Skip to main content

വലുതും ചെറുതുമായ പാമ്പുകൾ


ഡോ.വേണു തോന്നയ്ക്കൽ

പാമ്പുകൾ പത്ത്‌ സെന്റീമീറ്റർ മുതൽ ഒമ്പത്‌ മീറ്റർ വരെ പല വലിപ്പത്തിലുണ്ട്‌. ദക്ഷിണ അമേരിയ്ക്കയിൽ കാണുന്ന അനകൊണ്ടകളാണ്‌ പാമ്പുകളിൽ ഏറ്റവും വലിപ്പമുള്ളത്‌. ഇവ വിഷമില്ലാത്ത പാമ്പുകളാണ്‌. ആമസോൺ നദിയ്ക്ക്‌ ഇരുകരകളിലേയും വനഗർഭങ്ങളിൽ അനകൊണ്ടകൾ സ്വന്തം വലിപ്പത്തിന്റെ അഹങ്കാരത്തിൽ ഇഴഞ്ഞു നടക്കുന്നു. ഒമ്പത്‌ മീറ്റർ നീളമുള്ള അനക്കൊണ്ടകളുണ്ട്‌. ഇവയ്ക്ക്‌ ഒരു മാനിനെ വളരെ ലാഘവത്തോടെ വിഴുങ്ങാനാവുന്നു. വിഷമുള്ള പാമ്പുകളിൽ ഏറ്റവും വലുത്‌ രാജവെമ്പാലയാണ്‌. കിംഗ്‌ കോബ്ര. ഒഫിയോഫാഗസ്‌ ഹന്ന എന്നാണ്‌ ശാസ്ത്രനാമം. 5.6 മീറ്റർ നീളം വരും.
    ഇന്ത്യയിലെ പാമ്പുകളിൽ ഏറ്റവും വലുത്‌ റെറ്റിക്കുലേറ്റഡ്‌ പിതൺ ആണ്‌. ഇതാണ്‌ പെരുമ്പാമ്പ്‌. വിഷമില്ലാത്ത ജാതിയാണ്‌. ഇവയെക്കുറിച്ച്‌ ഇന്നും നമ്മുടെ നാട്ടിൽ ധാരാളം അന്ധവിശ്വാസങ്ങൾ പ്രചരിക്കുന്നുണ്ട്‌. കാട്ടിൽ മരം വെട്ടാൻ പോയവരായിരുന്നു ഇത്തരം കഥകളുടെ സൃഷ്ടാക്കൾ.
    ആഫ്രിക്കയിലെ ഏറ്റവും വലിയ പാമ്പാണ്‌ ബ്ലാക്ക്‌ മംബ  Dendroaspis polylepis എന്ന്‌ ശാസ്ത്രനാമം. ഇത്‌ വിഷപാമ്പാണ്‌. വിഷപാമ്പുകളിൽ ലോകത്തൊന്നാമൻ രാജവെമ്പാലയെങ്കിൽ ഇവൻ രണ്ടാമനാണ്‌. നീളം നാലര മീറ്റർ (4.5 മീ) വരും. ഏകദേശം 1.6 കിലോഗ്രാം ഭാരം വരും. ഈ പാമ്പാണ്‌ വലിപ്പത്തിൽ ഒന്നാമനെന്ന്‌ ചില ശാസ്ത്രഗ്രന്ഥകാരന്മാർ എഴുതി കണ്ടിട്ടുണ്ട്‌. അത്‌ ശരിയല്ല. എന്നാൽ ഏറ്റവും വേഗതയിൽ സഞ്ചരിക്കുന്ന ഒരു പാമ്പാണിത്‌. മണിക്കൂറിൽ 16 കി.മീ മുതൽ 20 കി.മീറ്ററാണ്‌ വേഗത. ഈ പാമ്പിന്‌ ഒരാളെ കടിയ്ക്കണമെന്നു നിനച്ചാൽ ഓടി രക്ഷപ്പെടാനാകില്ല.
