24 Jan 2013

അണ്ണൻ


സത്താർ ആദൂർ

ചാണകം
വാരലും അഴിച്ച്കെട്ടലും
കഴുകളും പുല്ലരിഞ്ഞ്കൊണ്ട്‌ വരലും
ഒക്കെ അങ്ങേര്‌ ചെയ്യും
തമിഴനണ്ണൻ

നാട്ടിലേക്ക്‌ പോയാൽപോലും
പൈറ്റ്‌ ദിവസം തന്നെ
തിരിച്ചെത്തുകയും ചെയ്യും

പകരം
പുലർച്ചെക്ക്‌ അണ്ണൻ
പശുവിനെ കറക്കുമ്പോൾ
ഒന്നടുത്ത്‌ ചെന്നിരിക്കണം

മാക്സി അൽപം കയറ്റികുത്തി
കുന്തിച്ച്‌ ഒന്നുമറിയാത്തപോലെ
കുറച്ച്നേരം ആ ഇരിപ്പങ്ങനെ തുടരണം

ഇടക്കണ്ണിട്ട്‌ നോക്കി
വെള്ളമിറക്കിക്കൊണ്ട്‌ അണ്ണൻകറന്നുകൊള്ളും
ഒരുതുള്ളിപോലും ബാക്കിവെക്കാതെ...

ക്ഷീരസഹകരണ സംഘത്തിൽ
കൊണ്ടുപോയി കൊടുത്ത്‌
അണ പൈ എടുക്കാതെ
കൊണ്ടുവന്ന്‌ തരികയും ചെയ്യും

നാട്ടിൽപോകുമ്പോൾ
ഒന്നും കൊടുത്തില്ലെങ്കിൽ പോലും
അണ്ണൻ പരാതി പറയാറുമില്ല

എം കെ ഹരികുമാർ ഓണപ്പതിപ്പ്‌ 2020

ഗസ്റ്റ് എഡിറ്റോറിയൽ ഇരവി       എം.കെ.ഹരികുമാറിൻ്റെ കവിതകൾ കാവ്യഭാരതം വിഷണ്ണരാവുന്നത് അവരവരുടെ വഴിയിൽ കൊറോണയുടെ മാന്ത്രിക യാഥാർത്ഥ്യം. എന്റെ ...