സ്തുതി

ശ്രീകൃഷ്ണദാസ്‌  മാത്തൂര്‍ 

നിന്റെ നെഞ്ചിലെങ്ങു കേള്‍പ്പൂ 

ആയുധകിലുക്കം.

ഇപ്പോഴും തുടിക്കും ക്ഷേത്ര-

നടയിലെ കുടമണികിലുക്കം,

കഴുത്തറക്കാനുള്ള ഉണര്ത്തുപാട്ട്.

ഏതു സാക്ഷിക്കണ്ണ്‍ കൊത്തി-

പ്പൊളിച്ച്    ദിഗ്വിജയദാഹം.

അര്‍ദ്ധശതകം തികച്ച 

വെട്ടിനു വായ്കുരവ പശ്ചാത്തലം

ഈ കൈവട്ടകയിലാളും 

വിമതനെരിഞ്ഞ ചുടു-

ചെന്തീച്ചിതയുഴിഞ്ഞു മുത്തി 

താണു തൊഴുതു മുക്തകണ്‍ഠമ് 

ജയഭേരി, ജയ കൊട്ടേഷന്‍.

ജയ ജയ ഭൂതനാഥം.

ഒരു കൈ ചോദിക്കുന്നു 

മറു കൈ കൊടുക്കുന്നു.

കലാപകാലം, ജനായത്തകാണ്‍ഡമ് 

ക്രയവിക്രയ മൂര്‍ധന്യകാലത്തെ  

കരിങ്കാളി, ഒരുകൈയ്യി-

ലരുംകൊലച്ചോരയിററും 

മറു കൈയ്യിലാഭിചാരപ്പെരുക്കം.

ചോരയില്‍ മുങ്ങിക്കുളിക്കും 

ഉപവസ്ത്ര, മനാദികാല 

നിഗ്രഹ മുദ്ര , കപാലമാല ..

ഭയഭക്തി , കുംഭകോണം,

മുഴുത്തേററ തോട്ടുവന്ദനം 

വിത്തവിഭ്രമം, "സ്വിസ്"ഭണ്‍ഡാരം,

നാസ്തികനോ ദംഷ്ട്ര പേടിസ്വപ്നം.

ജനായത്ത ഹൃദയമൊരു ക്ഷേത്രം 

കരിങ്കാളി രൂപം പ്രതിഷ്ിതം 

(അവി)ഭക്ത:

ഉടക്കുകില്‍  മലപ്പുറം കത്തി;

സ്തുതിക്കുകില്‍  ഇടത്തരം വൃദ്ധി..!

ജാഗ്രത.