Skip to main content

സഫലമാകട്ടെ യാത്രകൾ



സ്വാമി സന്ദീപാനന്ദഗിരി
ജീവിതത്തിന്റെ സവിശേഷതകൾ മനസ്സിലാക്കാൻ പ്രകൃതിയെ പല പരിപ്രേക്ഷ്യങ്ങളിലൂടെ നോക്കി കാണേണ്ടതുണ്ട്‌. ഓരോ യാത്രയും അതിലേക്കാണ്‌ നമ്മെ നയിക്കുന്നുണ്ട്‌. യാത്ര ഗുരുവാണ്‌. ജീവിതത്തിന്റെ അനവധി പാഠങ്ങൾ യാത്രയിലൂടെ നമുക്ക്‌ മനസ്സിലാക്കാനാകും. യാത്രകളോട്‌ നന്നേ ചെറുപ്പത്തിൽ തന്നെ നമുക്ക്‌ താത്പര്യമുണ്ടായിരുന്നു. ഭൂമിയിലെ ഏറ്റവും ഉയർന്ന ഭാഗത്തെ തടാകമായ മാനസസരോവറും ഏറ്റവും താഴെയുള്ള റെഡ്‌ സീ (റീഡ്‌ സീ)യും നമുക്ക്‌ സന്ദർശിക്കാനായിട്ടുണ്ട്‌. ജനസാന്ദ്രതയും ശബ്ദഘോഷങ്ങളും അനുഭവിച്ചു മടുക്കുമ്പോൾ പ്രകൃതിയുടെ ശാന്തത്തയിലേക്ക്‌ മടങ്ങാൻ ആഗ്രഹിക്കുക സ്വാഭാവികം. യാത്ര ഉത്സാഹമാണ്‌. അത്‌ മാറ്റങ്ങൾ കൊണ്ടുതരുകയാണ്‌. താമസസ്ഥലം മാറുന്നു, ഭക്ഷണം മാറുന്നു, ജനങ്ങൾ മാറുന്നു, ശീതോഷ്ണസ്ഥിതി മാറുന്നു, ഭാഷ മാറുന്നു. എല്ലാം മാറിക്കൊണ്ടിരിക്കുന്നു. മാറുന്ന കാഴ്ചകളും അനുഭവങ്ങളും അറിവുകളും-അതാണ്‌ യാത്രയുടെ സാഫല്യം. എല്ലാ യാത്രകളും സഫലമാക്കേണ്ടതുണ്ട്‌. അതിനായി യാത്രികൻ മനസ്സിനെ ഒരുക്കുകയും ഉണർത്തുകയും വേണം.

