Skip to main content

നാടുവിട്ട്‌, അനാഥനായും മാവേലി


എം.കെ.ഹരികുമാർ

        ഓണം, ഒരാളുടെ ജീവിതത്തിന്റെ ഭൂതകാലമായി നാം ആഘോഷിക്കുന്നു.
പാരമ്പര്യത്തിന്റേതല്ല; അവനവന്റെ ഭൂതകാലമാണത്‌. കുട്ടികൾക്കാവുമ്പോൾ, അവർ
ഉണ്ടാക്കിയെടുക്കുന്ന ഭൂതകാലവും.
        ഇന്നില്ലാത്തതെല്ലാം, പഴയ കാലത്തിൽ ഉണ്ടെന്ന്‌ വിശ്വസിക്കുന്നത്‌
രസമുള്ള കാര്യമാണ്‌. മനുഷ്യർക്ക്‌, അവരിൽ തന്നെ വിശ്വാസം രേഖപ്പെടുത്താൻ
ഇതാവശ്യമാണ്‌. എന്റെ കുട്ടിക്കാലത്ത്‌ ഓണം  അടുക്കാറായാൽ
മുടിവെട്ടുന്നത്‌ ഒരു തരംഗമായിരുന്നു. ഒരു വെണ്മയാർന്ന വെയിൽ പരന്നു
തുടങ്ങുന്നത്‌ മനസ്സുകളെയും പിടിച്ചുലയ്ക്കും. വെയിലിലെ തുമ്പികളാവും
നമ്മൾ. സ്നിഗ്ധവും പ്രസാദാത്മകവുമായ പകൽവെട്ടങ്ങളുടെ തലോടലിൽ, മനസിന്റെ
നല്ലചോദനകൾ കുളിച്ചു വൃത്തിയായി പൊന്തിവരും. പൂക്കൾ, അതുപോലെത്തന്നെ
ഒരാവിർഭാവമായി തോന്നുമായിരുന്നു. അതുവരെ കാണാത്ത പൂക്കളെല്ലാം,
സൈനികരെപ്പോലെ തൊടികളിൽ കാവൽ നിൽക്കും.
 മാഞ്ഞുപോകാത്ത ഇഷ്ടങ്ങൾ എത്രയോ
മുളച്ചുപൊങ്ങുന്നു!.
ഇന്ന്‌ നാടൻ പൂക്കളൊക്കെ ആർക്കെങ്കിലും വേണോ? അവയുടെ
പേരുകൾപോലും, ഷോപ്പിംഗ്‌ മാളിലേക്കുള്ള യാത്രയ്ക്കിടയിൽ
ചവറുകുട്ടയിലായിട്ടുണ്ടാവും. തൊട്ടാവാടി, തുമ്പ, കോളാമ്പി, ജമന്തി,
മുല്ല, വെണ്ട, മത്ത, ചെമ്പരത്തി പൂക്കളും മഹാമുഖ്യധാരയിൽ നിന്ന്‌
ആട്ടിയോടിക്കപ്പെട്ടിരിക്കുന്നു