    ഇവരാരുമല്ല നാഗരാജാവ്‌. അത്‌ TITANOBA എന്നയിനം പാമ്പാണ്‌. അതിന്‌ നീളം 15 മീറ്റർ. അതായത്‌ 49 അടി. മനുഷ്യന്റെ ഉയരം 6 അടി എന്നതാണ്‌ കണക്കാക്കുന്നത്‌. ഈ പാമ്പ്‌ ഇന്ന്‌ ജീവിച്ചിരിപ്പില്ല. ഈ പാമ്പിന്റെ ഫോസിൽ കണ്ടെത്തിയിരിക്കുന്നു. മരിച്ച്‌ മണ്ണടിഞ്ഞ നാഗരാജാവിന്‌ സ്തുതി.
    ഏറ്റവും ചെറിയ പാമ്പ്‌ ടൈനി വേം സ്നേക്ക്‌ ആണ്‌. ഒരു മണ്ണിരയുടെ വലിപ്പം. തിളങ്ങുന്ന പച്ചയോ മങ്ങിയ തവിട്ടുനിറമോ ആണ്‌. മരങ്ങളിലും മണ്ണിനടിയിലും സമുദ്രങ്ങളിലും കഴിയാനുള്ള അനുകൂലനങ്ങളും പ്രാപ്തിയുമുണ്ട്‌. എലികൾ, പക്ഷികൾ, മത്സ്യങ്ങൾ, മറ്റ്‌ പാമ്പുകൾ എന്നിവ ഇവയെ ആഹാരമാക്കുന്നു.
    കെരറ്റനിൽ തീർത്ത പരുക്കൻ ശൽക്കങ്ങൾ കൊണ്ടാണ്‌ പാമ്പിന്റെ ചർമ്മമുണ്ടാക്കിയിരിക്കുന്നത്‌. ശരീരത്തിനടിവശത്തുള്ള ശൽക്കങ്ങളുടെ ഘടന പാമ്പിന്റെ സഞ്ചാരത്തിന്‌ സഹായിക്കുന്നു. നടക്കാൻ കാലുകളില്ലാത്തതിനാൽ ശൽക്കങ്ങളാണ്‌ യാത്രയ്ക്ക്‌ സഹായിക്കുന്നത്‌. പാമ്പുകൾ നിരന്തരം വളർന്നു കൊണ്ടേയിരിക്കുന്നു. ശരീരവളർച്ചയ്ക്കനുസരിച്ച്‌ ചർമ്മം വളരുന്നില്ല. അതിനാൽ ചർമ്മം യൂറിഞ്ഞു കളയുന്നു. അതാണ്‌ പടം പൊഴിച്ചിൽ അഥവ മോൾട്ടിംഗ്‌. പാമ്പിന്റെ കീഴ്ച്ചുണ്ടിൽ നിന്നുമാണ്‌ പടം പൊഴിച്ചിൽ ആരംഭിക്കുന്നത്‌. അത്‌ വാലറ്റംവരെ നീളുന്നു.
    ഒരു കൊച്ചുതല ശരീരവലിപ്പം വച്ചു നോക്കുമ്പോൾ തീരെ ചെറിയ മസ്തിഷ്കം. ഒട്ടും പരിണാമമില്ലാത്ത ജൈവപിണ്ഡം. ശ്രവണേന്ദ്രിയമില്ല. അന്തരകർണ്ണമുണ്ട്‌. അതിനാൽ വായുവിൽ കൂടി വരുന്ന ശബ്ദം കേൾക്കാനാവില്ല. എന്നാൽ തറയിൽ ഉണ്ടാവുന്ന ചെറിയ ശബ്ദം പോലും അറിയാനാവുന്നു. കൺപോളകളില്ലാത്ത കണ്ണുകൾ. നിശ്ചല രൂപത്തേക്കാൾ ചലിക്കുന്ന ദൃശ്യങ്ങളാണ്‌ കണ്ണുകളിൽ നന്നായി തെളിയുന്നത്‌. അതാണ്‌ മുൻ ലേഖനത്തിൽ പാമ്പാട്ടിയുടെ മകുടിയ്ക്കൊത്ത്‌ പാമ്പ്‌ ആടുന്നതിന്റെ രഹസ്യം. പാമ്പിന്‌ ശ്വാസകോശങ്ങളിലൂടെ ചിലതരം ശബ്ദങ്ങൾ അറിയാവുന്നതാണ്‌.