നമ്മുടെ ആദ്യയാത്രാനുഭവം കോഴിക്കോടുനിന്നു വയനാട്ടിലേക്കുള്ളതായിരുന്നു. ആറാം ക്ലാസിൽ പഠിക്കുമ്പോൾ ഒറ്റക്കു നടത്തിയ ആ യാത്രയെ ലക്ഷണമൊത്ത യാത്ര എന്ന്‌ ഇന്നും കരുതുന്നു. വയനാടുചുരം കയറിക്കയറി ബസ്സങ്ങനെ പോകുമ്പോൾ ചരലുവാരിയെറിയുന്നതുപോലെ ആലിപ്പഴങ്ങൾ പാറിവീണതും വനമേഖലയുടെ സുഖമുള്ള തണുപ്പും ഹരിതാഭയും ആസ്വദിച്ചതും ഇന്നും മനസ്സിലുണ്ട്‌. സാഹസികയാത്രകളും നമുക്കിഷ്ടമാണ്‌. ഹരിതാഭയും ആസ്വദിച്ചതും ഇന്നും മനസ്സിലുണ്ട്‌. സാഹസികയാത്രകളും നമുക്കിഷ്ടമാണ്‌. 16-17 വയസ്സുള്ളപ്പോൾ പുത്തൻ ഹീറോ ഹോണ്ടയിൽ സുഹൃത്തിനെയും കൂട്ടി കോഴിക്കോടു നിന്നും ബോംബെയിലേക്കു നടത്തിയത്‌ അത്തരത്തിലൊന്നാണ്‌. പീടികക്കോലായിലെ രാത്രിയുറക്കവും നദിയിലെ കുളിയും അപകടത്തിൽ പെട്ടപ്പോൾ ഏതോ ഗ്രാമീണരിൽ നിന്നു ലഭിച്ച പരിചരണങ്ങളും വലിയ കൗമാരസ്മരണയാണ്‌. നിരീക്ഷപാടവമാണ്‌ ഒരു യാത്രികനു വേണ്ട ഏറ്റവും വലിയ ഗുണം. ലോകത്ത്‌ എന്തൊക്കെ നടക്കുന്നു, ജീവിതത്തിനായി എന്തൊക്കെ പെടാപ്പാടുപെടുന്നു ഇതൊക്കെ അറിയാനുള്ള ജിജ്ഞാസ ശമിക്കുന്നത്‌ യാത്രയിലൂടെയാണ്‌. ഹിമാലയം നമുക്ക്‌ തറവാടുപോലെയാണ്‌. എത്രയോ യാത്രകൾ അവിടേയ്ക്ക്‌ നടത്തിയിരിക്കുന്നു. ഹിമാലയത്തിലെ പാറയുടെ ചെരുവിലിരുന്ന്‌ ഒരു ചെറിയകുട്ടി അക്ഷരം എഴുതി പഠിക്കുന്നത്‌ ഒരിക്കൽ കണ്ടു. അവന്റെ അമ്മ പാറപ്പണിയിലാണ്‌. വൃക്ഷശിഖരത്തിൽ കെട്ടിയ തുണിത്തൊട്ടിലിൽ അവന്റെ ഇളയകുഞ്ഞ്‌ സമാധാനത്തോടെ ഉറങ്ങുന്നു. ഇതൊക്കെ ദർശിച്ചു കഴിഞ്ഞാൽ ജീവിതത്തിൽ പരാതി പറയാൻ കഴിയുമോ? ഒരു മരക്കാലുപോലുമില്ലാത്ത, ഹിമസാഗരമായ കൈലാസത്തിലെ ചെറിയ പാറയിടുക്കുകളിൽ കിളികൾ മുട്ടയിട്ടു വിരിയിക്കുന്നു. പ്രകൃതിയോടിണങ്ങിയുള്ള ജീവിതത്തിന്റെ എത്ര എത്ര ദൃശ്യങ്ങളാണ്‌ ഉണർന്നിരിക്കുന്ന യാത്രക്കാരനു മുന്നിൽ സമർപ്പിക്കപ്പെടുന്നത്‌!

സൗന്ദര്യമാർന്ന പ്രദേശങ്ങളെ പവിത്രതയുമായി ഈശ്വരനുമായി ബന്ധിപ്പിക്കുക എന്നത്‌ ഭാരതത്തിന്റെ രീതിയാണ്‌. അവിടെയൊക്കെ ക്ഷേത്രങ്ങൾ സ്ഥാപിക്കുകയോ പുരാണകഥകളുമായി ബന്ധപ്പെട്ട സ്ഥലങ്ങളായി അടയാളപ്പെടുത്തി ബഹുമാനിക്കുകയോ ചെയ്തിരുന്നു. ഇന്ന്‌ സൗന്ദര്യമാർന്ന സ്ഥലങ്ങളൊക്കെ ഭൗതികാസക്തി പ്രകടമാക്കുന്ന വൻ റിസോർട്ടുകളും പാർപ്പിടസമുച്ചയങ്ങളുമായി മാറിക്കൊണ്ടിരിക്കുന്നത്‌ ഓരോ യാത്രയിലും അറിയാൻ കഴിയുന്നു.

