Skip to main content

കാർട്ടൂണിൽ പൊരിയുന്ന മമത

 ജോയി കുളനട

പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിയെ പരിഹസിക്കുന്ന കാര്‍ട്ടൂണ്‍ ഫേസ്ബുക്കില്‍ പോസ്റ്റ് ചെയ്യുകയും അതിനു ശേഷം 65 പേര്‍ക്ക് ഇ മെയില്‍ ആയി അയച്ചു കൊടുക്കുകയും ചെയ്തു എന്ന കുറ്റം ചുമത്തി യാദവ്പുര്‍ യൂനിവേര്‍സിറ്റി പ്രൊഫസര്‍ അംബികേഷ് മഹാപാത്രയെ അറസ്റ്റ്‌ചെയ്തു. തൃണമുല്‍ കോണ്‍ഗ്രസ് പ്രവര്‍ത്തകരുടെ ക്രൂര മര്‍ദ്ദത്തിനുവിധേയനായ ഇദ്ദേഹത്തെ കോടതിയില്‍ ഹാജരാക്കുകയും ജാമ്യം അനുവദിക്കുകയും ചെയ്തു.

അംബികേഷ് മഹാപാത്ര
ആവിഷ്‌കാര സ്വാതന്ത്ര്യത്തിന്മേലുള്ള മമത ബാനര്‍ജിയുടെ ഈ കടന്നു കയറ്റത്തെ കോണ്‍ഗ്രസ്, സി.പി.എം തുടങ്ങിയ രാഷ്ട്രീയ പാര്‍ട്ടികളും മീഡിയകള്‍ ഉള്‍പ്പെടെയുള്ള പൌരസമൂഹവും അപലപിച്ചു. സത്യജിത്റെയുടെ ‘സോണാര്‍ കെല്ല’ എന്നചിത്രത്തിലെ ഒരു രംഗത്തെ അധികരിച്ചു മമതാബാനര്‍ജി, റെയില്‍വേ മന്ത്രി മുകുള്‍ റായ്, മുന്‍ റെയില്‍വേ മന്ത്രി ദിനേശ് ത്രിവേദി എന്നിവരുടെ ചിത്രങ്ങള്‍ പേസ്റ്റ് ചെയ്തു ഉണ്ടാക്കിയ കാര്‍ട്ടൂണ്‍ ചിത്രമാണ് വിവാദത്തിനു കാരണമായത്.

കാര്‍ട്ടൂണിസ്റ്റ്‌ സുരേന്ദ്രയുടെ ദി ഹിന്ദുവില്‍ മമതക്കെതിരെ വന്ന കാര്‍ട്ടൂണ്‍
കാര്‍ട്ടൂണിസ്റ്റ്‌ സതീഷ്‌ ആചാര്യയുടെതായി മമതക്കെതിരെ വന്ന കാര്‍ട്ടൂണ്‍
പഴയ റെയില്‍വേ മന്ത്രി ത്രിവേദിയെ മന്ത്രിപദത്തില്‍ നിന്ന് തെറിപ്പിക്കുന്നത് സംബന്ധിച്ച സംഭാഷണമാണ് കാര്‍ട്ടൂണ്‍ ചിത്രത്തില്‍ ഉള്‍ക്കൊള്ളിച്ചിട്ടുള്ളത്. IPC Section 500, 509, IT Act.66 A എന്നീ വകുപ്പുകള്‍ പ്രകാരമാണ് കേസ് ചാര്‍ജ് ചെയ്തിരിക്കുന്നത്. മുഖ്യമന്ത്രി മമതാ ബാനര്‍ജിയുടെ ഏകാധിപത്യ ഭരണത്തിന്റെ ഏറ്റവും ഒടുവിലത്തെ ഉദാഹരണമാണ് ഈ അറസ്റ്റ് നടപടി. സ്‌കൂള്‍ സിലബസ്സില്‍നിന്ന് കാള്‍മാര്‍ക്‌സിനെയും എംഗല്‍സിനെയും ഒഴിവാക്കിയതും തന്നെ വിമര്‍ശിക്കുന്ന പത്രങ്ങളെ ലൈബ്രറികളില്‍നിന്ന് ഒഴിവാക്കാന്‍ ഉത്തരവിട്ടതും ഒത്തിരി വിവാദങ്ങള്‍ക്ക് വഴി മരുന്ന് ഇട്ടിരുന്നു.
കാര്‍ട്ടൂണിസ്റ്റ്‌ സുരേന്ദ്രയുടെ തന്നെ ദി ഹിന്ദുവില്‍ മമതക്കെതിരെ വന്ന കാര്‍ട്ടൂണ്‍
അധികാരം കിട്ടുമ്പോള്‍ സ്ത്രീ ഭരണാധികാരികള്‍ എത്ര കണ്ടു സ്വേച്ഛാധിപതികള്‍ ആകുമെന്നതിനു ജയലളിത, മായാവതി എന്നിവര്‍ക്ക് ശേഷം നമുക്ക് ലഭിച്ച ഒന്നാംതരം ഉദാഹരണമാണ് ഈ ബംഗാള്‍ മുഖ്യമന്ത്രി. ലോകത്ത് എമ്പാടുമുള്ള കാര്‍ട്ടൂണിസ്ടുകള്‍ ദിവസേന വരച്ചു കൂട്ടുന്ന കാര്‍ട്ടൂണുകളുടെ പേരില്‍ കേസ് എടുക്കാനാണെങ്കില്‍ ഈ ലോകത്ത് സ്ഥലം പോരാതെ പരലോകത്ത് സ്ഥലം അന്വേഷിക്കേണ്ടി വരും. ഇന്ത്യ ഒരു ജനാധിപത്യ രാജ്യമാണ്. ജനങ്ങള്‍ക്ക് ഏതു മാധ്യമങ്ങളിലൂടെയും ആവിഷ്‌കാരസ്വാതന്ത്ര്യമുണ്ട്.