. അവർക്കെല്ലാം അയിത്തമോ? ഗ്രാനൈറ്റ്‌  പതിച്ച തറകൾക്കും പുട്ടികൾ അടിച്ച ചുവരുകൾക്കും ചേരാത്ത ഈ 'ഹരിജൻ' പൂവുകൾക്കല്ലേ യഥാർത്ഥത്തിൽ ഗൃഹാതുരത്വം?
        ഓണം ഒരു മറവിയുമാണ്‌. ഓരോ ഉരുളയും കഴിച്ച്‌ മറക്കാനുള്ളതാണ്‌ എല്ലാം.
ഒരു വിപണിയിൽ ആയിരിക്കുന്നവന്‌, ഓടാൻ ഒരു വഴിയേയുള്ളൂ. ഒരിടത്തും
ബന്ധിക്കപ്പെടാതെ, ഇഷ്ടംപോലെ സമയമുണ്ടായിരുന്നപ്പോഴത്തെ ഓണമല്ല
ഇന്നത്തേത്‌. ആ ഓണത്തിന്റെ അലകും പിടിയും മാറിപ്പോയിരിക്കുന്നു. ഇന്ന്‌
ഓണത്തോടൊപ്പം, നാം വിപണിയിലാണ്‌. പുതിയ ഉടുപ്പ്‌ കിട്ടുമെന്നത്‌,
കുട്ടിക്കാലത്ത്‌ എന്നെപ്പോലെയുള്ള ഗ്രാമീണർക്ക്‌ ആശ്വാസമായിരുന്നു.
കോളേജ്‌ ക്ലാസുകളിലെത്തിയതോടെ, അത്തരം ഉടുപ്പുകൾ കിട്ടാതായി. പഠിത്തം
കഴിഞ്ഞതോടെ ഓണമൊന്നും എന്നെ ഉദ്ദേശിച്ചല്ല വന്നുപോകുന്നതെന്ന
തിരിച്ചറിവുണ്ടായി.
        ഓണദിവസം, കുളിച്ച്‌ പുതിയ നിക്കറും ഷർട്ടുമിട്ട്‌, അല്ലെങ്കിൽ
കൈലിമുണ്ടും ഷർട്ടുമിട്ട്‌ പറമ്പിലൂടെ നടക്കുന്നതിന്റെ സ്വാതന്ത്ര്യവും
സുഖവും എന്നേക്കും നഷ്ടപ്പെട്ടു. ഇപ്പോൾ പുതിയ ഉടുപ്പ്‌ തരാൻ ആരും
ശ്രമിച്ചു കാണാറില്ല. കുട്ടികൾക്ക്‌ മാത്രമായി ഓണത്തെ ചുരുക്കിയവരാണ്‌
അധികവും. കുട്ടിക്കാലത്ത്‌ എനിക്ക്‌ പുത്തനുടുപ്പ്‌ തയ്ച്ചുതന്ന നാരായണൻ
ചേട്ടൻ, ഇക്കൊല്ലത്തെ തന്റെ ഓണം അടുത്ത വർഷത്തേക്ക്‌
മാറ്റിവയ്ക്കുകയാണെന്ന്‌ പറഞ്ഞതിന്റെ പൊരുൾ ഇപ്പോൾ ശരിക്കും
മനസ്സിലാകുന്നുണ്ട്‌. നല്ല സ്മൃതിയാണെങ്കിലും ഇന്ന്‌ ഇതൊക്കെ കൊണ്ടു
നടക്കാൻ ഒരു ഗ്രാമമോ നഗരമോ എന്നോടൊപ്പമില്ല. കുടുംബാംഗങ്ങളോടൊത്തുള്ള ഒരു
നഗരം ചുറ്റൽ തന്നെ, എന്റെ ഓണത്തിന്റെ ഭൂപടം കാണിച്ചുതരുന്നു.
        കടകളുടെ മുമ്പിൽ, വയറുചാടി, ബുദ്ധിമരവിച്ച്‌, ഉദാസീനതയോടെ നിൽക്കുന്ന
മാവേലിമാരെയും നാം സൃഷ്ടിച്ചു കഴിഞ്ഞു. നല്ലപോലെ കുടിക്കുന്ന നമുക്ക്‌
കുടിക്കുന്ന മാവേലി തന്നെ ശരണം. കടകളിലേക്ക്‌ ആളുകളെ ആകർഷിക്കാനുള്ള,
ജീവനുള്ള കോലമാകാനെങ്കിലും മാവേലിക്ക്‌ കഴിഞ്ഞു എന്നത്‌, പ്രോഫഷണൽ
ലോകത്ത്‌ നട്ടം തിരിയുന്ന ചെറുപ്പക്കാരുമായി തുലനം
ചെയ്യുമ്പോൾ,ആശ്വസിക്കാനുള്ള കാര്യമാണ്‌.
        ഒരു സോപ്പിന്റെ, ടിവിയുടെ, തുണിക്കടയുടെ പരസ്യമോഡലാകാൻ തയ്യാറെടുക്കുന്ന
മാവേലി, ശരിക്കും നാടുനഷ്ടപ്പെട്ടവനാണ്‌. അനാഥനാക്കപ്പെട്ട ഒരു രാജാവിന്‌
പൗരബോധത്തിന്റെ അടിസ്ഥാനത്തിൽ നാം നൽകുന്ന അഭയം സാംസ്കാരികവുമാണത്രേ-

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…