ക്ലിയോപാട്രയുടെ കാമുകര്‍

ലിജീഷ് കുമാര്‍ 


നിങ്ങള്‍ ക്ലിയോപാട്രയെ കണ്ടിട്ടുണ്ടോ ? തൊട്ടാല്‍ ചോര പൊടിയുന്ന തിരശീലയില്‍ ആടയാഭരണങ്ങള്‍ക്കും നക്ഷത്രവിളക്കുകള്‍ക്കും മധുചഷകങ്ങള്‍ക്കുമിടയില്‍, കൂര്‍ത്ത നോട്ടവും പഞ്ഞിയുടലുമായി.. !
പില്‍ക്കാലങ്ങളില്‍ അവളെ കണ്ടെത്തിയ വാരികപ്പുറങ്ങളില്‍ അവള്‍ക്കു പേര് എലിസബത്ത് എന്നായിരുന്നു; എലിസബത്ത് ടൈലര്‍. ജയഭാരതിയെയും സ്മിതയെയും കണ്ടു തളര്‍ന്ന കണ്ണുകള്‍ ക്ഷീണമേതും കാണിക്കാതെ എത്ര പാതിരാവുകളില്‍ അവളെയും കാത്തിരുന്നു കാണും. ഉറക്കം തെറ്റിയ കൌമാരം വിട്ട് ഉണര്‍ന്നപ്പൊഴാണറിഞ്ഞത് റൊണാള്‍ഡ് റീഗന്‍ മുതല്‍ ജോണ്‍ എഫ് കെന്നഡി, റോബോര്‍ട്ട് സ്റ്റാക്ക്, പോള്‍ ന്യൂമാന്‍, ഫ്രാങ്ക് സിനട്ര, പീറ്റര്‍ ലാഫോര്‍ഡ്, എരോള്‍ ഫ്‌ളെയിം, ടോണി കര്‍ത്ത്‌സ്, അങ്ങനെയങ്ങനെ അവളോടൊപ്പം ഉറങ്ങിയത് കൊണ്ട് മാത്രം ഉറങ്ങാതായ ഒത്തിരിപ്പേര്‍ ഉണ്ടായിരുന്നുവത്രേ.

 കണ്ണേ നിന്റെ യോഗം / എന്റെയും. മുന്‍ അമേരിക്കന്‍ പ്രസിഡണ്ട് റീഗനെ പ്രണയിക്കുമ്പോള്‍ അവള്‍ക്കു പ്രായം 15. അന്ന് ഞാനില്ല. ഇന്നവളും. മണ്ണെടുത്തിട്ടും കാമം വമിക്കുന്ന അവളുടെ ഉടല്‍ രഹസ്യത്തിന്‍റെ കഥകളുമായി എഴുത്തുകാരായ ഡാന്‍ഫോര്‍ത്ത് പ്രിന്‍സും ഡാര്‍വിന്‍ പോട്ടറും വീണ്ടുമെത്തുന്നു. ‘എലിസബത്ത് ടെയ്‌ലര്‍ : ദെയര്‍ ഈസ് നത്തിംഗ് ലൈക്ക് എ ഡെയിം’ എന്ന പുസ്തകവുമായി.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

സ്ത്രീസ്വത്വാന്വേഷണം മലയാളസാഹിത്യത്തിൽ

ജൈവവളം മാത്രം പോരേ?