Skip to main content

ബ്ലെസ്സിയെ വിമർശിക്കുന്നവർ ഓർക്കുക


ഷാജി തലോറ

    പ്രകൃതി ലോകത്തിനുനൽകിയ ഉദാത്തവും അനിർവചനീയവുമായ സ്ഥാനമാണ്‌ മാതൃത്വം. സ്ത്രീത്വത്തിന്റെ പൂർണ്ണതയും മഹത്വവുമാണ്‌ അത്‌. അമ്മയും കുഞ്ഞും തമ്മിലുള്ള ആത്മബന്ധത്തിന്റെ പൊരുൾ ഇതുവരെ ഒരു ശാസ്ത്രത്തിനും വസ്തുനിഷ്ഠമായി തെളിയിച്ചെടുക്കാനും സാധിച്ചിട്ടില്ല. ഒരു സ്ത്രീ ഏറ്റവും അധികം വേദന അനുഭവിക്കുന്നതും ഏറ്റവും അധികം സന്തോഷം അനുഭവിക്കുന്നതും അവൾ അമ്മയാകുമ്പോഴാണ്‌. മാതാവിന്റെ ഗർഭപാത്രത്തിൽ ഒരു കുട്ടി ഭ്രൂണാവസ്ഥ പ്രാപിക്കുന്ന നാൾതൊട്ട്‌ തുടങ്ങുന്ന ആ ബന്ധം പൊക്കിൽക്കൊടി വേർപെടുന്നതിനുശേഷവും അതിന്റെ ആത്മീയവും ഭൗതീകവുമായ ബന്ധം ജീവന്റെ അവസാന ശ്വാസം വരേയും മായാതെ പിൻതുടരുന്നതുമാണ്‌. അതുകൊണ്ടുതന്നെയാണ്‌ ലോകജീവിതത്തിലെ എല്ലാ ബന്ധങ്ങൾക്കും മുകളിൽ മാതൃശിശുബന്ധം ഇടംപിടിക്കുന്നതും. ലോകത്തിന്റെ നിലനിൽപുതന്നെ ഈ ഒരു പ്രക്രിയയുടെ നൈസർഗികത കൊണ്ടുകൂടിയാണ്‌.
    അമ്മ കുഞ്ഞിന്‌ മുലയൂട്ടുന്നതും ചുംബിക്കുന്നതും ലാളിക്കുന്നതും എല്ലാം പരസ്യമായി സംഭവിക്കുമ്പോൾ ആർക്കും അതിൽ അശ്ലീലതയോ വിമ്മിഷ്ടമോ തോന്നാത്തതും മാതൃശിശുബന്ധത്തിന്റെ പവിത്രത കൊണ്ടുതന്നെയാണ്‌. ലോകസിനിമയുടെ നാൾവഴികളിലേക്ക്‌ കൺതുറന്നാൽ മാതൃശിശുബന്ധത്തിന്റേയും സ്ത്രീത്വത്തിന്റെയും രതിയുടേയും തുടങ്ങി മനുഷ്യജീവിതത്തിൽ സംഭവിക്കുന്നതും ഇനി സംഭവിക്കാൻ പോകുന്നതുമായ എല്ലാവിധ വികാരങ്ങളും വിചാരങ്ങളും സെല്ലുലോയ്ഡിൽ പകർത്തപ്പെട്ടിട്ടുണ്ട്‌. ജീവിതത്തിന്റേയും, അതിന്റെ യാഥാർത്ഥ്യത്തെയും ചോദ്യംചെയ്യുന്ന അല്ലെങ്കിൽ പൊതുസമൂഹം ഗോപ്യമായി വെക്കുന്ന പലതും വെള്ളിത്തിരയിൽ വിഷയീഭവിച്ചിട്ടുണ്ട്‌. സിനിമയിൽ ലൈംഗീകതയുടെ പ്രാധാന്യം വളരെ വലുതാണ്‌. ഒരു പരിധിവരെ സിനിമ വിറ്റുപോകുന്നതിനും സെക്സിന്‌ പങ്കുണ്ടെന്ന്‌ പറയാം. ആധുനിക സമൂഹം ഗോപ്യമായി കരുതുന്ന സെക്സിന്‌ സിനിമയിലും, സാഹിത്യത്തിലും കലകളിലും വൻ സ്വാധീനം നേടാൻ കഴിയുന്നത്‌ പ്രേക്ഷകരും, കലാ ആസ്വാദകരും അത്‌ അംഗീകരിക്കുന്നത്‌ കൊണ്ടാണ്‌. സ്ത്രീയെ ഗർഭാവസ്ഥയിലേക്ക്‌ നയിക്കുന്ന ബീജ അണ്ഡ സങ്കലനം (രതിക്രീഡ) ആവോളം വിളമ്പുന്ന സിനിമയിൽ സ്ത്രീക്ക്‌ പവിത്രസ്ഥാനം കൽപിക്കുന്ന മാതൃത്വം അഥവാ പ്രസവം ചിത്രീകരിക്കുന്നത്‌ അശ്ലീലവും, ആഭാസവുമായി കാണുന്നത്‌ സ്ത്രീയെ ഒരു ലൈംഗീക ഉപകരണമായി മാത്രം കാണുന്നതുകൊണ്ടാണ്‌. ഒപ്പം കപട സദാചാരാബോധവുമാണ്‌.
