരധാരയായി കണ്ണുനീരൊഴുകി. ഞാൻ മാമന്റെ
കൂടെ പണിക്കോടത്തിരിക്കാൻ പോക്വാ...അത്‌ കേട്ടപ്പോൾ സുലോചനയുടെ ചങ്ക്‌
തകർന്നു. ഈ കലത്ത്‌ തട്ടാപ്പണിചെയ്തിട്ടെന്ത്‌ നേട്ട്വാന്ന്.. എല്ലാം
യന്ത്രായില്ലേ..വള ചെതുക്കാനുള്ള മേഷീൻ, ചങ്ങലയുണ്ടാക്കാനുള്ള യന്ത്രം,
സ്വർണ്ണം പോളിഷടിക്കാനുള്ള യന്ത്രം.. സ്വർണ്ണം വെറുതെ വച്ചുകൊടുത്താൽ
മതി, ബാക്കിപ്പണിയെല്ലാം മേഷീൻ ചെയ്യും. തട്ടാന്മാരുടെയൊക്കെ തർപ്പണപൂശ
കഴിഞ്ഞൂ ഏടത്തിയേ.... മണി താടിയിൽ കൈ കൊടുത്ത്‌ പറഞ്ഞതാണ്‌. തട്ടാപ്പണി
ചെയ്യുന്നതിലും ഭേദം പാടത്ത്‌ കൂലിപ്പണിക്ക്‌
പോകുന്നതാണ്‌..കഷ്ട്ടപ്പെട്ടിട്ടണെങ്കിലും പഠിപ്പിച്ച്‌
വലിയവനാക്കണമ്ന്ന് കരുതുമ്പളാ ചെക്കൻ പറയിണത്‌ - തട്ടാപ്പണി പഠിക്കാൻ
പോക്വാന്ന്..

കർക്കിടകത്തിൽ നെരിപ്പോടിൽ തീയാളിച്ച്‌ തണുപ്പ്‌ കൊള്ളാനിരിക്കുന്ന
കെട്ടിയോന്റെ മുഖം സുലോചനയോർത്തു..കരിക്കുട്ടനെ പഠിപ്പിക്കണം,
എന്തിനാണ്ടീ ഈ തീയിലും കരിയിലും അവനെ നരകിപ്പിക്കാൻ വിടുന്നത്‌.
തട്ടാന്മാര്‌ പൊന്നില്‌ പണിയെടുക്കുന്നേയുള്ളൂ ,ഒരു പവൻ തെകച്ചിണ്ടാക്കാൻ
പട്ടുണുണ്ടോ. കള്ള്‌ കുടിച്ച്കുടിച്ച്‌ തട്ടാൻ ചത്തപ്പോ സുലോചന പാടത്ത്‌
കൊയ്യാൻ പോയി...കരിയന്‌ വേണ്ടി. അല്ലാത്തപ്പോൾ ചെങ്കൽച്ചൂളയിൽപ്പോയി
പണിയെടുത്തു. അതും കിട്ടാതെവന്നപ്പോൾ കരിങ്കല്ല് ക്വാറിയിലും.

പഠിപ്പിക്കാനാണെങ്കില്‌ പണ്ടത്തെപ്പോലെയാണോ.. ലക്ഷങ്ങള്‌ വേണം,
ക്വാറിയിലെ പെണ്ണുങ്ങളുടെ വാക്കിനൊന്നും സുലോചന ചെവികൊടുത്തില്ല. ഞരങ്ങി
നീങ്ങുമ്പോളാണ്‌ ദൈവധൂതനെപ്പോലെ ഫാ.ഗീവർഗ്ഗീസ്‌ ഉദയസൂര്യനെപ്പോലെ
വെളിച്ചവുമായെത്തുന്നത്‌. നഷ്ട്ടപ്പെട്ട എല്ലാ ആത്മവിശ്വാസവും
വീണ്ടെടുത്തവനെപ്പോലെ കരിയൻ തലയുയർത്തി നടന്നു.. വളരെത്താമസിയാതെ
മാമ്മോദീസയും മുങ്ങി. അന്നും ഈ മരമണ്ടയിൽ ബുദ്ധിപോയില്ലാ കരിയന്റെ
പേരുമാട്ടാൻ.. സുലോചന വേശമ്മയായി പരിണമിച്ചപ്പോൾ കരിയൻ പറഞ്ഞു യേശുദേവൻ
എന്നെ കാക്കും..എനക്ക്‌ ഈ പേരുമതിയമ്മാ...

