സ്മിത പി കുമാർ
മണ്ണേ
വല്ലാതെ മോഹിപ്പിച്ചിട്ടൊന്നുമില്ല നീയെന്നെ
വെട്ടി പിടിക്കണമെന്നോ
കെട്ടിപ്പടുക്കണം എന്നോ ഇല്ലായിരുന്നു .
എന്റെയിടമെന്നു പറഞ്ഞു
ചത്തു കഴിഞ്ഞാൽ
ചമഞ്ഞു കിടക്കാൻ ഒരിത്തിരി മണ്ണ്
അത്രമാത്രം !
എന്റെ മണ്ണേ ....
പലിശ പെരുക്കം കൊണ്ട്
ഉറക്കം എഴുതി തള്ളിയ അക്കങ്ങളേ
മുഖം കറുപ്പിച്ച വാതിലുകളേ
ഇനി മുതൽ
ഭൂപടങ്ങളിൽ അതിർത്തിയില്ലാത്ത
രാജ്യങ്ങളുടെ ഉടമയാവും ഞാൻ .