    ബ്ലെസ്സി സംവിധാനം ചെയ്ത ?കളിമണ്ണ്‌? എന്ന ചിത്രത്തിൽ ശ്വേതാമേനോൻ എന്ന അഭിനേത്രി കാണിച്ച ധീരമായ നീക്കത്തെ കല്ലെറിയുന്നത്‌ സംസ്കാരശൂന്യതയായി വേണം കണക്കിലാക്കാൻ. സിനിമാതിയേറ്ററുകൾ ലേബർർറൂം ആക്കില്ലെന്നും ശ്വേതയുടെ പ്രസവരംഗം ചിത്രീകരിച്ച കളിമണ്ണ്‌ പ്രദർശിപ്പിക്കില്ലെന്നും ഉള്ള കേരള ഫിലിം എക്സിബിറ്റേഴ്സ്‌ ഫെഡറേഷന്റെ പ്രഖ്യാപനം തീർത്തും ബാലിശവും നിരുത്തരവാദപരവുമാണ്‌. കാസർഗോഡ്‌ മുതൽ തിരുവനന്തപുരം വരെയുള്ള തിയേറ്ററുകളിൽ രതിചിത്രങ്ങൾ തകർത്തോടിയപ്പോൾ അപമാനമായി കാണില്ല അല്ലേ.

എക്സിബിറ്റേഴ്സ്‌ ഫെഡറേഷൻ പ്രസിഡണ്ട്‌ ലിബർട്ടി ബഷീറിന്റെ തലശ്ശേരി മാഞ്ഞോടിയിലുള്ള ലിബർട്ടി മൂവീസ്‌ തിയേറ്ററിൽ കുറച്ചുകാലം മുമ്പുവരെ നീലച്ചിത്രങ്ങളായിരുന്നു പ്രദർശിപ്പിച്ചുകൊണ്ടിരുന്നത്‌. കേരളത്തിലെ മറ്റനേകം തിയേറ്ററുകളുടെ അവസ്ഥയും ഇതൊക്കെത്തന്നെയാണ്‌. പ്രസവരംഗം ചിത്രീകരിച്ച സിനിമ പ്രദർശിപ്പിച്ചാൽ തിയേറ്റൽ ലേബർ ർറൂം ആകുമെങ്കിൽ നിലച്ചിത്രം പ്രദർശിപ്പിക്കുന്ന തിയേറ്ററുകൾ വേശ്യാലയം ആകുമോ ?
    ശ്വേതാമേനോൻ ഒരുപാട്‌ ചിത്രങ്ങളിൽ ഗ്ലാമർവേഷം ചെയ്തിട്ടുണ്ട്‌. ശ്വേതയുടെ ആകാരവടിവ്‌ വിറ്റ്‌ കാശുവാരിയ ചിത്രങ്ങളും ഒട്ടേറെയാണ്‌. ഒപ്പം താനൊരു മികച്ച അഭിനേത്രിയാണെന്ന്‌ തെളിയിക്കുന്ന ഒട്ടേറെ കഥാ ചിത്രങ്ങളിലും തന്റെ അഭിനയപാടവം ശ്വേത തെളിയിച്ചിട്ടുണ്ട്‌. രണ്ടുതവണ മികച്ച നടിക്കുള്ള കേരളസംസ്ഥാന സർക്കാർ അവാർഡും നേടിയ അഭിനേത്രിയാണ്‌ ശ്വേതാമേനോൻ. സിനിമയ്ക്കുവേണ്ടി തന്റെ പ്രസവം ചിത്രീകരിച്ചതു ഒരിക്കലും തെറ്റായിട്ട്‌ അവർക്ക്‌ തോന്നിയിട്ടില്ല. അതോടൊപ്പം തന്റെ കുഞ്ഞിന്റെ മുഷ്യാവകാശം ലംഘിക്കപ്പെട്ടതായും അവർ വിശ്വസിക്കുന്നില്ല.
