Skip to main content

നഗ്നത ഒരു രാജ്യമാകുന്നു...



സുലോച് എം. എ


എഴുതികഴിഞ്ഞു വായിക്കുന്നു
'നഗ്നത'
കൂറ്റന്‍ വാതിലിന് മുന്നിലാണ്

അകമേ തുറക്കാന്‍ മാത്രമാകുന്ന
വാതിലിന് മുന്നില്‍
പുറമേ നിന്നും കവിത വായിച്ചതാണ്
തുറന്നു പോയതാണ്!

നഗ്നത ഒരു വാതിലാണ് കവിത കൊണ്ട്
തുറക്കാവുന്ന വാതില്‍

എടുത്തെറിയപ്പെട്ടപോലെ
കവിതയില്‍ നിന്നും പുറത്താക്കപ്പെട്ട പോലെ
വാതിലും കടന്നു പോയതാണ്

വെളിച്ചമില്ല
വെളിച്ചത്തിന്റെ പേരുള്ള മറ്റേതോ നിറം
അല്ലെങ്കിലും
വെളിച്ചത്തിന്റെ നിറമെന്താണ് ?

മരങ്ങളെ കാണുന്നുണ്ട്‌
പക്ഷെ പച്ചയല്ല നിറം
പക്ഷികളെ
പൂക്കളെ
പാതകളെ
പുഴകളെ
കെട്ടിടങ്ങളെ
ആളുകളെ
പക്ഷെ ഇന്നലെ കണ്ട പോലല്ല
ഇവിടെ അതിന്റെ പേരുകള്‍
ആകൃതികള്‍ ..

നഗ്നത ഒരു അതിര്‍ത്തി പ്രദേശമാണ്
അതിര്‍ത്തികള്‍ വരച്ചുവെക്കാത്ത പ്രദേശം

ഒരമ്പരപ്പ്..!!
ഞാന്‍ എവിടെയാണ് ?
എന്റെ മുന്നിലൂടെ നഗ്നരായ മനുഷ്യരാണ്
പോയത് !
അവര്‍ ശരീരങ്ങളെ മറയ്ക്കാതെ
പള്ളികളിലും
അമ്പലങ്ങളിലും
ഓഫീസികളിലും
ബസിലും
ട്രെയിനുകളിലും സഞ്ചരിക്കുന്നു !!
അയ്യോ !! എന്റെ തല ചുറ്റുന്നു!!

നഗ്നത ഒരു നഗരമാണ്
വീടെടുപ്പുകളുടെ നഗരം

സോഡാ സര്‍ബത്ത് കുടികുമ്പോള്‍
കണ്ണുകള്‍ ഇറുക്കിയടച്ചു
അത് തന്ന പെണ്ണിന്റെ മുലകളില്‍
ഒറ്റ നോട്ടം മാത്രം നോക്കി.
അവള്‍ പൂര്‍ണനഗ്നയാണ്
അവള്‍ സംസാരിച്ചത് ഏതു ഭാഷയിലാണ് ?
കവിത !

നഗ്നത ഒരു കവിതയാകുന്നു
വായിച്ചെടുക്കപ്പെട്ടിട്ടില്ലാത്ത
കവിത

നിരത്തിലൂടെ ആളുകള്‍ എതോഭാഷയില്‍
എന്തല്ലമോ സംസാരിക്കുന്നു.
സ്ത്രീയും പുരുഷനും
കുട്ടികളും
മുലകളും ലിംഗങ്ങളും യോനികളും
നിറയുന്ന നിരത്തുകള്‍ ..
പാര്‍ലറുകള്‍
പരിസരങ്ങള്‍
സ്ത്രീയും പുരുഷനും
തുണി ഉടുക്കാതെ സംസാരിച്ചു
സംസാരിച്ചു കൊണ്ടിരിക്കുന്നു
ആദ്യം കാണുന്നവര്‍ തമ്മില്‍
ലിംഗങ്ങളെ തലോടിയാണ്
അഭിവാദ്യം ചെയ്യുന്നത് !!
ഹോ ! നാണമേ... മാനമേ....!!

അവരുടെ കണ്ണുകളിലേക്കു
ഞാന്‍ സൂക്ഷിച്ചു നോക്കി
അവരുടെ കണ്ണുകള്‍
അവരവരുടെ കണ്ണുകളില്‍ മാത്രമാണ്
താമസികുന്നത് ..!!

നഗ്നത ഒരു കാഴ്ചയാണ്
എപ്പോഴും തുറന്നു പിടിക്കാവുന്ന കാഴ്ച

എന്റെ നഗരത്തിലെതുപോലെ
ഞാന്‍ അന്വേഷിക്കുന്നു
മദ്യ ഷാപ്പുകള്‍
വേശ്യാലയങ്ങള്‍
തുണിക്കടകള്‍
ആഭരണ ശാലകള്‍
വലിയൊരു മതില്‍ മാത്രം
ഉത്തരം തരുന്നു.

നഗ്നത വലിയൊരു മതിലാകുന്നു
അപ്പുറം മറ്റെന്തക്കെയോയുന്ടെന്നു
സൂചന തരുന്ന കൂറ്റന്‍ മതില്‍

വീടുകളിലൂടെ സഞ്ചരിക്കുന്നു
ഞാന്‍
ഒളിഞ്ഞു നോക്കുന്നു
പൂമുഖങ്ങളില്‍
അടുക്കളയില്‍
കിടപ്പുമുറിയില്‍
ഇരുട്ടില്‍
എന്റെ കണ്ണുകള്‍
ചാനല്‍ ക്യാമറ പോലെ
മിഴിച്ചു നോക്കുന്നു.

പാചകം
തീറ്റ
വാത്സല്യം
താരാട്ടു
രതി
അവരവരുടെ ഇടങ്ങളില്‍
അവരവര്‍ ചെയ്യുന്നുട് .

അപ്പോഴും
അപ്പോഴും

അവരെല്ലാം പൂര്‍ണ്ണ നഗ്നരാണ് ...
ഹാ ...എനിക്ക് എന്താണ് സംഭാവികുന്നത് !!

നഗ്നത വെളിച്ചമാണ്
ഇരുട്ടാണ്‌

എന്റെ നഗരത്തില്‍
നാണകേടാണ്
രഹസ്യമാണ്
രതിയാണ്
രോഗമാണ് !!

എത്രയായിട്ടും ഇവിടെ
ആരുമെന്നെശ്രദ്ധിക്കാത്തതെന്താണ് ..?
ദൈവമേ !!!ഞാനും ഇവിടെ പൂര്‍ണ നഗ്നനാണല്ലോ !!

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…