Skip to main content

ലിംഗമാറ്റം


ബിജോയ്കൈലാസ്


പത്മദളാക്ഷന്‍ നൈസര്‍ഗിക സാഹിത്യവാസനയുള്ള ഒരു ശുദ്ധാത്മാവായിരുന്നു. സാമാന്യം തെറ്റില്ലാതെ എഴുതിയിരുന്ന അയാള്‍ തന്റെ സൃഷ്ടികള്‍ പ്രസിദ്ധീകരിച്ചു കാണാന്‍ അതിയായി ആശിച്ചിരുന്നു. അങ്ങനെയാണ് അയാള്‍ ബ്ലോഗെഴുത്തിനെക്കുറിച്ച് അറിഞ്ഞതും അതാരംഭിച്ചതും.
ഓരോ സൃഷ്ടിയും പോസ്റ്റ്‌ ചെയ്യുമ്പോള്‍, പാവം, ഒരുപാട് ലൈക്‌ പ്രതീക്ഷിച്ചിരുന്നു.പക്ഷെ അയാളുടെ കൃതികള്‍ക്ക് യാതൊരു പരിഗണനയും കിട്ടിയിരുന്നില്ല.
ഒടുവില്‍ പത്മദളാക്ഷന്‍ ഒരു തൂലികാനാമം സ്വീകരിച്ചു…പത്മം. പ്രൊഫൈലിലും ചില്ലറ മാറ്റങ്ങള്‍ വരുത്തി.
തുടര്‍ന്ന് ബ്ലോഗന്മാരുടെ ഇടയില്‍ ഒരു തരംഗമായി പത്മം മാറി.
പത്മത്തിന്റെ കൃതികള്‍ക്ക് ലോകത്തിന്‍റെ നാനാഭാഗത്തുനിന്നും ആരാധകന്മാര്‍ ബഹുമതികള്‍ വാരിക്കോരി ചൊരിഞ്ഞു.
എല്ലാ എഴുത്തുകാരെയും തെറിയഭിഷേകം നടത്തി നിശിതമായി വിമര്‍ശിക്കുകയും കളിയാക്കുകയും ചെയ്യുന്ന മലയാള പണ്ഡിതനായ മധ്യതിരുവിതാംകൂറുകാരന്‍ അച്ചായന്‍ പത്മത്തിന്‍റെ രചനകളെ വാനോളം പുകഴ്ത്തി. പുതു തലമുറ എഴുത്തുകാരും വിദേശ മലയാളികളികളും കൂടാതെ നവസാഹിത്യ സങ്കേതങ്ങളില്‍ പ്രതിഭകളും ആസ്വാദകരും ആയി വിലസുന്നവരായ എല്ലാ പുലികളും പത്മത്തിന്‍റെ ആരാധകരായി മാറി. പത്മത്തെ പ്രണയിക്കാന്‍ തുടങ്ങിയ ദുര്‍ബല മനസ്കരും എണ്ണത്തില്‍ കുറവല്ലായിരുന്നു.
പ്രണയത്തെക്കുറിച്ച് പത്മം എഴുതിയതുപോലെ മറ്റാര്‍ക്കും എഴുതാന്‍ കഴിയില്ലെന്നും, സ്ത്രീകളുടെ സൃഷ്ടികളെ പെണ്ണെഴുത്തെന്ന് പറഞ്ഞു കളിയാക്കുന്നവര്‍ക്ക് പത്മമാണ് തങ്ങളുടെ മറുപടിയെന്നും സ്ത്രീവിമോചനപ്രസ്ഥാനക്കരായ പെണ്‍ ശിങ്കങ്ങള്‍ പൊതുയോഗങ്ങളില്‍ പറഞ്ഞും, ആനുകാലികങ്ങളില്‍ എഴുതിയും അഭിമാനം കൊണ്ടു.
അങ്ങനെ ഒടുവില്‍ ലോകമാസകലമുള്ള ആരാധകര്‍ ചേര്‍ന്ന് പത്മത്തെ അവാര്‍ഡ്‌ നല്‍കി ആദരിക്കാന്‍ തീരുമാനിച്ചു.
പ്രൊഫൈലില്‍ നിന്ന് ലഭിച്ച ഇ മെയില്‍ അഡ്രസ്‌ മുഖേന ഇക്കാര്യം അവര്‍ തങ്ങളുടെ പ്രിയപത്മത്തെ അറിയിച്ചു. ക്ഷണം സ്വീകരിക്കപ്പെട്ടു.
ആരാധകര്‍ക്ക്‌ മുഖം നല്‍കാത്ത പത്മം ഇതാ ആദ്യമായി അരങ്ങത്തേക്ക്. മാധ്യമങ്ങളില്‍ വാര്‍ത്ത പ്രചരിച്ചു.
പത്മത്തിന്‍റെ പ്രൊഫൈലില്‍ സിംഗിള്‍ എന്ന് കണ്ടതുകൊണ്ടാകാം ആരാധകരായ ആണ്‍പുലികള്‍ മുഖം മിനുക്കിയും ഗള്‍ഫ്‌ ഗേറ്റും ഇന്‍ ഷേപും ധരിച്ചു സുന്ദരന്മാരായും സ്വീകരണ സ്ഥലത്ത് നിറഞ്ഞു തുടങ്ങി.
പുരസ്കാരം നല്‍കുവാന്‍ എത്തിയ ഒരിക്കലും ചിരിക്കാത്ത മഹാ സാഹിത്യകാരന്‍റെ മുഖത്തും ഒരു മന്ദസ്മിതത്തിന്‍റെ ഇത്തിരിവെട്ടം തെളിഞ്ഞുവോ എന്ന് ദോഷൈകദൃക്കുകള്‍ സംശയിച്ചു.
ചടങ്ങുകള്‍ ആരംഭിക്കുവാന്‍ സമയമായി. എല്ലാവരും ആകാംക്ഷയോടെ പത്മത്തെ പ്രതീക്ഷിച്ചു നിന്നു.
പത്മത്തെ സ്വീകരിക്കുവാന്‍ ഉത്സുകരായി നിന്നിരുന്ന പത്മവ്യൂഹത്തിലേക്ക് ഒരു ഓട്ടോറിക്ഷ വന്നു നിന്നു. മാലയും പൂച്ചെണ്ടുകളും നീട്ടി ഓടിയെത്തിയ ആരാധക വൃന്ദത്തെ ഇവന്‍റ് മാനേജ്മെന്റ് ഗുണ്ടകള്‍ തടഞ്ഞു. റിക്ഷയില്‍ നിന്നു പുറത്തിറങ്ങിയ മെലിഞ്ഞു ചടച്ച മധ്യവയസ്കനെ ഒരു ഇവന്‍റ് മാനേജ്മെന്റ് ഗുണ്ട കഴുത്തിനു പിടിച്ച് പുറത്ത് വഴിയിലേക്ക്‌ തള്ളി.
പത്മം എത്തിച്ചേരാത്തതിനാല്‍ പുരസ്കാര ദാനച്ചടങ്ങ് മുടങ്ങി.
വേദനിക്കുന്ന കഴുത്തില്‍ ബാമിട്ട് ഉഴിഞ്ഞതിനു ശേഷം പത്മദളാക്ഷന്‍ തന്‍റെ തൂലികാനാമത്തില്‍ അവസാനമായി ഒരു സാഹിത്യസൃഷ്ടിക്കുകൂടി തുടക്കം കുറിച്ചു….”പത്മം പുരുഷനായ കഥ”.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…