    ലോകം തിരിച്ചറിയേണ്ട പ്രകൃതിയുടെ നൈസർഗികമായ പ്രക്രിയയാണ്‌ പ്രസവം. അതിനെ വൾഗറായി കാണുന്നത്‌ പെണ്ണിന്റെ ഏത്‌ അവയവം കാണുമ്പോഴും വികാരം വരുന്ന ഞരമ്പ്‌ രോഗമായി വേണം കണക്കിലാക്കാൻ. ആവിഷ്കാര സ്വാതന്ത്ര്യം എന്നത്‌ ഏതൊരു പൗരന്റേയും മൗലികാവകാശമാണ്‌. രാജ്യത്തിന്റെ നീതിന്യായവ്യവസ്ഥയേയോ രാജ്യ താത്പര്യങ്ങളേയോ ദേശീയ വികാരങ്ങളേയോ ഒന്നും വ്രണപ്പെടുത്തുന്ന ചിത്രമല്ല കളിമണ്ണ്‌. ഗർഭസ്ഥശിശുവും അമ്മയും തമ്മിലുള്ള ആത്മബന്ധം ആവിഷ്കരിക്കുന്ന ഇതിവൃത്തമാണ്‌ കളിമണ്ണ്‌. സ്ത്രീ ഒരു അമ്മയാകുന്നതിന്റെ നിർവൃതിയും അതിൽനിന്ന്‌ ഒരമ്മയ്ക്കുണ്ടാകുന്ന അനുഭൂതികളുമെല്ലാമാണ്‌ ബ്ലെസ്സി ഇതിൽ ചിത്രീകരിച്ചിരിക്കുന്നത്‌.
    പ്രകൃതിവിരുദ്ധപ്രസവം (സിസേറിയൻ) രീതിയാണ്‌ ആധുനിക സ്ത്രീകൾ കൂടുതലും പിൻതുടരുന്നത്‌. ഇതിന്‌ ഒരു മാറ്റം വരുത്തുവാൻ അല്ലെങ്കിൽ മാറിച്ചിന്തിക്കുവാൻ യുവതലമുറകളെ പ്രേരിപ്പിക്കുവാൻ ഈ സിനിമ ഇടയാകുമെങ്കിൽ അതുതന്നെയായിരിക്കും ഈ ചിത്രത്തിന്റെ ഏറ്റവും വലിയ നേട്ടം. പ്രകൃതിയുടെ ആരംഭം തൊട്ടേയുള്ള പ്രക്രിയയാണ്‌ പ്രസവം. എന്നാൽ ഒരു പ്രസവം എങ്ങനെ സംഭവിക്കുമെന്ന്‌ അനുഭവം ഇല്ലാത്തവർക്കും അറിയാൻ അവകാശമുണ്ട്‌. ബ്ലെസ്സിയെ വിമർശിക്കുന്നവർ ഒന്ന്‌ ഓർക്കുക. ആശയദാരിദ്ര്യംകൊണ്ട്‌ ശ്വാസംമുട്ടി ചക്കരശ്വാസം വലിക്കുന്ന മലയാളസിനിമയിൽ മാറ്റത്തിന്റെയും പരീക്ഷണത്തിന്റെയും പാതകൾ കൊട്ടിയടക്കുന്നത്‌ മലയാളസിനിമയുടെ ശവപ്പെട്ടിക്ക്‌ ആണിയടിക്കുന്നതിന്‌ തുല്യമായിരിക്കും. ഒഴുക്കിനെതിരെ നീന്തുന്നവർ മാത്രമേ ചരിത്രത്തിൽ ഇടം പിടിച്ചിട്ടുള്ളൂ. മറ്റുള്ളവ ചത്ത മീനുകളാണ്‌. മലയാളസിനിമയ്ക്ക്‌ ഇന്നാവശ്യം ഒഴുക്കിനെതിരെ നീന്തുന്ന മീനുകളെയാണ്‌. അല്ലാതെ ചത്തമീനുകളെയല്ല.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…