നമ്മുടെ ആദ്യ വിദേശയാത്ര ശ്രീലങ്കയിലേക്കായിരുന്നു. എലിഫന്റ്‌ ഓർഫനേജ്‌ വലിയ കാഴ്ചയായി. വികളാംഗരും വൃദ്ധരുമൊക്കെയായി അനേകം ആനകളെ അവിടെ സംരക്ഷിച്ചിരിക്കുന്നു. കാട്ടിലൂടെ ആനക്കൂട്ടങ്ങൾ നദിയിൽ കുളിക്കാൻ പോകുന്നത്‌ ഗംഭീരകാഴ്ചയാണ്‌. പിന്നെ കാഠ്മണ്ഡു, ചൈന, അമേരിക്ക, ഇംഗ്ലണ്ട്‌, സ്കോട്ട്ലൻഡ്‌, ആസ്ത്രേലിയ. 

ഈ യാത്രകളിൽ പ്രത്യേകം ശ്രദ്ധിച്ച ഒരു കാര്യം അവർ സഞ്ചാരത്തിനും സ്വസ്ഥജീവിതത്തിനും ശ്രദ്ധയോടെ ഒരുക്കിയ സൗകര്യങ്ങളാണ്‌. ശബ്ദമലിനീകരണത്തിനെതിരെയും മാലിന്യനിർമ്മാർജ്ജനത്തിനും സഞ്ചാരപാതകളുടെ വൃത്തിയ്ക്കും നിലവാരത്തിനും അവർ കൊടുക്കുന്ന പ്രാധാന്യം അഭിനന്ദനം അർഹിക്കുന്നു. സ്വസ്ഥവും ഭദ്രവുമായ ജീവിതത്തിനു വേണ്ട സാഹചര്യങ്ങൾ ചിന്താരൂപത്തിൽ ഭാരതത്തിൽ പണ്ടേക്കുപണ്ടേ ഉണ്ടായിരുന്നുവേങ്കിലും അവയൊന്നും പ്രാവർത്തികമാക്കാൻ നമുക്കാവുന്നില്ല. വിദേശങ്ങളിൽ കാണുന്ന ഇടപെടലുകൾ നാട്ടിലും ഉണ്ടായെങ്കിലെന്ന്‌ ആശിച്ചുപോകുന്നു.

ആഗ്രഹിച്ചിട്ടും നടക്കാതെപോയ യാത്രയെക്കുറിച്ചും പറയട്ടെ. അത്‌ പാകിസ്ഥാനിലേക്കുള്ളതായിരുന്നു. ചിന്മയ യുവകേന്ദ്രത്തിന്റെ ക്യാമ്പ്‌ നടത്തുമ്പോൾ പരിചയപ്പെട്ട പാകിസ്ഥാൻ യുവാക്കളാണ്‌ അത്തരം ഒരു യാത്രയെക്കുറിച്ച്‌ ചിന്തിപ്പിച്ചതു. ഇന്ത്യയുടെയും പാകിസ്ഥാന്റെയും ജനങ്ങൾ പരസ്പരം ഇടപെടുകയും ആശയവിനിമയം നടത്തുകയും ചെയ്താൽ ഇരുരാജ്യങ്ങളും തമ്മിലുള്ള ബന്ധത്തിന്‌ ഊഷ്മളതയുണ്ടാകും എന്ന നിശ്ചയത്തിലെടുത്ത പദ്ധതി, പക്ഷെ, മിഷന്റെ പരമാചാര്യൻ നിരാകരിക്കുകയായിരുന്നു. നമുക്ക്‌ ഏറെ ദുഃഖമുണ്ടാക്കിയ ഒരു അനുഭവമാണത്‌. ഏതായാലും ആ ആഗ്രഹം പ്രാവർത്തികമാക്കണം എന്നു തന്നെയാണ്‌ മനസ്സ്‌ മന്ത്രിക്കുന്നത്‌. 

യാത്രകൾ നടത്തുവാനുള്ള താത്പര്യം ഏവരിലും ഉണ്ടാകട്ടെ!
കടപ്പാട്: പിറവി മാസിക

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…