എത്രവേണമെങ്കിലും പഠിക്കാനുള്ള സഹായം ഫാ. സ്വന്തമച്ഛനെപ്പോലെ തന്നു.
ഒടുക്കം കരിയൻ ഐ.എ.എസ്സും കരസ്ഥമാക്കി. എന്തോ മനസ്സിൽ ഒരു ദു:ഖം മാത്രം
ഇന്നും മനസ്സിൽ അവശേഷിക്കുന്നു...താനും കെട്ടിയോനും ചേർന്ന്
ചാർത്തിക്കൊടുത്ത പേരിനെയോർത്ത്‌. ടി.വി ചാനല്ലിൽ സ്ക്രോള്ളിങ്ങ്‌
ന്യൂസ്സായി ചുവപ്പിൽ വെളുപ്പ്‌ ചാലിച്ച അക്ഷരങ്ങൾ മാഞ്ഞും തെളിഞ്ഞും
കൊണ്ടേയിരുന്നു. വാർത്താവായനക്കാരും സ്ത്ഥിരം രാഷ്ട്രീയ വിശകലന വിദഗ്ധരും
അഘോഷിക്കുകയാണ്‌.

"കരിയൻ ഐ.എ.എസ്സിനെ അറസ്റ്റ്‌ ചെയ്തു". പ്രമാദമായ പെൺ വാണിഭക്കേസ്സിലെ
മൂന്നാം പ്രതിയായാണ്‌ ജില്ലാകളക്റ്ററായ കരിയൻ ഐ.എ.എസ്സിനെ അറസ്റ്റ്‌
ചെയ്തിരിക്കുന്നത്‌. ഈ വാർത്തയാണ്‌ മണിക്കൂറുകളായി ദ്രിശ്യ മാധ്യമങ്ങളിൽ
നിറഞ്ഞ്‌ നിൽക്കുന്നത്‌. കരിയന്റെ മൂത്ത മകൾ ജോൽസ്ന മുത്തശ്ശിയോട്‌
തട്ടിക്കയറി. ടി.വി നിർത്താൻ വന്നപ്പോൾ പേരക്കുട്ടിക്ക്‌ നേരെ കൈയോങ്ങി.
കേൾവി തീരെ നഷ്ട്ടപ്പെട്ട വേശമ്മയുടെ ഏക നേരമ്പോക്ക്‌ ടി.വി കാണലാണ്‌.
അതിലാണെങ്കിൽ തന്റെ കരിക്കുട്ടൻ നിറഞ്ഞ്‌ നിൽക്കുന്ന കാഴ്ചയാണ്‌
കാണിച്ച്‌ കൊണ്ടിരിക്കുന്നത്‌. വീട്ടിൽ മട്ടെല്ലാവരും
മിണ്ടാതെയിരിപ്പാണ്‌. സ്വന്തം മക്കൾക്ക്‌ പോലും തന്റെ
കരിക്കുട്ടനോടസൂയയോ? സംശയത്തോടെ ജ്യോൽസ്നയെ മുത്തശ്ശി നോക്കി.
പെട്ടത്തള്ളയ്ക്ക്‌ പട്ട്വൊ..ജ്യോൽസ്ന മുത്തശ്ശിയെ പ്രാകി മുറിയിലേക്ക്‌
പോയി.

കരിയൻ പോലീസുകാരോടൊപ്പം ക്യാമറകൾക്ക്‌ നടുവിലൂടെ നടന്ന് നീങ്ങുന്ന
കാഴ്ചകൾ എത്രകണ്ടിട്ടും മതിവരാതെ ടി.വി യിലേക്ക്‌ തന്നെ നോക്കിയിരുന്നു.
മകന്റെ വളർച്ചയെക്കുറിച്ചോർത്തപ്പോൾ വേശമ്മയുടെ മനസ്സിൽ അഭിമാനത്തിനൊപ്പം
നീറുന്ന നൊമ്പരവും പടർന്നുകയറി. പോലീസുകാരേയും സീൽബന്തികളേയും തന്റെ
വരിധിക്ക്‌ നിർത്താനുള്ള അധികാരം കൈവരിച്ച മകനെയോർത്ത്‌ അവരുടെ
കണ്ണിലറിയാതെ കണ്ണുനീർ കിനിഞ്ഞു. മൂക്ക്‌ ചീന്തി മരിച്ച ഭർത്താവിനെ
വീണ്ടും പ്രാകി. നാടുമുഴുക്കെയറിയുന്ന മകന്‌ ണല്ലോരു പേര്‌
നൽകിയില്ലല്ലോ?

ടി.വി യിലപ്പോഴും സ്ക്രോള്ളിങ്ങ്‌ ന്യൂസ്‌ "കരിയൻ ഐ.എ.എസ്സിനെ അറസ്റ്റ്‌
ചെയ്തു" എന്ന് ടി.വിയിൽ മിന്നിമാഞ്ഞ്‌ കൊണ്ടിരുന്നു..

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…