    പാമ്പിനെ ശ്രദ്ധിക്കുക. വെറുതെയിരിക്കുമ്പോഴും അഗ്രം പിളർന്ന നാവ്‌ പുറത്തേയ്ക്കിട്ട്‌ അനക്കുന്നത്‌ കാണാം. ഗന്ധമറിയാനും ഇരതേടാനും ഇത്‌ സഹായിക്കുന്നു. കീഴ്താടി പിളർന്നാണ്‌ നാവ്‌ പുറത്തേയ്ക്ക്‌ നീളുന്നത്‌.
    മാംസഭോജിയാണ്‌. തരത്തിനു കിട്ടിയാൽ ചെറിയ ജീവികളെ പിടിച്ചു വിഴുങ്ങും. തവളയോ എലിയോ തരംപോലെ. നമ്മുടെ ആഹാരശീലംപോലെ മൂന്നു നേരമൊന്നും വേണ്ട. വേണ്ടിവന്നാൽ മാസങ്ങളോളം ആഹാരമില്ലാതെ കഴിയാനും റെഡി. അവയ്ക്ക്‌ ചവയ്ക്കാനാവില്ല. ഇരയെ മൊത്തത്തിൽ വിഴുങ്ങുകയാണ്‌. ജീവിയുടെ വലിപ്പത്തിനൊത്ത്‌ വായ പൊളിയ്ക്കാൻ പാമ്പിന്‌ കഴിയുന്നു.
    ഇണചേരലിനുശേഷം മുട്ടകളിടുന്നു. ഒരേ ജാതിയിലെ പാമ്പുകൾ തമ്മിലേ ഇണചേരുകയുള്ളു. പ്രജനന കാലത്ത്‌ പെൺപാമ്പ്‌ തന്റെ ഗന്ധഗ്രന്ഥിയിൽ നിന്നും ഒരു തരം ഗന്ധം പുറപ്പെടുവിക്കുന്നു. തന്മൂലം ആൺപാമ്പുകളാൽ ആകർഷിക്കപ്പെടുന്നു. അങ്ങനെ ഒരു നാഗസുന്ദരിയ്ക്കായി ഒരുപാടു സുന്ദരന്മാർ മത്സരിച്ചെന്നും വരാം.
    വെള്ളനിറത്തിലെ മുട്ടകൾ ലെത്തർമാതിരിയോ പഞ്ഞിമാതിരിയോ ആണ്‌. മുട്ടത്തോട്‌ അത്തരത്തിലാണ്‌ രൂപപ്പെട്ടിരിക്കുന്നത്‌. കോഴിമുട്ട മാതിരി തട്ടിയാൽ പൊട്ടില്ല. അതിനാൽ മുട്ട കൂടുതൽ ഭദ്രമാണ്‌. എങ്കിലും പാമ്പിന്റെ ശത്രുക്കളായ കീരി, മോനിറ്റർ ലിസാർഡ്‌ എന്നിവയുടെ ആഹാരമാവാറുണ്ട്‌.
    അണലി, കടൽപാമ്പുകൾ, സാന്റ്‌ ബോ എന്നിവ പ്രസവിക്കുന്നവയാണ്‌. ഇത്‌ യഥാർത്ഥ പ്രസവമല്ല. അതാണ്‌ ഓവോ വിവി പാരിറ്റി. ശരീരത്തിൽ ഒരറയിൽ മുട്ടി നിക്ഷേപിയ്ക്കപ്പെടുകയും അവിടെ മുട്ടിവിരിഞ്ഞ്‌ കുഞ്ഞുങ്ങൾ പുറത്തുവരികയും ചെയ്യുന്നു. മുട്ടയിടുന്നത്‌ ഓരോപാരിറ്റിയും കുഞ്ഞുങ്ങൾ പ്രസവിയ്ക്കപ്പെടുന്നത്‌ വിവി പാരിറ്റിയുമാണ്‌.

തുടരും....

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…