ഡോ .കെ.ജി.ബാലകൃഷ്ണന്
പാട്ടുപാടി
തലോടി
കണ്ണിലൂതി
ഇരുട്ടില് പൊതിഞ്ഞ്
നിനക്കെന്നെ
ഉറക്കാം.
ഒച്ച വെച്ച് തൊട്ടുതൊട്ടു
കണ്പീലിയില് ഉമ്മ തന്ന്
വെളിച്ചം പകര്ന്ന്
ഉണര്ത്താം.
മധുരം തന്ന് മയക്കാം;
കൈപ്പേകി ഉറക്കം
കെടുത്താം.
മുല്ലപ്പൂ മണത്താല്
അനുഗ്രഹിക്കാം;
വിഷവാതകം തന്ന്
നിഗ്രഹിക്കാം.
കൂടാതെ,
പാരതന്ത്ര്യത്തില് മുക്കി
ശ്വാസം മുട്ടിച്ചു കൊല്ലാം;
സ്വാതന്ത്ര്യ ചിറകു തന്ന്
മഹാപ്രപഞ്ചം മുഴുവന്
പറത്താം!