Skip to main content

ദൈവത്തിന്റെ സ്വന്തം നാട്ടിൽ




എം.കെ.ജനാർദ്ദനൻ

കാഴ്ചയിൽ സുരസുന്ദരിക്കുട്ടി. ശാലിനിയെക്കണ്ടാൽ വിഭാതം വിരിയിച്ച
പനിനീർപുഷ്പം പോലെ തോന്നി. വയസ്സു പതിനാറിന്റെ ചവിട്ടു
പടിയിലെത്തിയതെയുള്ളു. എല്ലാറ്റിനും അതിസമർത്ഥ. പ്രായത്തിൽ കവിഞ്ഞ
ഊർജ്ജസ്വലത. ഏതു കാര്യത്തിലും മുന്നിൽ.
        എന്നാൽ ഒരു സുപ്രഭാതം മുതൽ കുട്ടി മൗനിയായിത്തീർന്നു. ആരോടും
സംസാരമില്ല. ഏത്‌ നേരവും വിഷാദ വിചാരം മൗനം. ദുഃഖം ഗ്രസിച്ച മുഖത്തോടെ
മൗനം വിഴുങ്ങിക്കളഞ്ഞ ഭാവത്തോടെമാത്രമെ അവളെ എല്ലാവർക്കും കാണാൻ
കഴിഞ്ഞുള്ളൂ! സ്കൂളിൽ എല്ലാ കാര്യത്തിലും അവളെ
പ്രോത്സാഹിപ്പിച്ചിരുന്നത്‌ വിനീത ടീച്ചറും എൽസമ്മ ടീച്ചറുമാണ്‌. വിനീത
ശാലിനിയുടെ ഭാവേഭേദം കണ്ട്‌ എൽസമ്മ യോടു പറഞ്ഞു. "നമ്മുടെ
ശാലിനിക്കുട്ടിക്കു എന്തുപറ്റി? അവളാകെ തകർന്നതുപോലെയുണ്ടല്ലോ? വല്ല
പ്രണയക്കുരുക്കിലും അകപ്പെട്ടിരിക്കുമോ?
എൽസമ്മയുടെ പ്രതികരണം.
"ശരിയാ എനിക്കും തോന്നി. എന്തോ കുഴപ്പമുണ്ട്‌. ഒന്നിലും
ഉത്സാഹമില്ലാത്തവളായി മാറിയിരിക്കുന്നു" നമുക്കവളെ ഒന്നു കൗൺസിലിംഗ്‌
നടത്തിനോക്കിയാലോ?
ശരിയാ...
അടച്ചിട്ട ഒരു ക്ലാസ്സ്‌ മുറിയിൽ വിനീതയ്ക്കും എൽസമ്മയ്ക്കും മുന്നിൽ
ശാലിനി ഇരുന്നു.
അവരുടെ സ്നേഹസാന്ത്വന ശബ്ദം പുറത്തെത്തി. "നിനക്കെന്തു പറ്റി കുട്ടി.
ഞങ്ങളോടു തുറന്നു പറ.
അവൾ പ്രതിമപോലെ ഇരുന്ന ഉറക്കെ നിശ്വസിച്ചുകൊണ്ടിരുന്നു.
അവർ വിട്ടില്ല.
നിരന്തര പ്രേരണകളിൽ മനസ്സിളകി അവൾ പൊട്ടിക്കരയാൻ തുടങ്ങി. എല്ലാവരേക്കാൾ
തന്നെ സ്നേഹിക്കുന്ന അധ്യാപികമാരാണു മുന്നിലിരിക്കുന്നത്‌. അവൾക്കു
മനസ്സു തുറക്കാതിരിക്കാൻ കഴിഞ്ഞില്ല. അവൾ വിങ്ങി.
"എന്നും എന്റെ സ്വന്തം അച്ഛൻ തന്നെ എന്നെ പീഡിപ്പിക്കുന്നു ടീച്ചർ. ഞാൻ
ഗർഭിണിയാണ്‌."സകല നിയന്ത്രണവുമറ്റ്‌ അവൾ കരയാൻ തുടങ്ങി.
        ടീച്ചർമാരും ഹെഡ്മിസ്ട്രസ്സും കൂടിയാലോചിച്ച്‌ പോലീസിൽ പരാതി നൽകി.
ചെറുപ്പത്തിൽ അമ്മ മരിച്ചിരുന്ന അവൾ അച്ഛനൊപ്പമാണു വളർന്നത്‌.
മുതിർന്നപ്പോൾ...