ലേഖകന്‍റെ തന്നെ ആയി ബൂലോകത്തില്‍ ഇന്നലെ പ്രസിദ്ധീകരിച്ച കാര്‍ട്ടൂണ്‍
അധികാര വര്‍ഗ്ഗത്തിന്റെ ധാര്‍ഷ്ട്യത്തിനു നേരെ മുഷ്ടി ചുരുട്ടി പ്രതിഷേധിക്കാന്‍ ഇത്തരം സൃഷ്ടികള്‍ അനിവാര്യമാണ്. ഭരണാധികാരികളുടെ ഗര്‍വുംഅഹങ്കാരവും ശമിപ്പിക്കാന്‍ ഇത്തരം സൃഷ്ടികള്‍ എന്നും ലോകത്ത് അതിന്റെതായ സംഭാവനകള്‍ നല്‍കി പോന്നിട്ടുണ്ട്. അതിനു കൂച്ചുവിലങ്ങിടാന്‍ ആയിരം മമതമാര്‍ വിചാരിച്ചാലും കഴിയില്ല. ഇന്നല്ലെങ്കില്‍ നാളെ ഈ സംഭവത്തിലും മമതയുടെ ബുദ്ധികെട്ട നടപടികള്‍ ലോകം വിലയിരുത്തുമെന്ന് ഉള്ളതിന് യാതൊരു സംശയവും ഇല്ല.
അംബികേഷ് മഹാപാത്രക്ക് ഇന്ത്യ യിലെ കാര്‍ട്ടൂണ്‍ ലോകം സര്‍വ പിന്തുണയും പ്രഖ്യാപിച്ചു കഴിഞ്ഞു. പ്രതിഷേധം രേഖപ്പെടുത്തുന്നതിന്റെ ഭാഗമായി കേരള കാര്‍ട്ടൂണ്‍ അകാദമി ‘മമത കാര്ടൂന്‍സ് ‘ എന്നപേരില്‍ ഒരു ഓണ്‍ലൈന്‍ എക്‌സിബിഷന്‍ ആരംഭിച്ചു കഴിഞ്ഞു. ഇന്ത്യയിലെ പ്രമുഖ കാര്ടൂനിസ്ടുകള്‍ പങ്കെടുക്കുന്ന ഈ കാര്‍ട്ടൂണ്‍ പ്രദര്‍ശനം ബംഗാളിലും ആവേശം പകര്‍ന്നു കഴിഞ്ഞു. പ്രതിഷേധത്തിന്റെ തീച്ചൂളയില്‍നിന്ന് രക്ഷപെടാന്‍ മമതാ കണ്ടമാനം വിയര്‍പ്പ് ഒഴുക്കേണ്ടി വരുമെന്നതിനു ഇവിടുത്തെ ജനകോടികള്‍ക്ക് യാതൊരു സംശയവും ഇല്ല.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…