23 Nov 2012

മൂന്നു കവിതകൾ


സഹീറ തങ്ങൾ

 ആഴം

നിശ്ശബ്ദത
നൃത്തം ചെയ്യാനാരംഭിച്ചു
ഇത്തവണ
നിയന്ത്രണ വിധേയമായിരുന്നു

യാത്ര പറഞ്ഞകന്നിട്ടും
എന്തോ മറന്നു വച്ചെന്നു പറഞ്ഞു
തിരികെയെത്തി


ഒരിക്കലും
തിരിച്ചെടുക്കാനാവത്തിടത്ത്
ആണ്ടുകിടക്കുകയാണെന്നറിഞ്ഞിട്ടും
പരതുന്നു

ഒരു കോമപോലുമിടാനാവാത്ത വരികൾ
പടർന്നുകൊണ്ടേയിരിക്കുന്നു


കരട്
തീക് ഷണതയുടെ
വെളുത്ത ഏടിൽ
ഇന്നലെ ഒരു കരടു വീണു
തുടച്ചിട്ടും
ഊതിയിട്ടും
കത്തിച്ചിട്ടും
അത് അവശേഷിക്കുന്നു
കുത്തിയിരുന്നു
വിറയ്ക്കുന്ന
എന്നെത്തന്നെ
ആ കരട്
കാറ്റിൽ പറത്തുന്നു

 അഗ്നിഹോത്രം
തീ,
ഈയ്യാമ്പാറ്റകളോട്:
അടുത്തു വരരുത് ,
കരിഞ്ഞു പോകും

കത്തിയമർന്നു കൊണ്ട് പ്രണയിച്ച
ഈയ്യാമ്പാറ്റകൾ തീയ്യോട്:
'എന്തൊരു കുളിരാണ് ...നിന്റെ പ്രണയത്തിനു'

എം കെ ഹരികുമാർ ഓണപ്പതിപ്പ്‌ 2020

ഗസ്റ്റ് എഡിറ്റോറിയൽ ഇരവി       എം.കെ.ഹരികുമാറിൻ്റെ കവിതകൾ കാവ്യഭാരതം വിഷണ്ണരാവുന്നത് അവരവരുടെ വഴിയിൽ കൊറോണയുടെ മാന്ത്രിക യാഥാർത്ഥ്യം. എന്റെ ...