     സ്റ്റേഷനിൽ വന്ന്‌ ടീച്ചർമാർക്കു മുന്നിൽ അച്ഛൻ
ഓച്ഛാനിച്ചുനിന്നു. തലതാഴ്‌ന്നിരുന്നു. ഇൻസ്പെക്ടർ  ലാത്തികൊണ്ട്‌
താടിയുയർത്തി കൽപിച്ചു.
"മുഖത്തുനോക്കടാ, ഡെവിൾ"
ഭൂമിയിൽ സ്വന്തം മകളെ മാത്രമെ നീയിതിനു കണ്ടുള്ളൊ?
ഒരച്ഛനെ കവിഞ്ഞ്‌ ആരുടെ സുരക്ഷയാണ്‌ ഒരുമകൾക്ക്‌ ലോകത്ത്‌
പ്രതീക്ഷിക്കാവുന്നത്‌? പറയെടാ റാസ്കൽ. പ്രതിയുടെ കൂസലില്ലാത്ത നിൽപ്‌
കണ്ട്‌ ആറാംവാരിക്കിട്ട്‌ സി.ഐ കുറുവടികൊണ്ട്‌ നല്ലപോലെ വേദനിക്കുംമട്ടിൽ
ഒരു കുത്തു കൊടുത്തു. അയ്യോ' എന്ന്‌ അച്ഛൻ കരഞ്ഞു പോയി.
സി.ഐ ചോദിച്ചു "സ്വന്തം നീച പ്രവൃത്തിയെക്കുറിച്ച്‌ നിനക്കെന്താണു
പറയാനുള്ളത്‌ കേൾക്കട്ടെ.
പ്രതി പറഞ്ഞു. "അവളെ കാണുമ്പോൾ എപ്പോഴും എനിക്കങ്ങിനെ തോന്നുന്നു."
സി.ഐ കയർത്തു. നിന്റെയൊക്കെ ....... ഛേദിച്ചു കളയുകയാണ്‌ ഇത്തരം പീഡനങ്ങൾ
പ്രിവന്റു ചെയ്യുവാനുള്ള ഏകവഴി. പക്ഷെ നിയമം അനുവദിക്കുന്നില്ലല്ലോ?
നിയമം തിരുത്തുകയാണ്‌ രാജ്യത്ത്‌ ആദ്യം ചെയ്യേണ്ടത്‌! എന്തു ചെയ്യാം.
പുവർ നേഷൻ.
        അച്ഛന്റെ കൈകൾക്കു വിലങ്ങുവയ്ക്കപ്പെട്ടു. മകളുടെ ചാരിത്രംകവർന്ന
കുറ്റത്തിന്‌ ജയിലടക്കപ്പെട്ടു അയാൾ. പത്രത്തിൽ വാർത്ത വന്നതിനൊപ്പം
ശാലിനിയേയും പിന്നെ അവളുടെ ശേഷ ജീവിതവും സുരക്ഷയും പഠനവും ചിലവുമെല്ലാം
ഒരു പൂവർ ഹോം ട്രസ്റ്റുകാർ ഏറ്റെടുത്തു. അവളുടെ മനസ്സിനെ വീണ്ടെടുക്കാൻ
കൗൺസിലിംഗും ഏർപ്പെടുത്തപ്പെട്ടു. ശാലിനിയെ സുരക്ഷിതവളയത്തിലാക്കി
മടങ്ങുമ്പോൾ വിനീത ഗദ്ഗതപൂർവ്വം ചോദിച്ചു.
"ദൈവത്തിന്റെ സ്വന്തം നാടെന്നു ഈ നാടിനു ആരാണ്‌ വിളിച്ചതു എൽസമ്മേ"
എൽസമ്മ മറുപടി പറഞ്ഞതിപ്രകാരം .
"ആ വിഡ്ഢിയെക്കുറിച്ചുതന്നെയാണ്‌ വിനീത ഞാനും ആലോചിച്ചുകൊണ്ടിരുന്നത്‌.
ഒരു പക്ഷെ നമ്മൾ അവഗണിച്ചിരുന്നെങ്കിൽ അവൾ എന്താകുമായിരുന്നു.?
അതോർമ്മിപ്പിക്കാതെ. നെഞ്ചുതകർന്നുപോകും. ദൈവകൃപയാൽ അവൾ രക്ഷപ്പെട്ടല്ലോ
നമ്മൾ അതിനു നിമിത്തമായത്‌ ഭാഗ്യം."
അവർ വീടുകളിലേക്ക്‌ കാലത്തിന്റെ പ്രഹരമേൽക്കേണ്ടി വന്ന മനസ്സുകളോടെ മടങ്ങി.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…